newsics.com
ಹೈದರಾಬಾದ್: ಕಾಂಡೋಮ್ ಹಾಗೂ ಲೂಬ್ರಿಕೆಂಟ್ ಬಳಸುವ ಮುನ್ನ ಸ್ವಲ್ಪ ಎಚ್ಚರ ವಹಿಸಿ. ಹೊಸ ಅಧ್ಯಯನವೊಂದರ ಪ್ರಕಾರ, ಕಾಂಡೋಮ್ ಮತ್ತು ಲೂಬ್ರಿಕೆಂಟ್ಗಳಿಂದ ಭವಿಷ್ಯದಲ್ಲಿ ಬಂಜೆತನ ಮತ್ತು ಕ್ಯಾನ್ಸರ್ ಸಮಸ್ಯೆ ಕಾಡಬಹುದು.
ಗ್ರಾಹಕ ರಕ್ಷಣಾ ವೇದಿಕೆ ಮಮವೇಶನ್ ತನ್ನ ಅಧ್ಯಯನ ವರದಿಯಲ್ಲಿ ಈ ಆಘಾತಕಾರಿ ಮಾಹಿತಿ ಬಹಿರಂಗಪಡಿಸಿದೆ.
ಕಾಂಡೋಮ್ಸ್ ಮತ್ತು ಪಿಎಫ್ಎಎಸ್ ಕೆಮಿಕಲ್ ಮಿಶ್ರಿತ ಲೂಬ್ರಿಕಂಟ್ಗಳನ್ನು ಬಳಸಿದರೆ ಬಂಜೆತನ, ಕ್ಯಾನ್ಸರ್ ಮತ್ತು ಯಕೃತ್ತು ಹಾನಿ, ಥೈರಾಯ್ಡ್ ಮತ್ತು ರೋಗನಿರೋಧಕ ಶಕ್ತಿ ಕಡಿಮೆಯಾಗುವಂತಹ ಸಮಸ್ಯೆಗಳು ಉಂಟಾಗಬಹುದು ಎಂದು ಅಧ್ಯಯನ ವರದಿಯಲ್ಲಿ ತಜ್ಞರು ಎಚ್ಚರಿಸಿದ್ದಾರೆ.
ಪರಿಸರದೊಂದಿಗೆ ಬೆರೆಯದ ಶಾಶ್ವತ ರಾಸಾಯನಿಕಗಳು ಎಂದು ಕರೆಯಲ್ಪಡುವ ಪಿಎಫ್ಎಎಸ್ ರಾಸಾಯನಿಕಗಳನ್ನು ಕಾಂಡೋಮ್ ತಯಾರಿಕೆಯಲ್ಲಿ ಬಳಸಲಾಗುತ್ತಿದೆ ಎಂಬ ಮಾಹಿತಿಯನ್ನು ಅಧ್ಯಯನ ಬಹಿರಂಗಪಡಿಸಿದೆ.
ಪ್ರಸಿದ್ಧ ಬ್ರಾಂಡ್ ಉತ್ಪನ್ನಗಳಾದ ಟ್ರೋಜನ್ ಅಲ್ಪಾ ಥಿನ್ ಕಾಂಡೋಮ್ಸ್ ಮತ್ತು ಕೆ-ವೈ ಜೆಲ್ಲಿ ಕ್ಲಾಸಿಕ್ ಲೂಬ್ರಿಕಂಟ್ ಸೇರಿದಂತೆ ಹಲವು ಕಂಪನಿಗಳ ಉತ್ಪನ್ನಗಳಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಪಿಎಫ್ಎಎಸ್ ರಾಸಾಯನಿಕಗಳಿರುವುದನ್ನು ಅಧ್ಯಯನ ಪತ್ತೆ ಹಚ್ಚಿದೆ.
ಪಾಲಿಫ್ಲೋರೊ ಅಲೈಲ್ ಪದಾರ್ಥಗಳನ್ನು PFAS ರಾಸಾಯನಿಕಗಳು ಅಥವಾ ಶಾಶ್ವತ ರಾಸಾಯನಿಕಗಳು ಎಂದು ಕರೆಯಲಾಗಿದೆ. ಇದನ್ನು 15 ಸಾವಿರಕ್ಕೂ ಹೆಚ್ಚು ಸಿಂಥೆಟಿಕ್ ರಾಸಾಯನಿಕಗಳಿಂದ ತಯಾರಿಸಲಾಗುತ್ತದೆ. ಪರಿಸರದೊಂದಿಗೆ ಬೆರೆಯದ ಇವುಗಳನ್ನು ಮರಗೆಲಸ, ಬಣ್ಣಗಳು ಮತ್ತು ಅಗ್ನಿಶಾಮಕ ಫೋಮ್ಗಳಲ್ಲಿ ಹೆಚ್ಚಾಗಿ ಬಳಸಲಾಗುತ್ತದೆ.
ನೀವು ಹೇಗೆ ಮೊಬೈಲ್ ಹಿಡಿದುಕೊಳ್ತೀರಿ? ಇದರಲ್ಲಡಗಿದೆಯಂತೆ ನಿಮ್ಮ ವ್ಯಕ್ತಿತ್ವ!
