newsics.com
ನವದೆಹಲಿ: ಮಗನ ಅದ್ಧೂರಿ ಹಾಗೂ ದುಬಾರಿ ಮದುವೆ ಮೂಲಕ ಸುದ್ದಿಯಾಗಿದ್ದ ರಿಲಯನ್ಸ್ ಇಂಡಸ್ಟ್ರೀಸ್ ಅಧ್ಯಕ್ಷ ಮುಖೇಶ್ ಅಂಬಾನಿ, ಅತ್ಯಂತ ದುಬಾರಿ ವಿಮಾನ ಖರೀದಿಸುವ ಮೂಲಕ ಮತ್ತೆ ಸುದ್ದಿಯಾಗಿದ್ದಾರೆ.
ಭಾರತದ ಮೊದಲ ಬೋಯಿಂಗ್ 737 ಮ್ಯಾಕ್ಸ್ 9ರ ಮಾಲೀಕರಾಗಿದ್ದಾರೆ. ಭಾರತದ ಇತರ ಯಾವುದೇ ಉದ್ಯಮಿ ಒಡೆತನದಲ್ಲಿ ಇಲ್ಲದ ಅತ್ಯಂತ ದುಬಾರಿ ಖಾಸಗಿ ಜೆಟ್ ಆಗಿದೆ. ಈ ಅಲ್ಟ್ರಾ ಲಾಂಗ್ ರೇಂಜ್ ಬಿಸಿನೆಸ್ ಜೆಟ್ ಬೆಲೆಯು ಸುಮಾರು 1000 ಕೋಟಿ ರೂ. ಎಂದು ಅಂದಾಜಿಸಲಾಗಿದೆ.
ಮುಕೇಶ್ ಅಂಬಾನಿ ಅವರ ಬೋಯಿಂಗ್ 737 ಮ್ಯಾಕ್ಸ್ 9 ವಿಮಾನದ ಒಳಾಂಗಣದ ಯಾವುದೇ ಚಿತ್ರಗಳು ಲಭ್ಯವಿಲ್ಲದಿದ್ದರೂ, ಇದು ಅತ್ಯಂತ ಐಷಾರಾಮಿ ಇಂಟೀರಿಯರ್ ಹೊಂದಿದೆ.
ಸ್ವಿಟ್ಜರ್ಲೆಂಡ್ನ ಯುರೋ ಏರ್ಪೋರ್ಟ್ ಬಾಸೆಲ್-ಮುಲ್ಹೌಸ್-ಫ್ರೀಬರ್ಗ್ನಲ್ಲಿ ವ್ಯಾಪಕ ಕ್ಯಾಬಿನ್ ಮಾರ್ಪಾಡುಗಳು ಮತ್ತು ಒಳಾಂಗಣ ನವೀಕರಣಗಳನ್ನು ಮಾಡಲಾಗಿದೆ.
ಈ ವಿಮಾನದ ಹಿಂದಿನ ಮಾಡೆಲ್ ಆಗಿರುವ ಬೋಯಿಂಗ್ ಮ್ಯಾಕ್ಸ್ 8ಗೆ ಹೋಲಿಸಿದರೆ ಅಂಬಾನಿಯ ಇತ್ತೀಚಿನ ಮ್ಯಾಕ್ಸ್ 9 ವಿಮಾನ ಹೆಚ್ಚಿನ ಕ್ಯಾಬಿನ್ ಮತ್ತು ಸರಕು ವಿಭಾಗ ಹೊಂದಿದೆ.
ಹೊಸ ಬೋಯಿಂಗ್ 737 ಮ್ಯಾಕ್ಸ್ 9 ಮುಖೇಶ್ ಅಂಬಾನಿಯ ಏಕೈಕ ಖಾಸಗಿ ವಿಮಾನವೇನಲ್ಲ. ರಿಲಯನ್ಸ್ ಇಂಡಸ್ಟ್ರೀಸ್ ಈಗಾಗಲೇ 10 ಖಾಸಗಿ ಜೆಟ್ಗಳನ್ನು ಹೊಂದಿದೆ. ಇದರಲ್ಲಿ ಬೊಂಬಾರ್ಡಿಯರ್ ಗ್ಲೋಬಲ್ 6000, ಎರಡು ಡಸಾಲ್ಟ್ ಫಾಲ್ಕನ್ 900, ಎಂಬ್ರೇರ್ ಇಆರ್ಜೆ -135 ಸೇರಿದಂತೆ ಎರಡು ಹೆಲಿಕಾಪ್ಟರ್ಗಳನ್ನು ಹೊಂದಿದೆ.
