newsics.com | ನ್ಯೂಸಿಕ್ಸ್
ಹಾಲಿವುಡ್ನ ಪ್ರಸಿದ್ಧ ‘ಗಾಡ್ಜಿಲ್ಲಾ’ ಸರಣಿ ಸಿನಿಮಾಗಳ ಮೂಲಕ ಜಾಗತಿಕ ಮಟ್ಟದಲ್ಲಿ ಗಮನ ಸೆಳೆದಿದ್ದ 18 ವರ್ಷದ ನಟಿ ಕೇಯ್ಲೀ ಹಾಟಲ್ (Kaylee Hottle) ಭೀಕರ ಕಾರು ಅಪಘಾತದಲ್ಲಿ ಕೊನೆಯುಸಿರೆಳೆದಿದ್ದಾರೆ.
ಅಪಘಾತ ನಡೆದಿದ್ದು ಹೇಗೆ?
ಮಾಹಿತಿಯ ಪ್ರಕಾರ, ಅಮೆರಿಕದ ಮೇರಿಲ್ಯಾಂಡ್ನ ಇಜಾಮ್ಸ್ವಿಲ್ ಬಳಿ ಈ ದುರಂತ ಸಂಭವಿಸಿದೆ. ಕೇಯ್ಲೀ ಪ್ರಯಾಣಿಸುತ್ತಿದ್ದ ವಾಹನವು ಚಾಲಕನ ನಿಯಂತ್ರಣ ತಪ್ಪಿ ಅಪಘಾತಕ್ಕೀಡಾಗಿದೆ. ತಕ್ಷಣವೇ ಅವರನ್ನು ಹತ್ತಿರದ ಆಸ್ಪತ್ರೆಗೆ ಕರೆದೊಯ್ಯಲಾಯಿತಾದರೂ, ತೀವ್ರ ಗಾಯಗೊಂಡಿದ್ದ ಅವರು ಮಾರ್ಗಮಧ್ಯದಲ್ಲೇ ಮೃತಪಟ್ಟಿದ್ದಾರೆ ಎಂದು ವರದಿಯಾಗಿದೆ.
‘ಜಿಯಾ’ ಪಾತ್ರದ ಮೂಲಕ ಮನ ಗೆದ್ದಿದ್ದ ನಟಿ
2021ರಲ್ಲಿ ಬಿಡುಗಡೆಯಾದ ‘ಗಾಡ್ಜಿಲ್ಲಾ ವರ್ಸಸ್ ಕಾಂಗ್’ ಹಾಗೂ 2024ರ ‘ಗಾಡ್ಜಿಲ್ಲಾ x ಕಾಂಗ್: ದಿ ನ್ಯೂ ಎಂಪೈರ್’ ಸಿನಿಮಾಗಳಲ್ಲಿ ‘ಜಿಯಾ’ ಎಂಬ ಪ್ರಮುಖ ಪಾತ್ರದಲ್ಲಿ ಕೇಯ್ಲೀ ಅಭಿನಯಿಸಿದ್ದರು. ಹುಟ್ಟಿನಿಂದಲೇ ಕಿವುಡಾಗಿದ್ದ ಇವರು, ತಮ್ಮ ಭಾವಪೂರ್ಣ ಅಭಿನಯ ಹಾಗೂ ಸಂಕೇತ ಭಾಷೆಯ (American Sign Language) ಮೂಲಕವೇ ಕೋಟ್ಯಂತರ ಪ್ರೇಕ್ಷಕರ ಮನ ಗೆದ್ದಿದ್ದರು.
ಹಾಲಿವುಡ್ ಶೋಕ
ಕೇಯ್ಲೀ ಅವರ ತಂದೆ ಜೋಶುವಾ ಹಾಟಲ್ ಅವರು ಸಾಮಾಜಿಕ ಜಾಲತಾಣದಲ್ಲಿ ಈ ದುಃಖದ ಸುದ್ದಿಯನ್ನು ಖಚಿತಪಡಿಸಿದ್ದಾರೆ. ಅತ್ಯಲ್ಪ ಅವಧಿಯಲ್ಲೇ ಚಿತ್ರರಂಗದಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದ್ದ ಯುವ ನಟಿಯ ಹಠಾತ್ ಅಗಲಿಕೆಗೆ ಹಾಲಿವುಡ್ ಗಣ್ಯರು ಹಾಗೂ ಜಾಗತಿಕ ಅಭಿಮಾನಿಗಳು ತೀವ್ರ ಕಂಬನಿ ಮಿಡಿದಿದ್ದಾರೆ.
NHAI Local Pass ಇನ್ಮುಂದೆ ಕಚೇರಿಗೆ ಅಲೆಯಬೇಕಿಲ್ಲ; ಮೊಬೈಲ್ನಲ್ಲೇ ಸಿಗಲಿದೆ NHAI ಡಿಜಿಟಲ್ ಲೋಕಲ್ ಟೋಲ್ ಪಾಸ್
Malvan launched ಕಾರವಾರದಲ್ಲಿ ಐಎನ್ಎಸ್ ಮಾಲ್ವಣ್ ಲೋಕಾರ್ಪಣೆ, ಹೇಗಿದೆ ಯುದ್ಧನೌಕೆ?
Ration news ಇನ್ಮುಂದೆ ಬೆಳಗಿನಿಂದ ರಾತ್ರಿವರೆಗೂ ಸಿಗುತ್ತೆ ಪಡಿತರ! ನ್ಯಾಯಬೆಲೆ ಅಂಗಡಿಗಳಿಗೆ ಸರ್ಕಾರದ ಸೂಚನೆ ಏನು?
