newsics.com
ಭಾರತದಲ್ಲಿ ಜನರು ಸಂಪ್ರದಾಯಗಳು ಮತ್ತು ಪದ್ಧತಿಗಳಿಗೆ ಹೆಚ್ಚಿನ ಪ್ರಾಮುಖ್ಯತೆಯನ್ನು ನೀಡುತ್ತಾರೆ. ಅದರಲ್ಲಿಯೂ ನೆಮ್ಮದಿಯ ಜೀವನಕ್ಕಾಗಿ ಸುಧಾರಿತ ತಂತ್ರಜ್ಞಾನದೊಂದಿಗೆ ಬರುವ ವಿವಿಧ ಉತ್ಪನ್ನಗಳು ಬಳಕೆಯಲ್ಲಿ ಎಂದಿಗೂ ಹಿಂದುಳಿದಿಲ್ಲ. ಈಗ ಶೌಚಾಲಯದ ವಿಷಯದಲ್ಲೂ ಅದೇ ಟ್ರೆಂಡ್ ಅನುಸರಿಸಲಾಗುತ್ತದೆ.
ವೆಸ್ಟರ್ನ್ ಟಾಯ್ಲೆಟ್ ಭಾರತೀಯ ಶೌಚಾಲಯಕ್ಕಿಂತ ಸಂಪೂರ್ಣ ಭಿನ್ನವಾಗಿದೆ. ಇದು ವಯಸ್ಸಾದವರಿಗೆ ತುಂಬಾ ಅನುಕೂಲಕರವಾಗಿದೆ. ಹಿಂದೆಲ್ಲಾ ಜನರು ಹೆಚ್ಚಾಗಿ ಇಂಡಿಯನ್ ಟಾಯ್ಲೆಟ್ ಬಳಸುತ್ತಿದ್ದರು. ಆದರೆ ಈಗ ಸಿನಿಮಾ, ಶಾಪಿಂಗ್ ಮಾಲ್, ಆಸ್ಪತ್ರೆ ಅಥವಾ ಸಾರ್ವಜನಿಕ ಶೌಚಾಲಯ ಎಲ್ಲೆಲ್ಲೂ ವೆಸ್ಟನ್ ಟಾಯ್ಲೆಟ್ಗಳು ಕಾಣಸಿಗುತ್ತವೆ. ಹೀಗಾಗಿ ಪಾಶ್ಚಿಮಾತ್ಯ ಶೌಚಾಲಯಗಳ ಬಳಕೆ ಈಗ ಸರ್ವೇಸಾಮಾನ್ಯವಾಗಿಬಿಟ್ಟಿದೆ.
ಅದರಲ್ಲೂ ಈಗ ಇಂಡಿಯನ್ ಟಾಯ್ಲೆಟ್ ಜತೆಗೆ ಒಂದಾದರೂ ವೆಸ್ಟನ್ ಟಾಯ್ಲೆಟ್ ಕಟ್ಟಿಸುವುದು ಅನಿವಾರ್ಯದ ಜತೆಗೆ ಒಂದು ರೀತಿ ಟ್ರೆಂಡ್ ಕೂಡ ಆಗಿದೆ. ವೆಸ್ಟನ್ ಟಾಯ್ಲೆಟ್ ಬಳಸುವಾಗ ಮಗ್ ಅಥವಾ ಬಕೆಟ್ನಲ್ಲಿ ನೀರು ತುಂಬಿಸಿಕೊಂಡು ತೆಗೆದುಕೊಂಡು ಹೋಗುವ ಅಗತ್ಯವಿಲ್ಲ.
ಇದಕ್ಕಾಗಿ ಪ್ರತ್ಯೇಕವಾಗಿ ನೀರು ಹಾಕುವ ಕೆಲಸ ಕೂಡ ಬರುವುದಿಲ್ಲ. ಏಕೆಂದರೆ ಟಾಯ್ಲೆಟ್ ಹಿಂದೆ ಅಥವಾ ಪಕ್ಕದಲ್ಲಿಯೇ ನೀರು ತುಂಬಿದ ತೊಟ್ಟಿ ಇರುತ್ತದೆ. ಮಲ ವಿಸರ್ಜನೆಯ ತ್ಯಾಜ್ಯವನ್ನು ಹೋಗಲಾಡಿಸಲು ಟ್ಯಾಂಕ್ ಮೇಲಿನ ಫ್ಲಶ್ ಬಟನ್ ಅನ್ನು ಒತ್ತಿದರೆ ಸಾಕು.
ಟಾಯ್ಲೆಟ್ ಸೀಟಿನ ಎಡಭಾಗದಲ್ಲಿ ಪೇಪರ್ ರೋಲ್ ಇದೆ. ನೀವು ಕುಳಿತುಕೊಳ್ಳುವ ಟಾಯ್ಲೆಟ್ ಸೀಟಿನ ತೇವವನ್ನು ಒರೆಸಲು ಅಥವಾ ಕಲೆಗಳನ್ನು ಸ್ವಚ್ಛಗೊಳಿಸಲು ನೀವು ಇದನ್ನು ಬಳಸಬಹುದು. ಅಲ್ಲದೇ ಕೈ ಒರೆಸಲು ಸಹ ಬಳಸಬಹುದು. ಇದನ್ನು ಬೀಸಾಡಲು ಸಮೀಪವೇ ಕಸದ ಬುಟ್ಟಿಯೂ ಇರುತ್ತದೆ. ಅಲ್ಲದೇ ಟಾಯ್ಲೆಟ್ ಸೀಟಿನ ಬಲಭಾಗದಲ್ಲಿ ಫ್ಲಶಿಂಗ್ಗಾಗಿ ಪೈಪ್ ಇದೆ. ನೀವು ಇದನ್ನು ಫ್ಲಶ್ ಮಾಡಲು ಬಳಸಬಹುದು.
ಯೋಗಾಸನದಲ್ಲಿ ಬರುವ ಮಲಾಸನ ಅಥವಾ ಗಾರ್ಲ್ಯಾಂಡ್ ಪೋಸ್ ಈ ಭಂಗಿಯಲ್ಲಿ ಕುಳಿತುಕೊಳ್ಳುವುದರಿಂದ ಕರುಳು ಸುಲಭವಾಗಿ ಸ್ವಚ್ಛವಾಗುತ್ತದೆ.
ವೆಸ್ಟರ್ನ್ ಪಬ್ಲಿಕ್ ಟಾಯ್ಲೆಟ್ ಬಳಸುವುದರಿಂದ ಕೆಲವೊಮ್ಮೆ ಸೋಂಕಿಗೆ ಕಾರಣವಾಗಬಹುದು. ಏಕೆಂದರೆ ನಮ್ಮ ಚರ್ಮವು ಟಾಯ್ಲೆಟ್ ಸೀಟಿನೊಂದಿಗೆ ನೇರ ಸಂಪರ್ಕಕ್ಕೆ ಬರುತ್ತದೆ.
