newsics.com
ಗುವಾಹಟಿ(ಅಸ್ಸಾಂ): ಗೂಗಲ್ ಮ್ಯಾಪ್ ನಂಬಿ ದಾಳಿ ಮಾಡಲು ಹೊರಟ 16 ಪೊಲೀಸರ ತಂಡವೊಂದು ಗ್ರಾಮಸ್ಥರಿಂದ ರಾತ್ರಿಯಿಡೀ ಬಂಧನಕ್ಕೊಳಗಾಗಿ ಪೇಚಿಗೆ ಸಿಲುಕಿದ ಘಟನೆ ನಡೆದಿದೆ.
ಅಸ್ಸಾಂ ಪೊಲೀಸರ 16 ಸದಸ್ಯರ ತಂಡವು ಗೂಗಲ್ ಮ್ಯಾಪ್ ತೋರಿಸಿದಂತೆ ಸಾಗಿ ತಮಗರಿವಿಲ್ಲದೆಯೇ ತಪ್ಪಾಗಿ ನಾಗಾಲ್ಯಾಂಡ್ ಪ್ರವೇಶಿಸಿದ್ದು, ಸ್ಥಳೀಯರು ಅವರನ್ನು ಕ್ರಿಮಿನಲ್ಗಳೆಂದು ಭಾವಿಸಿ ರಾತ್ರಿ ಇಡೀ ಬಂಧಿಸಿಟ್ಟಿದ್ದಾರೆ.
ಪೊಲೀಸರ ಬಳಿ ಅತ್ಯಾಧುನಿಕ ಶಸ್ತ್ರಾಸ್ತ್ರಗಳಿದ್ದುದರಿಂದ ಯಾರೋ ದುಷ್ಕರ್ಮಿಗಳಿರಬೇಕೆಂದು ನಾಗಾಲ್ಯಾಂಡ್ನ ಜನ ಭಾವಿಸಿದ್ದರು. 16 ಮಂದಿಯ ತಂಡದಲ್ಲಿ ಮೂವರು ಮಾತ್ರ ಸಮವಸ್ತ್ರ ಧರಿಸಿದ್ದರು. ಉಳಿದವರು ಸಿವಿಲ್ ಡ್ರೆಸ್ನಲ್ಲಿದ್ದರು. ಇದೂ ಸಹ ಸ್ಥಳೀಯರ ಗೊಂದಲಕ್ಕೆ ಕಾರಣವಾಗಿತ್ತು. ಪೊಲೀಸರ ಮೇಲೆ ಅವರು ಹಲ್ಲೆ ಸಹ ನಡೆಸಿದ್ದು, ಒಬ್ಬ ಸಿಬ್ಬಂದಿ ಗಾಯಗೊಂಡಿದ್ದಾನೆ ಎಂದೂ ಅಧಿಕಾರಿಗಳು ತಿಳಿಸಿದ್ದಾರೆ.
ಆರೋಪಿಯೊಬ್ಬನನ್ನು ಬಂಧಿಸಲು ಜೋರ್ಹಾಟ್ ಜಿಲ್ಲೆಯ ಪೊಲೀಸರು ಮಂಗಳವಾರ ರಾತ್ರಿ ಕಾರ್ಯಾಚರಣೆಗಿಳಿದಿದ್ದಾಗ ಈ ಘಟನೆ ನಡೆದಿದೆ.
‘ಗೂಗಲ್ ಮ್ಯಾಪ್ನಲ್ಲಿ ಅದೊಂದು ಚಹಾ ತೋಟವೆಂದು ತೋರಿಸಲಾಗಿತ್ತು. ಆದರೆ, ಅದು ನಾಗಾಲ್ಯಾಂಡ್ನ ಪ್ರದೇಶವಾಗಿತ್ತು. ಗೂಗಲ್ ಮ್ಯಾಪ್ ಮತ್ತು ಜಿಪಿಎಸ್ನ ತಪ್ಪು ಮಾಹಿತಿ ಆಧರಿಸಿ ನಾಗಾಲ್ಯಾಂಡ್ ಪ್ರವೇಶಿಸಿದ್ದರಿಂದ ಗೊಂದಲದಲ್ಲಿ ಕ್ರಿಮಿನಲ್ಗಳೆಂದು ಭಾವಿಸಿದ ಸ್ಥಳೀಯರು ತಮ್ನ ವಶದಲ್ಲಿಟ್ಟುಕೊಂಡಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.
ಜೋರ್ಹಾಟ್ ಪೊಲೀಸರು ಕೂಡಲೇ ನಾಗಾಲ್ಯಾಂಡ್ನ ಮೊಕೊಕ್ಚುಂಗ್ ಎಸ್ಪಿಇ ಅವರನ್ನು ಸಂಪರ್ಕಿಸಿ ವಿಷಯ ಮುಟ್ಟಿಸಿದ್ದಾರೆ. ಕೂಡಲೇ ಸ್ಥಳಕ್ಕೆ ಪೊಲೀಸರ ತಂಡವನ್ನು ಕಳುಹಿಸಿ ಅಸ್ಸಾಂ ಪೊಲೀಸರನ್ನು ಬಿಡುಗಡೆ ಮಾಡಿಸಲಾಗಿದೆ.
ಒಂದೇ ವಾರದಲ್ಲಿ ತಲೆ ಬೋಳು: ಈ ಗ್ರಾಮಗಳ ಜನರಿಗೆ ತಲೆ ಕೂದಲು ಉದುರುವ ಸಮಸ್ಯೆ
Nivedita Gowda ಟ್ರಾನ್ಸ್ ಪರೆಂಟ್ ಡ್ರೆಸ್ ನಲ್ಲಿ ಸಖತ್ ಪೋಸ್ ಕೊಟ್ಟ ನಿವೇದಿತಾ ಗೌಡ
Health Tips ಚಳಿಗಾಲದಲ್ಲಿ ಸ್ನಾನ ಸ್ಕಿಪ್ ಮಾಡಿದ್ರೆ ಶೇಕಡಾ 34 ರಷ್ಟು ಆಯಸ್ಸು ವೃದ್ಧಿ?
