newsics.com | ನ್ಯೂಸಿಕ್ಸ್
ಹೈದರಾಬಾದ್: ಟಾಲಿವುಡ್ನ ರೆಬೆಲ್ ಸ್ಟಾರ್ ಪ್ರಭಾಸ್ ನಟನೆಯ ಬಹುನಿರೀಕ್ಷಿತ ‘ಫೌಜಿ’ ಚಿತ್ರದ ಬಿಡುಗಡೆಯ ದಿನಾಂಕ ಅಧಿಕೃತವಾಗಿ ಪ್ರಕಟಗೊಂಡಿದೆ. ‘ಕಲ್ಕಿ 2898 ಎಡಿ’ ಮತ್ತು ‘ಸ್ಪಿರಿಟ್’ ಚಿತ್ರಗಳ ಕೆಲಸಗಳ ನಡುವೆಯೂ ಪ್ರಭಾಸ್ ಅವರು ಈ ಚಿತ್ರದ ಕಥೆಗೆ ಮಾರುಹೋಗಿ, ಎಲ್ಲಕ್ಕಿಂತ ಮುಂಚಿತವಾಗಿ ಇದರ ಶೂಟಿಂಗ್ ಆರಂಭಿಸಿದ್ದರು. ಈಗ ಚಿತ್ರತಂಡ ನೀಡಿರುವ ಅಪ್ಡೇಟ್ ಅಭಿಮಾನಿಗಳಲ್ಲಿ ರೋಮಾಂಚನ ಮೂಡಿಸಿದೆ.
ರಕ್ತಸಿಕ್ತ ಪೋಸ್ಟರ್ನಲ್ಲಿ ಬಂದೂಕು ಹಿಡಿದ ‘ವರ’: ಡಿಸೆಂಬರ್ನಲ್ಲಿ ರಿಲೀಸ್
ಚಿತ್ರತಂಡ ಬಿಡುಗಡೆ ಮಾಡಿರುವ ಹೊಸ ಪೋಸ್ಟರ್ ಸಖತ್ ವಿನೂತನವಾಗಿದೆ ಮತ್ತು ರಗಡ್ ಲುಕ್ನಿಂದ ಕೂಡಿದೆ. ಪೋಸ್ಟರ್ನಲ್ಲಿ ಪ್ರಭಾಸ್ ಸಾಂಪ್ರದಾಯಿಕ ಪಂಚೆ ಉಟ್ಟು ಮದುಮಗನ ಅಲಂಕಾರದಲ್ಲಿದ್ದಾರೆ. ಆದರೆ, ಅವರ ಕೈಯಲ್ಲಿ ಮಾರಕ ಬಂದೂಕಿದ್ದು, ಇಡೀ ದೇಹ ರಕ್ತದಿಂದ ಆವೃತವಾಗಿದೆ. ಅವರ ಹಿನ್ನೆಲೆಯಲ್ಲಿ ಸಾಲು ಸಾಲು ಶವಗಳು ಬಿದ್ದಿರುವುದನ್ನು ಕಾಣಬಹುದು.
ಈ ಪೋಸ್ಟರ್ಗೆ ‘ಬಟಾಲಿಯನ್ ಹೂ ಫೈಟ್ಸ್ ಅಲೋನ್’ (ಒಂಟಿಯಾಗಿ ಹೋರಾಡುವ ಸೈನ್ಯ) ಎಂಬ ಪವರ್ಫುಲ್ ಟ್ಯಾಗ್ಲೈನ್ ನೀಡಲಾಗಿದೆ. ಭರ್ಜರಿ ಆ್ಯಕ್ಷನ್ ಹಾಗೂ ಎಮೋಷನಲ್ ಪ್ರೇಮಕಥೆ ಹೊಂದಿರುವ ಈ ಸಿನಿಮಾ ಡಿಸೆಂಬರ್ 3 ರಂದು ವಿಶ್ವಾದ್ಯಂತ ಬೆಳ್ಳಿಪರದೆಗೆ ಅಪ್ಪಳಿಸಲಿದೆ.
ಮಿಲಿಟರಿ ಆಫೀಸರ್ ಪಾತ್ರದಲ್ಲಿ ಪ್ರಭಾಸ್; ಹೊಸ ನಾಯಕಿಯ ಎಂಟ್ರಿ
ಹೆಸರೇ ಸೂಚಿಸುವಂತೆ ಪ್ರಭಾಸ್ ಈ ಚಿತ್ರದಲ್ಲಿ ಆರ್ಮಿ ಅಧಿಕಾರಿಯ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ವಿಶೇಷವೆಂದರೆ ನಿರ್ದೇಶಕ ಹನು ರಾಘವಪುಡಿ ಅವರ ಹಿಂದಿನ ಚಿತ್ರ ‘ಸೀತಾ ರಾಮಂ’ ಕೂಡ ಮಿಲಿಟರಿ ಹಿನ್ನೆಲೆಯ ಲವ್ ಸ್ಟೋರಿ ಹೊಂದಿತ್ತು. ಇದೀಗ ‘ಫೌಜಿ’ ಚಿತ್ರದಲ್ಲೂ ದೇಶಭಕ್ತಿಯ ಜೊತೆಗೆ ಸುಂದರ ಪ್ರೇಮಕಾವ್ಯ ಇರಲಿದೆ ಎನ್ನಲಾಗಿದೆ.
ಈ ಚಿತ್ರದ ಮೂಲಕ ಅಮೆರಿಕದ ಖ್ಯಾತ ನೃತ್ಯಗಾರ್ತಿ ಹಾಗೂ ನಟಿ ಇಮಾನ್ವಿ ಇಸ್ಮಾಯಿಲ್ ಅವರು ಪ್ರಭಾಸ್ಗೆ ಜೋಡಿಯಾಗಿ ಭಾರತೀಯ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡುತ್ತಿದ್ದಾರೆ.
Akanksha Chamola ನನಗೆ ಮಕ್ಕಳೇ ಬೇಡ, ತಾಯಿಯಾಗುವ ಹಂಬಲವೇ ಇಲ್ಲ, ದೈಹಿಕ ಸಂಪರ್ಕದಲ್ಲಿ ಆಸಕ್ತಿ ಉಳಿದಿಲ್ಲ!
