newsics.com/ನ್ಯೂಸಿಕ್ಸ್
ತಂದೆ ತಾಯಿ ಇಲ್ಲದ 11 ಹಾಗೂ 12 ವರ್ಷದ ಬಾಲಕಿಯರನ್ನು ಮಾವನೇ ಹಣಕ್ಕಾಗಿ ಬೇರೆ ವ್ಯಕ್ತಿಗಳಿಗೆ ಕೊಟ್ಟು ದೌರ್ಜನ್ಯ ಎಸಗಿರುವ ಘಟನೆ ನಡೆದಿದೆ.
ಬೆಂಗಳೂರಿನ ಕಗ್ಗಲೀಪುರದ ಕೈದಳ್ಳಿಪಾಳ್ಯದಲ್ಲಿ ದನ ಮೇಯಿಸುವ 29 ವರ್ಷದ ಕಿರಣ್ ಕುಮಾರ್ ನಾಯಕ್ ಎಂಬ ವ್ಯಕ್ತಿ, ಹಾಗೂ ಚನ್ನಪಟ್ಟಣದಲ್ಲಿ ಸ್ವಿಮ್ಮಿಂಗ್ ಪೂಲ್ ನಿರ್ವಹಣೆ ಕೆಲಸ ಮಾಡುತ್ತಿದ್ದ, 20 ವರ್ಷದ ಆದಿತ್ಯ ಎಮ್ಕೆ ಈ ಕೃತ್ಯ ಎಸಗಿದವರು. ಇಬ್ಬರನ್ನು ಸೈಬರ್ ಕಮಾಂಡ್ ಸೆಂಟರ್ ಪೊಲೀಸರು ಬಂಧಿಸಿದ್ದಾರೆ. ಈ ಪ್ರಕರಣ ಕಗ್ಗಲೀಪುರ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ.
ಬಾಲಕಿಯರು ರಾಮನಗರದವರಾಗಿದ್ದು, ಅವರ ತಾಯಿ ಹಲವು ವರ್ಷಗಳ ಹಿಂದೆ ಮೃತಪಟ್ಟಿದ್ದರು. ತಂದೆ ಕುಡುಕನಾಗಿದ್ದ, 2 ವರ್ಷಗಳ ಹಿಂದೆ ಆತನೂ ಮೃತಪಟ್ಟಿದ್ದ. ಬಳಿಕ ಇಬ್ಬರು ಹೆಣ್ಣುಮಕ್ಕಳು ಅವರ ಮಾವನ ಜತೆ ಇದ್ದರು. ಆ ಆರೋಪಿಗಳ ಪೈಕಿ ಒಬ್ಬ ಈತನಿಗೆ ಅತ್ಯಂತ ಪರಿಚಿತನಾಗಿದ್ದನು. ಹೀಗಾಗಿ ದನ ಮೇಯಿಸುವಾತನಿಂದ ಹಣ ಪಡೆದು, ಅವರಿಗೆ ಹೆಣ್ಣುಮಕ್ಕಳನ್ನು ಕರೆದುಕೊಂಡು ಹೋಗುವಂತೆ ತಿಳಿಸಿದ್ದ.
ಕಳೆದ 1 ವರ್ಷದಿಂದ ಆ ಬಾಲಕಿಯರನ್ನು ಲೈಂಗಿಕವಾಗಿ ದುರ್ಬಳಕೆ ಮಾಡಿಕೊಳ್ಳಲಾಗಿದೆ ಎಂದು ಸೈಬರ್ ಕಮಾಂಡ್ ಸೆಂಟರ್ನ ಡಿಜಿಪಿ ಪ್ರಣಬ್ ಮೊಹಾಂತಿ ಹೇಳಿದ್ದಾರೆ. ಅವರ ಮಾವನಿಗಾಗಿ ಹುಡುಕಾಟ ನಡೆದಿದೆ.
ವಿಡಿಯೋ ಮಾಡಿ, ಅಪ್ಲೋಡ್
ಆ ಕಾಮುಕರು ಲೈಂಗಿಕ ದೌರ್ಜನ್ಯ ನಡೆಸಿದ್ದಲ್ಲದೆ, ಅದನ್ನು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಕ್ಕೆ ಹಾಕಿ, ಅದರಿಂದ ಹಣ ಗಳಿಸುವ ಉದ್ದೇಶ ಹೊಂದಿದ್ದರು ಎಂದು ಗೊತ್ತಾಗಿದೆ. ಸೈಬರ್ ಕಮಾಂಡ್ ಸೆಂಟರ್ ಈ ಇಬ್ಬರು ಆರೋಪಿಗಳನ್ನು ಬಂಧಿಸಿದ್ದು, ಈ ಬಗ್ಗೆ ನಾಷನಲ್ ಸೈಬರ್ ಕ್ರೈಮ್ ರಿಪೋರ್ಟಿಂಗ್ ಪೋರ್ಟಲ್ ಅಲರ್ಟ್ ಮಾಡಿತ್ತು.
Private bus fares increase ಇಂದು ರಾತ್ರಿಯಿಂದಲೇ ಖಾಸಗಿ ಬಸ್ ಪ್ರಯಾಣದರ ದುಬಾರಿ! ಶೇ.30 ಹೆಚ್ಚಳ
Shani amavasye ನಾಳೆ ಶನಿ ಅಮಾವಾಸ್ಯೆ: ಈ ಐದು ರಾಶಿಗಳ ಜನರಿಗೆ ಭಾರೀ ಸಂಕಷ್ಟ
ಪ್ರಧಾನಿ ಮೋದಿ ವಿಮಾನಕ್ಕೆ UAEನಿಂದ F16 ಫೈಟರ್ ಜೆಟ್ಗಳ ಬೆಂಗಾವಲು ಗೌರವ, ವಿಡಿಯೋ ನೋಡಿ
