newsics.com
ವಿಶ್ವದ ಅತಿ ಎತ್ತರದ ಟರ್ಕಿ ಮಹಿಳೆ ಮತ್ತು ಅತ್ಯಂತ ಕುಳ್ಳಿ ಭಾರತದ ಮಹಿಳೆ ಭೇಟಿಯ ವಿಡಿಯೋ ವೈರಲ್ ಆಗಿದೆ.
7 ಅಡಿ 1 ಇಂಚು ಎತ್ತರ ಇರುವ 27 ವರ್ಷದ ರುಮೇಸಾ ಹಾಗೂ 2 ಅಡಿ 1 ಇಂಚು ಇರೋ 30 ವರ್ಷದ ಜ್ಯೋತಿ ಅಮ್ಗೆ ಭೇಟಿಯಾಗಿ ಪರಸ್ಪರ ಶುಭಾಶಯ ವಿನಿಮಯ ಮಾಡಿಕೊಂಡಿದ್ದಾರೆ.
ಇವರಿಬ್ಬರೂ ವಿಶ್ವದ ಅತಿ ಎತ್ತರ ಮತ್ತು ಅತಿ ಕುಳ್ಳಗಿರುವ ಯುವತಿಯರು. ಗಿನ್ನೆಸ್ ದಾಖಲೆಗಳಲ್ಲಿ ಹೆಸರು ಪಡೆದಿರುವ ಈ ಎತ್ತರ ಮತ್ತು ಕುಳ್ಳಗಿರುವ ಯುವತಿ ಪರಸ್ಪರ ಭೇಟಿಯಾಗುವ ಅಪರೂಪದ ಕ್ಷಣಕ್ಕೆ ಲಂಡನ್ನ ಪ್ರತಿಷ್ಠಿತ ಸವೊಯ್ ಹೋಟೆಲ್ ಸಾಕ್ಷಿಯಾಯಿತು.
ಇವರಿಬ್ಬರೂ ಚಹಾ ಸವಿಯುತ್ತಾ ತಮ್ಮ ಜೀವನದ ಕಥೆ ಮತ್ತು ಅನುಭವಗಳನ್ನು ಹಂಚಿಕೊಂಡಿದ್ದಾರೆ. ಈ ವಿಡಿಯೋವನ್ನು guinness world records ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ.
2024ರ ಗಿನ್ನೆಸ್ ವಿಶ್ವ ದಾಖಲೆಯ ದಿನವನ್ನು ಆಚರಿಸುವ ಸಲುವಾಗಿ ಇಂಥದ್ದೊಂದು ಭೇಟಿಯನ್ನು ಆಯೋಜಿಸಲಾಗಿತ್ತು. ವಿಶ್ವದ ಅತೀ ಎತ್ತರದ ಹಾಗೂ ಅತಿ ಕುಬ್ಜ ಮಹಿಳೆಯರು ಭೇಟಿಯಾಗುವ ಮೂಲಕ ಮತ್ತೊಮ್ಮೆ ದಾಖಲೆ ಪುಟ ಸೇರಿದ್ದಾರೆ.
ಟರ್ಕಿಯಲ್ಲಿ ವಾಸಿಸುತ್ತಿರುವ ರುಮೇಸಾ ಅವರು ವಿಶ್ವದ ಅತಿ ಎತ್ತರದ ಮಹಿಳೆಯಾಗಿದ್ದು, ಅವರು ವೆಬ್ ಡೆವಲಪರ್ ಆಗಿದ್ದಾರೆ. ಸೆಂಟಿ ಮೀಟರ್ ಲೆಕ್ಕದಲ್ಲಿ ಹೇಳುವುದಾದರೆ, 215.16 ಸೆಂ.ಮೀ. ಇನ್ನು ಜ್ಯೋತಿ ಅವರು ಭಾರತದವರೇ ಆಗಿದ್ದು, ಅವರ ಎತ್ತರ 2 ಅಡಿ 1 ಇಂಚು ಅರ್ಥಾತ್ 62.8 ಸೆಂಟಿ ಮೀಟರ್.
