newsics.com
ಕಾಲುಗಳಲ್ಲಿ ಸ್ವಲ್ಪ ಕೂಡ ನೋವು ಕಾಣಿಸಿಕೊಂಡರೂ, ಕಾಲುಗಳನ್ನು ಚಲಿಸುವುದಕ್ಕೂ ಸಾಧ್ಯವಾಗುವುದಿಲ್ಲ. ಇಂತಹ ಸಂದರ್ಭದಲ್ಲಿ ಮೊದಲಿಗೆ ನಾವು ನೋವು ನಿವಾರಕ ಸ್ಪ್ರೇಗಳಿಗೋ ಅಥವಾ ಮಾತ್ರಗಳಿಗೋ ಮೊರೆಹೋಗುತ್ತೇವೆ. ಇದರಿಂದ ಸಮಸ್ಯೆಗೆ ಸ್ವಲ್ಪ ಮಟ್ಟದಲ್ಲಿ ಪರಿಹಾರ ಸಿಕ್ಕರೂ ಅದು, ತಾತ್ಕಾಲಿಕವಾಗಿರುತ್ತದೆ.
ದೀರ್ಘ ಕಾಲದ ಪರಿಹಾರವನ್ನು ನೀವು ಕಂಡುಕೊಳ್ಳಬೇಕಾದ್ದಲ್ಲಿ, ಕಾಲುಗಳ ಬಲವನ್ನು ಹೆಚ್ಚಿಸಲು ಯೋಗಾಭ್ಯಾಸವನ್ನು ರೂಢಿಸಿಕೊಳ್ಳಬೇಕು ಅದರಲ್ಲೂ ವೃಕ್ಷಾಸನವನ್ನು ಅಭ್ಯಾಸ ಮಾಡುವುದು ಬಹಳ ಮುಖ್ಯ. ಹಲವು ಆಸನಗಳ ಮೂಲ ವೃಕ್ಷಾಸನವಾಗಿದೆ. ಇದು ಪ್ರಾರಂಭಿಕ ಹಂತದಲ್ಲಿದ್ದವರೂ ಕೂಡ ಮಾಡಬಹುದಾದಂತ ಸುಲಭವಾದ ಆಸನವಾಗಿದೆ.
ಎಲ್ಲಾ ವಿಧಾನಗಳನ್ನು ಪ್ರಯತ್ನಿಸಿ ಹಾಗು ಪರೀಕ್ಷಿಸಿದ ನಂತರ ಕಾಲುಗಳನ್ನು ಬಲಗೊಳಿಸಲು ಉತ್ತಮ ವಿಧಾನ ಯೋಗಾಭ್ಯಾಸ ಎಂದು ತಿಳಿದು ಬಂದಿದೆ. ಎಲ್ಲಾ ಆಸನಗಳಲ್ಲಿ, ವೃಕ್ಷಾಸನವು ಕಾಲುಗಳ ಸದೃಢತೆಯನ್ನು ಹೆಚ್ಚಿಸಲು ಉತ್ತಮವಾಗಿದೆ. ಇದನ್ನು ಭಾಷೆಯಲ್ಲಿ “ಟ್ರೀ ಪೋಸ್” ಎಂತಲೂ ಕರೆಯುತ್ತಾರೆ.
ವೃಕ್ಷಾಸನದಿಂದಾಗುವ ಇತರ ಲಾಭಗಳು ಎಂದರೆ ಇದರಿಂದ ಸ್ನಾಯುಗಳ ಬಲವನ್ನು ಸುಧಾರಿಸಲು ಮತ್ತು ಸಮತೋಲನದಲ್ಲಿರಲು ಸಹಾಯ ಮಾಡುತ್ತದೆ. ಏಕಾಗ್ರತೆಯನ್ನು ಹೆಚ್ಚಿಸುತ್ತದೆ, ದೇಹದ ಸಮತೋಲನತೆ ಕಾಪಾಡುತ್ತದೆ. ಸೊಂಟವನ್ನು ಬಲಗೊಳಿಸುತ್ತದೆ. ಸೊಂಟ ನೋವು ಅಥವಾ ಸಿಯಾಟಿಕ ಸಮಸ್ಯೆ ಇದ್ದವರಿಗೆ ಈ ಯೋಗ ಅಭ್ಯಾಸ ಮಾಡುವುದರಿಂದ ಆರಾಮ ಕೊಡುತ್ತದೆ. ಈ ಆಸನ ಮಾಡುವುದರಿಂದ ಕಡಿಮೆ ರಕ್ತದೊತ್ತಡ ಸಮಸ್ಯೆ ಎಂದರೆ ಲೊ ಬಿಪಿ ಸಮಸ್ಯೆಯನ್ನು ನಿವಾರಿಸಬಹುದು.
ವೃಕ್ಷಾಸನವು ಹಲವು ಆಸನಗಳ ಮೂಲವಾಗಿದ್ದು, ಬಹಳ ಉತ್ತಮವಾದ ಆಸನವಾಗಿದೆ. ಆದರೆ ಈ ಆಸನವನ್ನು ಅಭ್ಯಾಸ ಮಾಡುವಾಗ ಎಚ್ಚರಿಕೆ ವಹಿಸಬೇಕಾಗುತ್ತದೆ. ಯಾರಿಗೆ ಮೈಗ್ರೇನ್ ಮತ್ತು ರಕ್ತದೊತ್ತಡದಲ್ಲಿ ಏರುಪೇರಾಗುವ ಸಮಸ್ಯೆ ಇದೆಯೋ ಅಂತಹವರು ಈ ಆಸನವನ್ನು ಮಾಡತಕ್ಕದ್ದಲ್ಲ. ಹಾಗಾಗಿ, ನುರಿತ ಯೋಗ ತರಬೇತುದಾರರ ಸಲಹೆ, ಸೂಚನೆಗಳ ಮೇರೆಗೆ ಮಾಡುವುದು ಹೆಚ್ಚು ಸೂಕ್ತ.
Cow Dung Soup! ಈ ದೇಶದಲ್ಲಿ ಹಸುವಿನ ಸಗಣಿಯಿಂದ ತಯಾರಾಗುತ್ತೆ ವಿಶೇಷ್ ಸೂಪ್
