newsics.com
ಕಲಬುರಗಿ: ರೀಲ್ಸ್ ನೆಪದಲ್ಲಿ ಇಬ್ಬರು ಯುವಕರು ಹುಚ್ಚಾಟ ನಡೆಸಿದ ಘಟನೆ ಕಲಬುರಗಿಯಲ್ಲಿ ನಡೆದಿದೆ. ರಿಂಗ್ ರೋಡ್ ನಲ್ಲಿ ಯುವಕನನ್ನು ಕೊಲೆ ಮಾಡುತ್ತಿರುವ ರೀಲ್ಸ್ ವಿಡಿಯೋ ವೈರಲ್ ಆಗಿದ್ದು, ಚರ್ಚೆಗೆ ಗ್ರಾಸವಾಗಿದೆ.
ಘಟನೆ ಕುರಿತಂತೆ ರೀಲ್ ಸೃಷ್ಟಿಯಲ್ಲಿ ಪಾಲ್ಗೊಂಡ ವ್ಯಕ್ತಿಗಳ ಪತ್ತೆಗೆ ಪೊಲೀಸರು ಮುಂದಾಗಿದ್ದಾರೆ.
ನಗರದ ಟಿವಿ ಸ್ಟೇಷನ್ ಸಮೀಪದ ಹುಮನಾಬಾದ್ ರಿಂಗ್ ರೋಡ್ ಬಳಿಯ ರಸ್ತೆಯೊಂದರಲ್ಲಿ ಹೀಗೆ ವಿಡಿಯೋ ಚಿತ್ರೀಕರಿಸಿರುವ ಕಿಡಿಗೇಡಿಗಳು, ಬಳಿಕ ಆ ವಿಡಿಯೋ ತುಣುಕು ವೈರಲ್ ಮಾಡಿದ್ದಾರೆ.
ಒಬ್ಬರಿಂದ ಒಬ್ಬರಿಗೆ ತಲುಪಿದ ವಿಡಿಯೋ ತುಣುಕು ಈಗ ಪೊಲೀಸ್ ಇಲಾಖೆಯ ಗ್ರೂಪಿನಲ್ಲೂ ಶೇರ್ ಆಗಿರುವುದರಿಂದ ಚಿತ್ರೀಕರಿಸಿದ ವ್ಯಕ್ತಿ ಹಾಗೂ ಮರ್ಡರ್ ಮಾಡಿದಂತೆ ನಟಿಸಿದ ಯುವಕನ ಕುರಿತು ಮಾಹಿತಿ ಸಂಗ್ರಹ ಕಾರ್ಯಕ್ಕೆ ಸಬ್-ಅರ್ಬನ್ ಠಾಣೆ ಪೊಲೀಸರು ಮುಂದಾಗಿದ್ದಾರೆ.
ಮೊಳ ಉದ್ದದ ಕೂದಲು ಬಿಟ್ಟ ಯುವಕನೊಬ್ಬ ತನ್ನ ಮುಖದ ಮೇಲೆ ಕೂದಲು ಹರಡಿಕೊಂಡು, ಕೈಯಲ್ಲಿರುವ ಸುತ್ತಿಗೆಯಿಂದ ಕೊಲೆ ಮಾಡಿದ ಬಳಿಕ ವಿಕಾರವಾಗಿ ಚೀರುವ ವಿಡಿಯೊ ತುಣುಕು ಎಲ್ಲೆಡೆ ಹರಿದಾಡಲು ಆರಂಭಿಸುತ್ತಿದ್ದಂತೆ ದಿಗ್ಭ್ರಮೆಗೊಂಡ ಪೊಲೀಸರು ತಕ್ಷಣ ವಿಡಿಯೋ ತುಣುಕಿನ ಸತ್ಯಾಸತ್ಯತೆ ಪರಿಶೀಲಿಸಿದ್ದಾರೆ. ಕೊನೆಗೆ ಇದೊಂದು ಅಣಕು ಮರ್ಡರ್ ತುಣುಕು ಎಂಬುದು ಖಾತ್ರಿಪಡಿಸಿಕೊಂಡ ಬಳಿಕ ಈಗ ಕಿಡಿಗೇಡಿಗಳ ವಿರುದ್ಧ ಕ್ರಮಕ್ಕೆ ಸಿದ್ಧತೆ ನಡೆಸಿದ್ದಾರೆ.
Black Magic ಮಹಿಳೆಯ ಮಾಟಮಂತ್ರಕ್ಕೆ ಬೆಚ್ಚಿಬಿದ್ದ ಊರಿನ ಜನ: ಆಗಿದ್ದೇನು?
Health tips ಬಿಸಿಲಿನ ತಾಪಮಾನದಿಂದ ರಕ್ಷಣೆ ಪಡೆಯಲು ಈ ಆರೋಗ್ಯ ಸಲಹೆಗಳನ್ನು ಪಾಲಿಸಿ
NASA ನಿಗದಿತ ಸಮಯ ಬುಧವಾರ ಬೆಳಗಿನ ಜಾವ 3:27ಕ್ಕೆ ಭೂಮಿಗೆ ಮರಳಿದ ಸುನಿತಾ, ಬುಚ್: ವಿಡಿಯೋ ನೋಡಿ