2014ರಲ್ಲಿ ರುಮೇಸಾ ಅವರ 18ನೇ ವಯಸ್ಸಿನಲ್ಲಿ ಇವರ ಹೆಸರು ‘ಅತೀ ಎತ್ತರದ ಹದಿಹರೆಯದ ಯುವತಿ’ ಎಂದು ದಾಖಲಾಗಿತ್ತು. ಇದೀಗ, ದಾಖಲೆಯಲ್ಲಿ ಮತ್ತೊಂದು ಹೆಜ್ಜೆ ಮುಂದೆ ಹೋಗಿರುವ ಅವರು, ವಿಶ್ವದಲ್ಲಿ ಸದ್ಯ ಇರುವ ಅತೀ ಎತ್ತರದ ಮಹಿಳೆ ಎಂಬ ಕೀರ್ತಿಗೆ ಭಾಜನರಾಗಿದ್ದಾರೆ. ಇವರು ವೀವರ್ ಸಿಂಡ್ರೋಮ್ ಎಂಬ ಅಪರೂಪದ ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಹೀಗಾಗಿ, ಇವರು ಹೆಚ್ಚಾಗಿ ವ್ಹೀಲ್ಚೇರ್ನಲ್ಲೇ ಇರಬೇಕಾದ ಪರಿಸ್ಥಿತಿ ಇದೆ. ವಾಕರ್ ಸಹಾಯದಿಂದ ಸ್ವಲ್ಪ ದೂರ ನಡೆಯಬಹುದಾಗಿದೆ.
ಜ್ಯೋತಿ ಅವರನ್ನು ರುಮೇಸಾ ‘ಗಾರ್ಜಿಯಸ್ ಲೇಡಿ’ ಎಂದು ಬಣ್ಣಿಸಿದ್ದಾರೆ. ಹಲವು ವರ್ಷಗಳಿಂದ ಈ ಭೇಟಿಗೆ ಕಾಯುತ್ತಿದ್ದೆ ಎಂದಿದ್ದಾರೆ. ಈ ಇಬ್ಬರೂ ಚಹಾ ಹೀರುತ್ತಾ, ಮೇಕಪ್ ಮತ್ತು ಡ್ರೆಸ್ಗಳ ಬಗ್ಗೆ ಹಾಗೂ ದೇಹದ ಕಾಳಜಿಯ ಬಗ್ಗೆ ಮಾತುಕತೆ ನಡೆಸಿದ್ದಾರೆ.
ಇಷ್ಟೇ ಅಲ್ಲ ಇಬ್ಬರೂ ನೆಚ್ಚಿನ ಹವ್ಯಾಸಗಳು, ಅಭ್ಯಾಸಗಳ ಬಗ್ಗೆಯೂ ಮಾತನಾಡಿದ್ದಾರೆ. 30 ವರ್ಷ ವಯಸ್ಸಿನ ಜ್ಯೋತಿ ಆಮ್ಗೆ ಅವರು ಮಹಾರಾಷ್ಟ್ರದ ನಾಗ್ಪುರದವರು. ಇವರು ಬಿಗ್ ಬಾಸ್ ಸೇರಿದಂತೆ ಹಲವು ಟಿವಿ ಶೋಗಳು, ಡಾಕ್ಯುಮೆಂಟರಿ, ಸೀರೀಸ್ ಹಾಗೂ ಸಿನಿಮಾದಲ್ಲಿ ನಟಿಸಿದ್ದಾರೆ. ಇವರಿಗೆ ಸೆಲೆಬ್ರಿಟಿಯಷ್ಟೇ ಜನಪ್ರಿಯತೆ ಇದ್ದು, ಲೋನಾವಾಲಾದಲ್ಲಿರುವ ವ್ಯಾಕ್ಸ್ ಮ್ಯೂಸಿಯಂನಲ್ಲಿ ಇವರ ಮೇಣದ ಪ್ರತಿಮೆಯನ್ನು ಇಡಲಾಗಿದೆ.
https://www.instagram.com/reel/DCnGDCMODax/?utm_source=ig_web_button_share_sheet
Vastu Tips ಲಕ್ಷ್ಮೀಕಟಾಕ್ಷಕ್ಕೆ ಪೊರಕೆಯನ್ನು ಮನೆಯ ಯಾವ ದಿಕ್ಕಿನಲ್ಲಿಡಬೇಕು? ಯಾವ ಬಣ್ಣದ ಬ್ರೂಮ್ ಉತ್ತಮ?
Good news for women ಗರ್ಭನಿರೋಧಕ ಮಾತ್ರೆ ಬಳಸುವ ಮಹಿಳೆಯರಿಗೆ ಖುಷಿ ಸುದ್ದಿ: ಹೊಸ ಸಂಶೋಧನೆ ಹೇಳಿದ್ದೇನು?
