newsics.com
ನಳಂದ (ಬಿಹಾರ): ಕಳ್ಳತನವಾಗದಿರಲೆಂದು ಸೈಕಲ್, ಬೈಕ್, ಆಟೋಗಳನ್ನು ಸರಪಳಿಯಿಂದ ಕಟ್ಟುವುದನ್ನು ನೋಡಿದ್ದೇವೆ. ಆದರೆ, ಇದೇ ಮೊದಲ ಬಾರಿಗೆ ರೈಲನ್ನೇ ಸರಪಳಿಯಿಂದ ಕಟ್ಟಿಹಾಕಿರುವ ಅಪರೂಪದ ಘಟನೆ ಬೆಳಕಿಗೆ ಬಂದಿದೆ.
ಅಚ್ಚರಿಯಾದರೂ ಇದು ನಿಜ. ಬೃಹದಾಕಾರದ ರೈಲಿಗೆ ಫ್ಲಾಟ್ಫಾರಂನಲ್ಲಿ ಅದರ ಲೊಕೊ ಪೈಲಟ್ ಮತ್ತು ಗಾರ್ಡ್ ಸರಪಳಿಯಿಂದ ಕಟ್ಟಿ ಹಾಕಿದ್ದಾರೆ. ಇದು ರೈಲ್ವೆ ಇಲಾಖೆಯಲ್ಲಿ ಹೊಸ ಸಂಚಲನ ಮೂಡಿಸಿದ್ದು, ಘಟನೆ ಕುರಿತು ತನಿಖೆ ನಡೆಸಲು ರೈಲ್ವೆ ಇಲಾಖೆಯ ಅಧಿಕಾರಿಗಳು ಮುಂದಾಗಿದ್ದಾರೆ.
ಬಿಹಾರದಲ್ಲಿ ಬಾಗಲ್ಪುರ- ಪಾಟ್ನಾ ಮಾರ್ಗ ಮಧ್ಯೆ ಸಂಚರಿಸುತ್ತಿದ್ದ ಗೂಡ್ಸ್ ರೈಲು ಬಾರ್ಹ ರೈಲು ನಿಲ್ದಾಣಕ್ಕೆ ಬಂದು ನಿಂತಿದೆ. ಈ ಹೊತ್ತಿಗೆ 8 ಗಂಟೆ ಕೆಲಸ ಮುಗಿಸಿದ ರೈಲಿನ ಲೋಕೊ ಪೈಲಟ್ ಮತ್ತು ಗಾರ್ಡ್ ಅಲ್ಲಿಯೇ ಫ್ಲಾಟ್ಫಾರಂ ನಂಬರ್ 2ರಲ್ಲಿ ರೈಲು ನಿಲ್ಲಿಸಿದ್ದಾರೆ. ಅಷ್ಟೇ ಅಲ್ಲ, ಅದಕ್ಕೆ ಚೈನ್ ಹಾಕಿ ಅದನ್ನು ಯಾರೂ ಒಯ್ಯದಂತೆ ಜೋಪಾನ ಮಾಡಿದ್ದಾರೆ.
ಬರ್ಹಾ ರೈಲು ನಿಲ್ದಾಣದಲ್ಲಿ ಸಂಜೆ 4ರ ಹೊತ್ತಿಗೆ ಈ ಘಟನೆ ಬೆಳಕಿಗೆ ಬಂದಿದೆ. ಇದನ್ನು ಗಮನಿಸಿದ ರೈಲ್ವೆ ಸಿಬ್ಬಂದಿ ಬೆಚ್ಚಿಬಿದ್ದಿದ್ದಾರೆ. ಈ ಕುರಿತು ರೈಲ್ವೆ ಸಿಬ್ಬಂದಿ ಪ್ರಶ್ನಿಸಿದಾಗ ಸುರಕ್ಷತೆ ಹಿನ್ನೆಲೆಯಲ್ಲಿ ಈ ಕ್ರಮಕ್ಕೆ ಮುಂದಾಗಿರುವುದಾಗಿ ತಿಳಿಸಿದ್ದಾರೆ.
ಗೂಡ್ಸ್ ರೈಲು ಪ್ರಮುಖ ರೈಲು ಹಳಿ ಮೇಲೆ ನಿಂತ ಹಿನ್ನೆಲೆಯಲ್ಲಿ ಇತರೆ ರೈಲುಗಳ ಸಂಚಾರ ಮಾರ್ಗದಲ್ಲಿ ಸಮಸ್ಯೆ ಉಂಟಾಯಿತು. ಇದು ಪ್ರಯಾಣಿಕರಿಗೂ ಕಿರಿಕಿರಿ ಮೂಡಿಸಿತು. ಅಲ್ಲದೇ ಈ ಕುರಿತು ಯಾವುದೇ ಅಧಿಕಾರಿಗಳು ಮಾಹಿತಿ ನೀಡಿಲ್ಲ.
ಈ ರೈಲಿನ ಲೊಕೊ ಪೈಲಟ್ ಹೇಳುವ ಪ್ರಕಾರ, 8 ಗಂಟೆಗಳ ಪ್ರಯಾಣಧ ಬಳಿಕ ರೈಲನ್ನು ಬಾರ್ಹ ರೈಲು ನಿಲ್ದಾಣದಲ್ಲಿ ನಿಲ್ಲಿಸಿದ್ದೇವೆ. ಸುರಕ್ಷತೆ ದೃಷ್ಟಿಯಿಂದಾಗಿ ರೈಲಿನ ಚಕ್ರಕ್ಕೆ ದಪ್ಪದಾದ ಚೈನ್ ಅನ್ನು ಕಟ್ಟಲಾಗಿದೆ ಎಂದು ಸ್ಪಷ್ಟನೆ ನೀಡಿದ್ದಾರೆ.
Chicken for rent ಇಲ್ಲಿ ಕೋಳಿಗಳನ್ನು ಬಾಡಿಗೆಗೆ ಪಡೆದು ಸಾಕುತ್ತಾರೆ: ಕಾರಣ ಏನು?
Disha Patani ಪ್ಯಾಂಟ್ ಜಾರಿಸುತ್ತಲೇ ಫೋಟೋಗೆ ಪೋಸ್ ಕೊಟ್ಟ ದಿಶಾ ಪಟಾಣಿ, ವೈರಲ್ ವಿಡಿಯೋ ನೋಡಿ
