newsics.com
ಚಳಿಗಾಲ ಅಂತ ಬಂದಾಗ ಮೈಯನ್ನು ನೀರಿಗೆಯೊಡ್ಡಲು ಮನಸ್ಸು ಸಿದ್ಧಗೊಳ್ಳುವುದೇ ಇಲ್ಲ. ಯಾವುದೋ ಒಂದು ಆಲಸ್ಯ. ಅಂತಹ ಕೊರೆಯುವ ಚಳಿ ಈ ಬಾರಿ ನಾವು ಅನುಭವಿಸುತ್ತಿದ್ದೇವೆ. ಆದ್ರೆ ಚಳಿಗಾಲದಲ್ಲಿ ಸ್ನಾನ ಮಾಡುವ ವಿಚಾರವಾಗಿ ಒಂದು ಗುಡ್ ನ್ಯೂಸ್ ಬಂದಿದೆ. ಇದನ್ನು ನೀವು ನಿಮ್ಮ ಸ್ನೇಹಿತರ ಹತ್ತಿರುವೂ ಕೂಡ ಶೇರ್ ಮಾಡಿಕೊಳ್ಳಬಹುದು.
ಹೌದು, ಶೇರ್ ಆಗಿರುವ ವಿಡಿಯೋದಲ್ಲಿ ಡಾ ರೆಬೆಕ್ಕಾ ಪಿಂಟೋ ಎಂಬುವವರು ಚಳಿಗಾಲದಲ್ಲಿ ಸ್ನಾನ ಮಾಡದೇ ಇರುವುದು ಕೆಟ್ಟದ್ದೆನಲ್ಲಾ ಇದರಿಂದ ನಿಮ್ಮ ಜೀವಿತಾವಧಿ ಅಂದ್ರೆ ಆಯಸ್ಸು ಶೇಕಡಾ 34 ರಷ್ಟು ಹೆಚ್ಚುತ್ತದೆ ಎಂದು ಹೇಳುತ್ತಾರೆ.
ಈ ವಿಡಿಯೋ ಇನ್ಸ್ಟಾಗ್ರಾಮ್ನಲ್ಲಿ ಒಟ್ಟು 66 ಲಕ್ಷ ವೀವ್ಸ್ ಪಡೆದಿದೆ ಆದ್ರೆ ಎಲ್ಲರೂ ಕೂಡ ಇದನ್ನು ಕಣ್ಮುಚ್ಚಿಕೊಂಡು ಒಪ್ಪಿಕೊಂಡಿಲ್ಲ. ಅನೇಕ ಸೋಷಿಯಲ್ ಮೀಡಿಯಾ ಬಳಕೆದಾರರು ಈ ಒಂದು ವಿಡಿಯೋಗೆ ಸಂಶಯವನ್ನು ವ್ಯಕ್ತಪಡಿಸಿದ್ದಾರೆ. ನಿಮ್ಮ ಈ ಹೇಳಿಕೆಯ ಹಿಂದೆ ಯಾವುದಾದರೂ ಸಂಶೋಧನೆ ಇದೆಯಾ ಎಂದು ಕೇಳಿದ್ದಾರೆ. ಒಂದು ವೇಳೆ ಇದ್ದಿದ್ದೇ ಆದಲ್ಲಿ ಅದನ್ನು ಶೇರ್ ಮಾಡಿ. ಈ ತರಹದ ಹೇಳಿಕೆಗಳನ್ನು ನೀಡುವ ಮೊದಲು ಅದರ ಹಿಂದೆ ನಡೆದಿರುವ ಸಂಶೋಧನೆಗಳನ್ನು ಮುಂದಿಟ್ಟು ಮಾತನಾಡುವುದು ಒಳ್ಳೆಯದು ಎಂದು ಹೇಳಿದ್ದಾರೆ.
ತಜ್ಞರು ಹೇಳುವ ಪ್ರಕಾರ ಚಳಿಗಾದಲ್ಲಿ ಪದೇ ಪದೇ ಸ್ನಾನ ಮಾಡುವುದರಿಂದ ಅನೇಕ ಸೂಕ್ಷ್ಮ ಜೀವಿಗಳು ಚರ್ಮಕ್ಕೆ ಹಾನಿಯನ್ನು ಮಾಡಬಲ್ಲವು. ಚಳಿಗಾಲದಲ್ಲಿ ಆಗಾಗ ಸ್ನಾನವನ್ನು ಸ್ಕಿಪ್ ಮಾಡುವುದರಿಂದಲೂ ಕೂಡ ಅಪಾಯವಿದೆ ಎಂದು ಹೇಳಿದ್ದಾರೆ.
ಬಿಜಿಎಸ್ ಆಸ್ಪತ್ರೆಯ ವೈದ್ಯ ಡಾ ಬಾಲಕೃಷ್ಣನ್ ಅವರು ಹೇಳುವ ಪ್ರಕಾರ ಚಳಿಗಾಲದಲ್ಲಿ ಸ್ನಾನವನ್ನು ಬಿಡುವುದರಿಂದ ಶೇಕಡಾ 34 ರಷ್ಟು ಆಯಸ್ಸು ವೃದ್ಧಿಯಾಗುತ್ತೆ ಅನ್ನೋದು ವೈಜ್ಞಾನಿಕವಾಗಿ ಸಾಬೀತುಪಡಿಸಲು ಕೊರತೆ ಇರುವ ಸತ್ಯಗಳು. ಈ ರೀತಿ ಸ್ನಾನವನ್ನು ಸ್ಕಿಪ್ ಮಾಡುವುದರಿಂದ ಸೋಂಕುಗಳು ಹೆಚ್ಚಾಗುವ ಸಾಧ್ಯತೆ ಇದೆ ಎಂದು ಹೇಳಿದ್ದಾರೆ.
https://www.instagram.com/reel/DEMAZt7oYLQ/?igsh=Z2RrbzFubnh5dHdo
