newsics.com
ಮೌಖಿಕ ಗರ್ಭನಿರೋಧಕ ಬಳಸುವ ಮಹಿಳೆಯರಿಗೆ ಖುಷಿ ಸುದ್ದಿಯೊಂದು ಸಿಕ್ಕಿದೆ. ಸಂಶೋಧಕರು ಮೌಖಿಕ ಗರ್ಭನಿರೋಧಕದ ಬಗ್ಗೆ ಮಹತ್ವದ ವರದಿಯೊಂದನ್ನು ನೀಡಿದ್ದಾರೆ.
ಮೌಖಿಕ ಗರ್ಭನಿರೋಧಕಗಳು ಸೈಕ್ಲಿಂಗ್ ಅಥವಾ ಓಟದಂತಹ ತೀವ್ರವಾದ ದೈಹಿಕ ವ್ಯಾಯಾಮದ ವೇಳೆ ರಕ್ತದೊತ್ತಡ ಹೆಚ್ಚಿಸುವುದಿಲ್ಲ ಎಂಬ ತೀರ್ಮಾನಕ್ಕೆ ಸಂಶೋಧಕರು ಬಂದಿದ್ದಾರೆ.
ಐಐಟಿ ಮದ್ರಾಸ್ ಮತ್ತು ಯುನಿವರ್ಸಿಟಿ ಆಫ್ ಮಿನ್ನೇಸೋಟ, ಯುಎಸ್ಎ ಸಂಶೋಧಕರು ಮೌಖಿಕ ಗರ್ಭನಿರೋಧಕಗಳ ಮೇಲೆ ಈ ಅಧ್ಯಯನ ನಡೆಸಿದ್ದಾರೆ.
ಈವರೆಗೆ ಕೆಲವು ಮೌಖಿಕ ಗರ್ಭನಿರೋಧಕಗಳು (oral contraceptive) ವಿಶ್ರಾಂತಿ ಸಮಯದಲ್ಲಿ ರಕ್ತದೊತ್ತಡ ಹೆಚ್ಚಿಸುತ್ತವೆಯಾದ್ರೂ ತೀವ್ರವಾದ ದೈಹಿಕ ಚಟುವಟಿಕೆಯ ಸಮಯದಲ್ಲಿ ರಕ್ತದೊತ್ತಡದ ಮೇಲೆ ಈ ಔಷಧಗಳ ಪರಿಣಾಮ ಹೇಗಿರುತ್ತದೆ ಎನ್ನುವ ಬಗ್ಗೆ ಸರಿಯಾದ ವರದಿ ದೊರೆತಿರಲಿಲ್ಲ.
20 -25 ವರ್ಷದೊಳಗಿನ ಮಹಿಳೆಯರ ಮೇಲೆ ಈ ಅಧ್ಯಯನ ನಡೆದಿದೆ. ಪಿರಿಯಡ್ಸ್ ವೇಳೆ ಈ ಮೌಖಿಕ ಗರ್ಭನಿರೋಧಕಗಳು, ವ್ಯಾಯಾಮದ ರಕ್ತದೊತ್ತಡದ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ ಎಂಬುದನ್ನು ಪತ್ತೆ ಮಾಡಿದ್ದಾರೆ. ಮಹಿಳೆಯರಲ್ಲಿ ಪ್ರೆಸ್ಸರ್ ರಿಫ್ಲೆಕ್ಸ್, ಅಂದ್ರೆ ಹೃದಯದಿಂದ ಸ್ನಾಯುಗಳಿಗೆ ರಕ್ತದ ಹರಿವನ್ನು ನಿಯಂತ್ರಿಸುವಲ್ಲಿ ವ್ಯಾಯಾಮವು ಯಾವುದೇ ಪರಿಣಾಮ ಬೀರುವುದಿಲ್ಲ ಎಂದು ಈ ಸಂಶೋಧನೆಯಲ್ಲಿ ಹೇಳಲಾಗಿದೆ.
ದೇಹದ ಮೇಲ್ಭಾಗದ ವ್ಯಾಯಾಮದ ಸಮಯದಲ್ಲಿ ಮೌಖಿಕ ಗರ್ಭನಿರೋಧಕಗಳು ರಕ್ತದೊತ್ತಡವನ್ನು ಹೆಚ್ಚಿಸಬಹುದು ಎಂದು ಸೂಚಿಸುವ ಹಿಂದಿನ ಸಂಶೋಧನೆಗಳಿಗೆ ಇದು ವ್ಯತಿರಿಕ್ತವಾಗಿದೆ.
ಮೌಖಿಕ ಗರ್ಭನಿರೋಧಕ ಬಳಸುವ ಮತ್ತು ಬಳಸದ ಮಹಿಳೆಯರಿಬ್ಬರಲ್ಲೂ ರಕ್ತದೊತ್ತಡದ ಪ್ರತಿಕ್ರಿಯೆಯಲ್ಲಿ ಹೆಚ್ಚಿನ ವ್ಯತ್ಯಾಸವಿಲ್ಲ ಎಂದು ಸಂಶೋಧನಾ ವರದಿ ಹೇಳಿದೆ.
