newsics.com
ನವದೆಹಲಿ: ಅಡುಗೆ ಎಣ್ಣೆಗಳ ಬೆಲೆ ಮತ್ತೆ ಏರಿಕೆಯಾಗಿದೆ. ಪಾಮ್ ಆಯಿಲ್ ಬೆಲೆಗಳು ಶೇ.37ರಷ್ಟು ಹೆಚ್ಚಾಗಿವೆ.
ಕಳೆದ ತಿಂಗಳು ರೂ.100 ಇದ್ದ ಲೀಟರ್ ತಾಳೆ ಎಣ್ಣೆ ಬೆಲೆ ರೂ.137 ತಲುಪಿದೆ. ಸೋಯಾಬೀನ್ ರೂ.120ರಿಂದ ರೂ.148ಕ್ಕೆ, ಸೂರ್ಯಕಾಂತಿ ರೂ.120ರಿಂದ ರೂ.149ಕ್ಕೆ, ಸಾಸಿವೆ ಎಣ್ಣೆ ರೂ.140ರಿಂದ ರೂ.181ಕ್ಕೆ, ಕಡಲೆ ಎಣ್ಣೆ ರೂ.180ರಿಂದ ರೂ.184ಕ್ಕೆ ಏರಿಕೆಯಾಗಿದೆ.
ದೇಶೀಯ ಎಣ್ಣೆಕಾಳು ಉತ್ಪಾದನೆ ಕುಸಿತ ಹಾಗೂ ಆಮದು ಸುಂಕ ಹೆಚ್ಚಳದಿಂದ ಬೆಲೆ ಏರಿಕೆಯಾಗಿದೆ ಎನ್ನುತ್ತಾರೆ ವರ್ತಕರು. ಹೊಸ ಬೆಳೆ ಬರುವವರೆಗೆ ಬೆಲೆ ಇಳಿಕೆಯಾಗುವುದಿಲ್ಲ ಎಂದು ವರದಿಗಳು ಹೇಳಿವೆ.
ಕ್ಯಾಸ್ಟರ್ ಆಯಿಲ್ ಬೆಲೆ ಕೂಡ ಶೇ.29 ಹೆಚ್ಚಾಗಿದೆ. ಚಿಲ್ಲರೆ ಹಣದುಬ್ಬರವು ಸೆಪ್ಟೆಂಬರ್ನಲ್ಲಿ ಒಂಬತ್ತು ತಿಂಗಳ ಗರಿಷ್ಠ ಮಟ್ಟವಾದ ಶೇ.5.5 ಕ್ಕೆ ತಲುಪಿದ್ದರಿಂದ ತೈಲ ಬೆಲೆಯಲ್ಲಿ ಏರಿಕೆ ಕಂಡುಬಂದಿದೆ.
ಈ ಬೆಳವಣಿಗೆಯೊಂದಿಗೆ, ಭಾರತೀಯ ರಿಸರ್ವ್ ಬ್ಯಾಂಕ್ ಸದ್ಯಕ್ಕೆ ಬಡ್ಡಿದರಗಳನ್ನು ಕಡಿತಗೊಳಿಸುವ ಸಾಧ್ಯತೆಗಳನ್ನು ಕಡಿಮೆ ಮಾಡಿದೆ.
ಸರ್ಕಾರವು ಕಳೆದ ತಿಂಗಳು ಕಚ್ಚಾ ಸೋಯಾಬೀನ್, ತಾಳೆ ಮತ್ತು ಸೂರ್ಯಕಾಂತಿ ಎಣ್ಣೆಗಳ ಮೇಲಿನ ಆಮದು ಸುಂಕವನ್ನು ಹೆಚ್ಚಿಸಿತು. ಇದು ಬೆಲೆ ಏರಿಕೆಗೆ ಕಾರಣವಾಗಿದೆ. ಕಚ್ಚಾ ತಾಳೆ, ಸೋಯಾಬೀನ್ ಮತ್ತು ಸೂರ್ಯಕಾಂತಿ ಎಣ್ಣೆಗಳ ಮೇಲಿನ ಆಮದು ಸುಂಕವನ್ನು 5.5% ರಿಂದ 27.5% ಕ್ಕೆ ಮತ್ತು ಸಂಸ್ಕರಿಸಿದ ಖಾದ್ಯ ತೈಲದ ಮೇಲಿನ 13.7% ರಿಂದ 35.7% ಕ್ಕೆ ಹೆಚ್ಚಿಸಲಾಗಿದೆ. ಇದು ಸೆಪ್ಟೆಂಬರ್ 14 ರಿಂದ ಜಾರಿಯಾಗಿದೆ.
ಹಂಪಿ ಗತಕಾಲದ ಕತೆಯಲ್ಲಿ ಕಿರಿಕ್ ಬೆಡಗಿ ; ರಶ್ಮಿಕಾ ಸಿನಿಮಾದಲ್ಲಿ ನವಾಜುದ್ದೀನ್ ಸಿದ್ಧಿಕಿ ವಿಲನ್?
ಜನರಿಗೆ ಲೈಂಗಿಕತೆಯೂ ಈಗ ಆದ್ಯತೆಯ ವಿಚಾರವಾಗುತ್ತಿದೆಯಂತೆ…! ಯಾಕೆ ಹೀಗೆ?