ವಿಶ್ವದ ಅತ್ಯಂತ ದುಬಾರಿ ಜೆಟ್ಗಳಲ್ಲಿ ಒಂದಾಗಿರುವ ಇದು, ಎರಡು ಸಿಎಫ್ಎಂಐ ಲೀಪ್ -1 ಬಿ ಎಂಜಿನ್ಗಳಿಂದ ನಿಯಂತ್ರಿಸಲ್ಪಡುತ್ತದೆ. ಒಂದೇ ಪ್ರಯಾಣದಲ್ಲಿ 6,355 ನಾಟಿಕಲ್ ಮೈಲಿ (11,770 ಕಿ.ಮೀ) ಕ್ರಮಿಸಬಲ್ಲದು.
ಭಾರತಕ್ಕೆ ತರುವ ಮೊದಲು, ವಿಮಾನವನ್ನು ಏಪ್ರಿಲ್ 13, 2023 ರಿಂದ ಸ್ವಿಸ್ನಲ್ಲಿ ಸರಣಿ ಪರೀಕ್ಷಾ ಹಾರಾಟಗಳಿಗೆ ಒಳಪಡಿಸಲಾಗಿತ್ತು. ಬಾಸೆಲ್, ಜಿನೀವಾ ಮತ್ತು ಲಂಡನ್ ಲುಟಾನ್ ವಿಮಾನ ನಿಲ್ದಾಣಗಳ ನಡುವೆ ಆರು ಪರೀಕ್ಷಾ ಹಾರಾಟಗಳನ್ನು ನಡೆಸಲಾಗಿತ್ತು. ಆಗಸ್ಟ್ 27, 2024 ರಂದು, ಬೋಯಿಂಗ್ 737 ಮ್ಯಾಕ್ಸ್ 9 ಬಾಸೆಲ್ನಿಂದ ದೆಹಲಿಗೆ ಬಂದಿಳಿದಿದೆ.
ಬಾಸೆಲ್ನಿಂದ 6,234 ಕಿ.ಮೀ.ಗಳನ್ನು ಒಂಬತ್ತು ಗಂಟೆಗಳ ಕಾಲ ಹಾರಾಟ ನಡೆಸಿ ದೆಹಲಿ ತಲುಪಿದೆ. ಭಾರತೀಯ ಕಾಲಮಾನದ ಪ್ರಕಾರ ಬುಧವಾರ ಸಂಜೆ 7:18ಕ್ಕೆ ಜೆಟ್ ದೆಹಲಿಯ ರನ್ವೇಯಲ್ಲಿ ಇಳಿಯಿತು. ಪ್ರಸ್ತುತ ದೆಹಲಿ ವಿಮಾನ ನಿಲ್ದಾಣದ ಗೂಡ್ಸ್ ಟರ್ಮಿನಲ್ ಬಳಿಯ ನಿರ್ವಹಣಾ ಏಪ್ರನ್ನಲ್ಲಿ ನಿಲ್ಲಿಸಲಾಗಿದೆ.
ನೀವು ಮಲಗೋದು ಹೇಗೆ? ನಿಮ್ಮ ನಿದ್ರಾ ಭಂಗಿಯಿಂದಲೇ ಗೊತ್ತಾಗತ್ತೆ ನಿಮ್ಮ ವ್ಯಕ್ತಿತ್ವ!
ಅತಿಯಾದ ಕೆಲಸದೊತ್ತಡಕ್ಕೆ ಯುವತಿ ಬಲಿ, ಕಂಪನಿ ನಿರ್ಲಕ್ಷ್ಯ ಖಂಡಿಸಿ ಪತ್ರ ಬರೆದ ತಾಯಿ
ಲೈಂಗಿಕ ದೌರ್ಜನ್ಯ ಆರೋಪ ಮಾಡಿದ ಬಿಜೆಪಿ ಕಾರ್ಯಕರ್ತೆ: ಶಾಸಕ ಮುನಿರತ್ನ ವಿರುದ್ಧ ಅತ್ಯಾಚಾರ ಪ್ರಕರಣ ದಾಖಲು