ಪ್ರಮುಖ ಸಂಶೋಧಕರಲ್ಲಿ ಐಐಟಿ ಮದ್ರಾಸ್ ನ ನಿನಿತಾ ಎಜೆ ಮತ್ತು ಮಿನ್ನೇಸೋಟ ವಿಶ್ವವಿದ್ಯಾಲಯ ಮಂಡಾ ಕೆಲ್ಲರ್ ರಾಸ್ ಸೇರಿದ್ದಾರೆ. ಅಮೇರಿಕನ್ ಜರ್ನಲ್ ಆಫ್ ಫಿಸಿಯಾಲಜಿಯಲ್ಲಿ ಸಂಶೋಧನಾ ವರದಿ ಪ್ರಕಟವಾಗಿದೆ.
ಮಹಿಳೆಯರಲ್ಲಿ ವ್ಯಾಯಾಮದ ಸಮಯದಲ್ಲಿ ರಕ್ತದೊತ್ತಡವನ್ನು ಅರ್ಥಮಾಡಿಕೊಳ್ಳಲು ಈ ಸಂಶೋಧನೆ ಸಹಾಯ ಮಾಡುತ್ತದೆ ಎಂದು ಐಐಟಿ ಮದ್ರಾಸ್ನ ಡಾ.ನಿನಿತಾ ಎ.ಜೆ. ಹೇಳಿದ್ದಾರೆ.
ಇಪಿಆರ್ ಋತುಬಂಧದ ನಂತರ ಮಹಿಳೆಯರಲ್ಲಿ ಹೃದಯರಕ್ತನಾಳದ ಅಪಾಯವನ್ನು ಹೆಚ್ಚಿಸುತ್ತದೆಯೇ ಎಂಬುದನ್ನು ಅರ್ಥಮಾಡಿಕೊಳ್ಳುವುದು ಮುಂದಿನ ಹಂತವಾಗಿದೆ. ಸರಿಸುಮಾರು ಶೇಕಡಾ 70ರಷ್ಟು ಮಹಿಳಾ ಕ್ರೀಡಾಪಟುಗಳು ತಮ್ಮ ವೃತ್ತಿಜೀವನದ ಕೆಲವು ಹಂತದಲ್ಲಿ ಮೌಖಿಕ ಗರ್ಭನಿರೋಧಕಗಳನ್ನು ತೆಗೆದುಕೊಂಡಿದ್ದಾರೆ. ಅವರು ರಕ್ತದೊತ್ತಡದ ಮೇಲೆ ಅದು ಹೇಗೆ ಪರಿಣಾಮ ಬೀರುತ್ತದೆ ಎಂಬುದನ್ನು ತಿಳಿಯಲು ಇದು ಸಹಕಾರಿಯಾಗಿದೆ ಎಂದು ಮಿನ್ನೇಸೋಟ ವಿಶ್ವವಿದ್ಯಾಲಯದ ಡಾ.ಮಂಡಾ ಕೆಲ್ಲರ್ ರಾಸ್ ತಿಳಿಸಿದ್ದಾರೆ.
ಮಹಿಳೆಯರು ಗರ್ಭಾವಸ್ಥೆ ತಡೆಯಲು ಮತ್ತು ಮೊಡವೆ, ಮುಟ್ಟಿನ ಸೆಳೆತ ಮತ್ತು ಅಂಡಾಶಯದ ಚೀಲಗಳ ಅಪಾಯವನ್ನು ಕಡಿಮೆ ಮಾಡಲು ಗರ್ಭನಿರೋಧಕ (contraception) ಅಥವಾ ಜನನ ನಿಯಂತ್ರಣ ಮಾತ್ರೆ (birth control pill) ಗಳನ್ನು ತೆಗೆದುಕೊಳ್ಳುತ್ತಾರೆ.
Relationship ಪತಿಯ ಮುಂದೆ ಇವುಗಳನ್ನು ಮಹಿಳೆಯರು ಹೇಳಿಕೊಳ್ಳೋದೇ ಇಲ್ಲ: ಕಾರಣ ಏನು?
Health Tips ಮಲಗುವ ಮುನ್ನ ಪಾಲಕರು ಮಕ್ಕಳಿಗೆ ಕೇಳಲೇಬೇಕಾದ ಪ್ರಶ್ನೆಗಳಿವು
Relationship ಹುಡುಗಿಯರ ವೀಕ್ನೆಸ್ ಪಾರ್ಟ್ ಇದೇ; ಹೆಣ್ಮಕ್ಕಳು ಕರಗೋದು ಇದಕ್ಕೆ
Mosquito Infestation ಚಳಿಗಾಲದಲ್ಲಿ ಸೊಳ್ಳೆಗಳಿಂದ ಮುಕ್ತಿ ಪಡೆಯಲು ಹೀಗೆ ಮಾಡಿ…
