newsics.com/ನ್ಯೂಸಿಕ್ಸ್
8 ಜನ ಹೆಂಡತಿಯರು ಮತ್ತು 130 ಮಕ್ಕಳನ್ನು ಹೊಂದಿರುವ ಈತನ ಕೌಟುಂಬಿಕ ಸಾಮ್ರಾಜ್ಯದ ಕಥೆ ಕೇಳಿದರೆ ನೀವೂ ಬೆರಗಾಗುತ್ತೀರಿ.
ಉಗಾಂಡಾದ ಗ್ರಾಮೀಣ ಭಾಗದ ನಿವಾಸಿ ಮುಸಾ ಹಸಾಹ್ಯ ಕಸೇರಾಅವರ ಜೀವನಕಥೆ ಈಗ ವಿಶ್ವದ ಗಮನ ಸೆಳೆದಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ವಿಶ್ವದ ಅತಿ ಹೆಚ್ಚು ಮಕ್ಕಳ ತಂದೆ ಎಂಬ ಹೆಸರಿನಲ್ಲಿ ವೈರಲ್ ಆಗಿದ್ದಾರೆ.
ವರದಿಗಳ ಪ್ರಕಾರ, ಮುಸಾಗೆ 12 ಪತ್ನಿಯರು, 102 ಮಕ್ಕಳು ಮತ್ತು ಸುಮಾರು 578 ಮೊಮ್ಮಕ್ಕಳು ಇದ್ದಾರೆ. ಕೆಲವು ವೈರಲ್ ಪೋಸ್ಟ್ಗಳಲ್ಲಿ ಈ ಸಂಖ್ಯೆಯನ್ನು ಇನ್ನೂ ಹೆಚ್ಚಾಗಿ ಹೇಳಲಾಗಿದ್ದರೂ, ವಿಶ್ವಾಸಾರ್ಹ ವರದಿಗಳಲ್ಲಿ 102 ಮಕ್ಕಳು ಹಾಗೂ 578 ಮೊಮ್ಮಕ್ಕಳೇ ಉಲ್ಲೇಖಗೊಂಡಿವೆ.
ಉಗಾಂಡಾದ ಬುತಾಲೆಜಾ ಜಿಲ್ಲೆಯಲ್ಲಿರುವ ತಮ್ಮ ಹಳ್ಳಿಯಲ್ಲಿ ಮುಸಾ ವಾಸಿಸುತ್ತಿದ್ದಾರೆ. ಅವರು ಸುಮಾರು 1970ರ ದಶಕದಲ್ಲಿ ಮೊದಲ ಮದುವೆಯಾಗಿದ್ದರು.
ಆರಂಭದಲ್ಲಿ ಇದು ಅವರಿಗೆ ಸಾಮಾನ್ಯ ಜೀವನಶೈಲಿಯಂತೆ ಕಂಡಿತ್ತು. ಆದರೆ ಕಾಲಕ್ರಮೇಣ ಕುಟುಂಬದ ಗಾತ್ರ ನಿಯಂತ್ರಣದಾಚೆಗೆ ಹೋಗಿತು. ಮಕ್ಕಳು ಮತ್ತು ಮೊಮ್ಮಕ್ಕಳ ಸಂಖ್ಯೆ ಹೆಚ್ಚುತ್ತಾ ಹೋದಂತೆ, ಅವರ ಜೀವನವೇ ಸವಾಲಿನಿಂದ ಕೂಡಿತು. ಇಷ್ಟು ದೊಡ್ಡ ಕುಟುಂಬಕ್ಕೆ ಆಹಾರ, ಶಿಕ್ಷಣ, ಬಟ್ಟೆ ಮತ್ತು ಮೂಲಭೂತ ಸೌಲಭ್ಯಗಳನ್ನು ಒದಗಿಸುವುದು ಕಷ್ಟಕರವಾಯಿತು.
ಮುಸಾ ಹೇಳುವಂತೆ, ಈಗ ತಮ್ಮ ಎಲ್ಲಾ ಮಕ್ಕಳ ಹೆಸರನ್ನೂ ನೆನಪಿಟ್ಟುಕೊಳ್ಳುವುದು ಸಾಧ್ಯವಿಲ್ಲ. ಕೆಲವರ ಹೆಸರನ್ನು ನೆನಪಿಸಲು ಪತ್ನಿಯರ ಸಹಾಯವೇ ಬೇಕಾಗುತ್ತದೆ. ಅವರ ಕುಟುಂಬದ ವಯಸ್ಸಿನ ವ್ಯಾಪ್ತಿ ಸಹ ದೊಡ್ಡದಾಗಿದೆ. ಹಿರಿಯ ಮಕ್ಕಳು ಈಗ ಐವತ್ತರ ಹತ್ತಿರ ಇದ್ದರೆ, ಕಿರಿಯ ಮಕ್ಕಳು ಇನ್ನೂ ಶಾಲಾ ವಯಸ್ಸಿನವರಾಗಿದ್ದಾರೆ.
ಆರ್ಥಿಕ ಸಂಕಷ್ಟದಿಂದಾಗಿ ಮುಸಾ ಅವರ ಕೆಲ ಪತ್ನಿಯರು ಅವರನ್ನು ಬಿಟ್ಟು ಹೋಗಿದ್ದಾರೆ. ಕುಟುಂಬದ ನಿರ್ವಹಣೆಗೆ ಭೂಮಿ ಸಾಕಾಗದೆ, ಕೆಲವರು ಬೇರೆ ಊರಲ್ಲಿ ನೆಲೆಸಿದ್ದಾರೆ. ಮನೆಯಲ್ಲಿರುವವರು ಕೃಷಿ ಹಾಗೂ ಸಣ್ಣಪುಟ್ಟ ಕೂಲಿ ಕೆಲಸಗಳಿಂದ ಬದುಕು ಸಾಗಿಸುತ್ತಿದ್ದಾರೆ.
ಈ ವಿಶಾಲ ಕುಟುಂಬದಲ್ಲಿ ತಿಂಗಳಿಗೊಮ್ಮೆ ಸಭೆ ನಡೆಸಿ ಸಮಸ್ಯೆಗಳನ್ನು ಚರ್ಚಿಸಿ ಪರಿಹರಿಸುವ ವಿಶಿಷ್ಟ ಪದ್ಧತಿ ಇದೆ. ಇದು ಕುಟುಂಬದಲ್ಲಿ ಏಕತೆ ಕಾಪಾಡಲು ಸಹಾಯ ಮಾಡುತ್ತದೆ.
Meloni Melodi ಮೋದಿ ಮೆಲೋನಿ ಮೆಲೋಡಿ: ಸಂಬಂಧವೇ ಇಲ್ಲದ ಪಾರ್ಲೆ ಇಂಡಸ್ಟ್ರೀಸ್ ಕಂಪನಿ ಷೇರು ದಿಢೀರ್ ಏರಿಕೆ!
