newsics.com/ನ್ಯೂಸಿಕ್ಸ್
ವಾಷಿಂಗ್ಟನ್ : ಅಮೆರಿಕದ ಇಡಾಹೊ ರಾಜ್ಯದ ಮೌಂಟೇನ್ ಹೋಮ್ ವಾಯುಪಡೆ ನೆಲೆಯಲ್ಲಿ ‘ಗನ್ಫೈಟರ್ ಸ್ಕೈಸ್ ಏರ್ ಶೋ’ ನಡೆಯುತ್ತಿದ್ದಾಗ ಎಲೆಕ್ಟ್ರಾನಿಕ್ ಅಟ್ಯಾಕ್ ಸ್ಕ್ವಾಡ್ರನ್ 129ರ ಯುಎಸ್ ನೇವಿ ಇಎ 18-ಜಿ ಗ್ರೋಲರ್ಸ್ ಹೆಸರಿನ ಎರಡು ಯುಎಸ್ ನೌಕಾಪಡೆಯ ಯುದ್ಧ ವಿಮಾನಗಳು ಆಕಾಶದಲ್ಲಿ ಡಿಕ್ಕಿ ಹೊಡೆದು ಛಿದ್ರ ಛಿದ್ರವಾಗಿದೆ.
ಸ್ಥಳೀಯ ಮಾಧ್ಯಮ ವರದಿಗಳ ಪ್ರಕಾರ, ಈ ಎರಡು ಯುದ್ಧ ವಿಮಾನಗಳು ಏರೋಬ್ಯಾಟಿಕ್ ಕುಶಲತೆಯನ್ನು ನಿರ್ವಹಿಸುತ್ತಿದ್ದಾಗ, ಸಮತೋಲನ ಕಳೆದುಕೊಂಡು ಅಥವಾ ಸಮನ್ವಯದ ಕೊರತೆಯಿಂದಾಗಿ, ಡಿಕ್ಕಿ ಹೊಡೆದು ಬೆಂಕಿಯ ಚೆಂಡಿನಂತೆ ಛಿದ್ರಛಿದ್ರವಾಗಿ ನೆಲಕ್ಕಪ್ಪಳಿಸಿದೆ. ಈ ಭಯಾನಕ ಘಟನೆಯ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ.
ಭಾನುವಾರ (ಮೇ 17) ಇಡಾಹೊದ ಮೌಂಟೇನ್ ಹೋಮ್ ಏರ್ ಫೋರ್ಸ್ ಬೇಸ್ ಬಳಿ ನಡೆದ ವಾಯು ಪ್ರದರ್ಶನದ ಸಂದರ್ಭದಲ್ಲಿ ಎರಡು ಮಿಲಿಟರಿ ಜೆಟ್ಗಳು ಆಕಾಶದಲ್ಲಿ ಡಿಕ್ಕಿ ಹೊಡೆದವು ಎಂದು ಯುಎಸ್ ನೌಕಾಪಡೆ ತಿಳಿಸಿದೆ. ಅದೃಷ್ಟವಶಾತ್, ಎರಡೂ ವಿಮಾನಗಳಲ್ಲಿದ್ದ ನಾಲ್ವರು ಸಿಬ್ಬಂದಿ ಸುರಕ್ಷಿತವಾಗಿ ಹೊರ ಬರುವಲ್ಲಿ ಯಶಸ್ವಿಯಾದರು. ನಾಲ್ವರೂ ಪ್ರಸ್ತುತ ಸ್ಥಿರ ಸ್ಥಿತಿಯಲ್ಲಿದ್ದಾರೆ ಎಂದು ಬೇಸ್ ಅಧಿಕಾರಿಗಳು ತಿಳಿಸಿದ್ದಾರೆ. ನೆಲದ ಮೇಲಿದ್ದ ಯಾವುದೇ ಪ್ರೇಕ್ಷಕರು ಅಥವಾ ಮಿಲಿಟರಿ ಸಿಬ್ಬಂದಿ ಗಾಯಗೊಂಡಿಲ್ಲ.
Mahesh Babu ಮಹೇಶ್ ಬಾಬು ರೆಸ್ಟೋರೆಂಟ್ ನಲ್ಲಿ 1 ನೀರಿನ ಬಾಟಲಿ ರೇಟ್ 299, ಕೋಕ್ 180 ರೂಪಾಯಿ
