newsics.com
ಬಾಲಿವುಡ್ ನಟಿ ರಿಚಾ ಚಡ್ಡಾ ಇತ್ತೀಚೆಗೆ ತಮ್ಮ ತಾಯ್ತನದ ಪ್ರಯಾಣದ ವೀಡಿಯೊವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದು, ಇದಕ್ಕೆ ಜನ ಟ್ರೋಲ್ ಮಾಡಿದ್ದು, ಈಗ ನಟಿ ಟ್ರೋಲರ್ಗಳಿಗೆ ತಕ್ಕ ಉತ್ತರ ನೀಡಿದ್ದಾರೆ.
ಕಳೆದ ವರ್ಷ, ರಿಚಾ ಚಡ್ಡಾ ಮತ್ತು ಅವರ ಪತಿ ಅಲಿ ಫಜಲ್ ಮುದ್ದು ಮಗುವಿಗೆ ಪೋಷಕರಾಗಿ ಭಡ್ತಿ ಪಡೆದಿದ್ದರು. ಇತ್ತೀಚೆಗೆ, ನಟಿ ತಮ್ಮ ಮಗಳು ಜುನೈರಾ ಇಡಾ ಫಜಲ್ ಅವರ ಮೊದಲ ಹುಟ್ಟುಹಬ್ಬದಂದು ಭಾವನಾತ್ಮಕ ಪೋಸ್ಟ್ ಹಂಚಿಕೊಂಡಿದ್ದಾರೆ. ಜುಲೈ 16, 2025 ರಂದು, ರಿಚಾ ತಮ್ಮ ತಾಯ್ತನದ ಪ್ರಯಾಣದ ಭಾವನಾತ್ಮಕ ರೀಲ್ ಅನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡರು,
ನಮ್ಮ ಜೀವನಕ್ಕೆ ತುಂಬಾ ಬಣ್ಣವನ್ನು ಸೇರಿಸಿದ್ದಕ್ಕಾಗಿ ಜುನ್ನಿ ಧನ್ಯವಾದಗಳು! ಒಂದು ವರ್ಷದ ಹಿಂದೆ ನಾನು ಬ್ರೀಚ್ ಕ್ಯಾಂಡಿ ಆಸ್ಪತ್ರೆಯಲ್ಲಿ ಆರೋಗ್ಯವಂತ ಹೆಣ್ಣು ಮಗುವಿಗೆ ಜನ್ಮ ನೀಡಿದೆ. ಹೆರಿಗೆ ನೋವು ಕೆಲವು ಗಂಟೆಗಳ ಕಾಲ ನಡೆಯಿತು, ಹೆರಿಗೆ ಕೇವಲ 20 ನಿಮಿಷಗಳಲ್ಲಿ ಸಂಭವಿಸಿತು. ನ್ಯಾಚುರಲ್ ಡೆಲಿವರಿ.! ಅಂದಿನಿಂದ ಜೀವನವು ಒಂದೇ ಆಗಿಲ್ಲ, ವಿಶೇಷವಾಗಿ ನನ್ನದು… ನಾನು ಒಳಗಿನಿಂದ ಹೊರಗಿನಿಂದ ಸಂಪೂರ್ಣವಾಗಿ ಬದಲಾಗಿದ್ದೇನೆ ಎಂದು ಭಾವಿಸುತ್ತೇನೆ ಎಂದು ಬರೆದಿದ್ದಾರೆ.
ರಿಚಾ ಅವರ ಪೋಸ್ಟ್ ನಂತರ, ಜನರು ಅವರ ಪೋಸ್ಟ್ಗೆ ಕಾಮೆಂಟ್ ಮಾಡಲು ಪ್ರಾರಂಭಿಸಿದರು. ಒಬ್ಬ ಬಳಕೆದಾರರು ಬರೆದಿದ್ದಾರೆ, ಪ್ರತಿ ಹೆರಿಗೆಯೂ ಸಹಜ, ವಿಜ್ಞಾನಕ್ಕೆ ಧನ್ಯವಾದಗಳು, ಇತ್ತೀಚಿನ ದಿನಗಳಲ್ಲಿ ತಾಯಿ ಮತ್ತು ಮಗು ಇಬ್ಬರಿಗೂ ಸಹಾಯ ಮಾಡಲಾಗುತ್ತಿದೆ. ಮತ್ತೊಬ್ಬ ಬಳಕೆದಾರರು ಅವರು ವಜೈನಲ್ ಡೆಲಿವರಿ ಎನ್ನುವ ಪದ ಬಳಕೆ ಮಾಡಿ ಎಂದಿದ್ದಾರೆ.
ಇದಕ್ಕೆ ಉತ್ತರಿಸಿದ ರೀಚಾ ಚಡ್ಡಾ ‘ವಜೈನಲ್ ಡೆಲಿವರಿ’ ಎಂದು ಹೇಳಲು ಬಯಸದಿದ್ದರೆ ಏನು? ಇದು ನನ್ನ ಪೋಸ್ಟ್, ನನ್ನ ದೇಹ, ನನ್ನ ಯೋನಿ ಮತ್ತು ನನ್ನ ಮಗು. ಸ್ತ್ರೀವಾದವು ನನಗೆ ನನ್ನ ಸ್ವಂತ ಪದಗಳನ್ನು ಆಯ್ಕೆ ಮಾಡಬಹುದು ಎಂದು ಕಲಿಸಿದೆ ಎಂದು ಹೇಳಿದ್ದಾರೆ. ಆಮೇಲೆ ಈ ಮೆಸೇಜ್ ಡಿಲೀಟ್ ಮಾಡಿದ್ದಾರೆ.
