newsics.com
ನವದೆಹಲಿ: ಶೆಲ್ಕಾಲ್ 500 ಮತ್ತು ಪ್ಯಾನ್ ಡಿ ಸೇರಿದಂತೆ ನಾಲ್ಕು ಔಷಧಗಳನ್ನು ಸೆಂಟ್ರಲ್ ಡ್ರಗ್ಸ್ ಸ್ಟ್ಯಾಂಡರ್ಡ್ ಕಂಟ್ರೋಲ್ ಆರ್ಗನೈಸೇಶನ್ (CDSCO) ನಿಷೇಧಿಸಿ ಆದೇಶ ಹೊರಡಿಸಿದೆ.
ಅಗತ್ಯ ಗುಣಮಟ್ಟದ ಮಾನದಂಡಗಳನ್ನು ಪೂರೈಸದ ಹಲವು ಔಷಧೀಯ ಉತ್ಪನ್ನಗಳನ್ನು ಗುರುತಿಸಿದ್ದು, ಇವುಗಳಲ್ಲಿ ವ್ಯಾಪಕವಾಗಿ ಬಳಸಲಾಗುವ ಕ್ಯಾಲ್ಸಿಯಂ ಪೂರಕಗಳಾದ ಶೆಲ್ಕಾಲ್ 500 ಮತ್ತು ಪ್ಯಾನ್ ಡಿ ಸೇರಿದಂತೆ ನಾಲ್ಕು ಔಷಧಿಗಳು ನಕಲಿ ಎಂದು ಕಂಡುಬಂದಿದೆ.
ನಕಲಿ ಔಷಧಗಳ ಜತೆಗೆ ಇತರ 49 ಔಷಧ ಮಾದರಿಗಳು ಗುಣಮಟ್ಟದ ಪರೀಕ್ಷೆಯಲ್ಲಿ ವಿಫಲವಾಗಿವೆ ಎಂದು ಸೆಪ್ಟೆಂಬರ್ ಮಾಸಿಕ ಔಷಧ ಎಚ್ಚರಿಕೆಯ ವರದಿ ತಿಳಿಸಿದೆ.
ಇವುಗಳಲ್ಲಿ ಜನಪ್ರಿಯ ಔಷಧಿಗಳಾದ ಪ್ಯಾರಸಿಟಮಾಲ್, ಕ್ಯಾಲ್ಸಿಯಂ ಮತ್ತು ವಿಟಮಿನ್ ಡಿ-3 ಪೂರಕಗಳೂ ಸೇರಿವೆ. ಹೆಚ್ಚುವರಿಯಾಗಿ, ಆಕ್ಸಿಟೋಸಿನ್, ಮೆಟ್ರೋನಿಡಜೋಲ್ ಮತ್ತು ಫ್ಲುಕೋನಜೋಲ್ನಂತಹ ಔಷಧಗಳನ್ನು ಗುಣಮಟ್ಟದ ಕೊರತೆಯಿಂದ ಗುರುತಿಸಲಾಗಿದೆ.
ಡ್ರಗ್ಸ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ (ಡಿಸಿಜಿಐ) ರಾಜೀವ್ ಸಿಂಗ್ ರಘುವಂಶಿ ಪ್ರತಿಕ್ರಿಯಿಸಿ, ಔಷಧಗಳ ಮೇಲ್ವಿಚಾರಣೆ ಮತ್ತು ಸಿಡಿಎಸ್ಸಿಒ ಜಾಗರೂಕ ಕ್ರಮದಿಂದಾಗಿ ಗುಣಮಟ್ಟವಿಲ್ಲದ ಔಷಧಗಳ ಶೇಕಡಾವಾರು ಪ್ರಮಾಣ ಗಣನೀಯವಾಗಿ ಕಡಿಮೆಯಾಗಿದೆ ಎಂದು ಹೇಳಿದ್ದಾರೆ.
ಪರೀಕ್ಷೆಗೆ ಒಳಪಡಿಸಿದ ಸುಮಾರು ಮೂರು ಸಾವಿರ ಔಷಧ ಮಾದರಿಗಳಲ್ಲಿ 49 ಅನುಸರಣೆಯಿಲ್ಲದ ಔಷಧ (ಎನ್ಎಸ್ಕ್ಯೂ) ಎಂದು ಪರಿಗಣಿಸಲಾಗಿದೆ.
ಅಲ್ಕೆಮ್ ಹೆಲ್ತ್ ಸೈನ್ಸಸ್, ಅರಿಸ್ಟೋ ಫಾರ್ಮಾಸ್ಯುಟಿಕಲ್ಸ್, ಕ್ಯಾಮಿಲ್ಲಾ ಫಾರ್ಮಾಸ್ಯುಟಿಕಲ್ಸ್, ಇನ್ನೋವಾ ಕ್ಯಾಪ್ಟನ್, ಹಿಂದೂಸ್ತಾನ್ ಆಂಟಿಬಯೋಟಿಕ್ಸ್ ಮತ್ತು ಇಪ್ಕಾ ಲ್ಯಾಬೋರೇಟರೀಸ್ ಸೇರಿದಂತೆ ಹಲವಾರು ಕಂಪನಿಗಳ ಔಷಧಗಳಲ್ಲಿ ಗುಣಮಟ್ಟದ ಸಮಸ್ಯೆಗಳನ್ನು ಗುರುತಿಸಲಾಗಿದೆ.
ಜನರಿಗೆ ಲೈಂಗಿಕತೆಯೂ ಈಗ ಆದ್ಯತೆಯ ವಿಚಾರವಾಗುತ್ತಿದೆಯಂತೆ…! ಯಾಕೆ ಹೀಗೆ?
ಹತ್ತು ಸಾವಿರ ಕೋಟಿಯ ರತನ್ ಟಾಟಾ ಆಸ್ತಿಯಲ್ಲಿ ನಾಯಿಗೂ ಪಾಲು, ಮನೆಗೆಲಸದವರನ್ನೂ ಮರೆಯದ ಉದ್ಯಮಿ
ಎಷ್ಟು ಬಾರಿ ಧರಿಸಿದ ಬಳಿಕ ಬಟ್ಟೆ ವಾಶ್ ಮಾಡ್ಬೇಕು? ಅನುಕೂಲ, ಆನಾನುಕೂಲ ಏನು…
