newsics.com
ಹಿಸಾರ್(ಹರಿಯಾಣ): ಆಸ್ತಿಗಾಗಿ ಮಗಳೊಬ್ಬಳು ತನ್ನ ಹೆತ್ತ ತಾಯಿಯ ಕೂದಲು ಎಳೆದು ತೊಡೆ ಕಚ್ಚಿ ಗಾಯಗೊಳಿಸಿರುವ ಅಮಾನವೀಯ ಘಟನೆ ಹರಿಯಾಣದ ಹಿಸಾರ್ನಲ್ಲಿ ನಡೆದಿದೆ.
ಮಹಿಳೆಯೊಬ್ಬರು ತನ್ನ ವೃದ್ಧ ತಾಯಿಯ ಮೇಲೆ ಹಲ್ಲೆ ನಡೆಸುತ್ತಿರುವ ಆತಂಕಕಾರಿ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ.
ಆಜಾದ್ ನಗರದ ಮಾಡ್ರನ್ ಸಾಕೇತ್ ಕಾಲೊನಿಯಲ್ಲಿ ನಡೆದಿರುವ ಈ ಘಟನೆಯಲ್ಲಿ ಆಸ್ತಿಗಾಗಿ ಮಹಿಳೆ ತನ್ನ ತಾಯಿಗೆ ಮಾನಸಿಕವಾಗಿ ಮತ್ತು ದೈಹಿಕವಾಗಿ ಕಿರುಕುಳ ನೀಡುತ್ತಿದ್ದಾಳೆ ಎಂದು ಆರೋಪಿಸಿ ಆ ಮಹಿಳೆಯ ಸಹೋದರ ಪೊಲೀಸರಿಗೆ ದೂರು ನೀಡಿದ್ದರು.
ರೀಟಾ ಎಂಬ ಮಹಿಳೆ ಇದೀಗ ವೈರಲ್ ಆಗಿರುವ ಮೂರು ನಿಮಿಷಗಳ ವೀಡಿಯೊದಲ್ಲಿ ತನ್ನ ತಾಯಿ ನಿರ್ಮಲಾ ದೇವಿಯೊಂದಿಗೆ ಕುಳಿತಿರುವುದನ್ನು ಕಾಣಬಹುದು. ರೀಟಾ ತನ್ನ ತಾಯಿಯನ್ನು ಬೈಯುವುದನ್ನು ಮತ್ತು ನಂತರ ಆಕೆಯ ಕಾಲಿಗೆ ಹೊಡೆಯುವುದನ್ನು ಕಾಣಬಹುದು.
ಆಕೆ ತಾಯಿಯ ತೊಡೆಯನ್ನು ಕಚ್ಚಿದಾಗ ನೋವಿನಿಂದ ಅಳುತ್ತಾಳೆ. ಈ ವಿಡಿಯೋದಲ್ಲಿ ‘ಇದು ತಮಾಷೆಯಾಗಿದೆ, ನಾನು ನಿಮ್ಮ ರಕ್ತವನ್ನು ಕುಡಿಯುತ್ತೇನೆ’ ಎಂದು ರೀಟಾ ಹೇಳುವುದನ್ನು ಕೇಳಬಹುದು.
ವಿಡಿಯೋದಲ್ಲಿ ರೀಟಾ ತನ್ನ ತಾಯಿಯ ಕೂದಲನ್ನು ಎಳೆದು, ಕಚ್ಚುವುದನ್ನು ನೋಡಬಹುದು.
ತಾಯಿ ಗೋಗರೆದರೂ ಕೇಳದೆ ಆಕೆ ಅಮ್ಮನಿಗೆ ಕಪಾಳಮೋಕ್ಷ ಮಾಡಿ, ‘ನೀನೇನು ಸಾಯುವುದೇ ಇಲ್ಲವೇ?’ ಎಂದು ಕೇಳಿದ್ದಾಳೆ. ಬಳಿಕ ರೀಟಾ ತನ್ನ ತಾಯಿಯನ್ನು ಹಾಸಿಗೆಯಿಂದ ಒದ್ದು, ಕೂಗುತ್ತಾ ಹೊಡೆಯುತ್ತಲೇ ಇರುವುದು ಕೂಡ ವಿಡಿಯೋದಲ್ಲಿ ರೆಕಾರ್ಡ್ ಆಗಿದೆ.
ರೀಟಾಳ ಸಹೋದರ ಅಮರದೀಪ್ ಸಿಂಗ್ ಆಕೆಯ ವಿರುದ್ಧ ದೂರು ದಾಖಲಿಸಿದರು. ರೀಟಾ ತಮ್ಮ ತಾಯಿಯನ್ನು ಮನೆಯಿಂದ ಹೊರಗೆ ಬಿಡುತ್ತಿರಲಿಲ್ಲ. ಆಸ್ತಿ ಮಾಲೀಕತ್ವವನ್ನು ವರ್ಗಾಯಿಸುವಂತೆ ಒತ್ತಡ ಹೇರುತ್ತಿದ್ದರು ಎಂದು ಅವರು ಆರೋಪಿಸಿದ್ದಾರೆ.
ಅವರ ಪ್ರಕಾರ, ರೀಟಾ 2 ವರ್ಷಗಳ ಹಿಂದೆ ಸಂಜಯ್ ಪುನಿಯಾ ಎಂಬ ವ್ಯಕ್ತಿಯನ್ನು ವಿವಾಹವಾದರು. ಆದರೆ ಸ್ವಲ್ಪ ಸಮಯದ ನಂತರ ತಮ್ಮ ತಾಯಿಯ ಮನೆಗೆ ಮರಳಿದ್ದರು.
ಕುರುಕ್ಷೇತ್ರದಲ್ಲಿರುವ ಕುಟುಂಬದ ಆಸ್ತಿಯನ್ನು 65 ಲಕ್ಷ ರೂ.ಗೆ ಮಾರಾಟ ಮಾಡಿರುವುದಾಗಿ ಮತ್ತು ಈಗ ಅವರ ತಾಯಿಯ ಮನೆಯನ್ನು ಸಹ ಕೇಳುತ್ತಿದ್ದರು ಎನ್ನಲಾಗಿದೆ.
Astrology ಭಾನುವಾರ ಹೇರ್ ಕಟ್ ಮಾಡಿಸೋ ಪ್ಲ್ಯಾನ್ ಇದ್ಯಾ? ಹಾಗಿದ್ರೆ ಈ ವರದಿ ಓದಿ
High court verdict ಉದ್ಯೋಗಿ ವಜಾಗೊಂಡರೂ ವಿಶೇಷ ರಜೆಗಳ ನಗದೀಕರಣಕ್ಕಿದೆ ಅವಕಾಶ: ಹೈಕೋರ್ಟ್
