newsics.com
ಬಾಲಿವುಡ್ ನಟಿ ನಿಮ್ರತ್ ಕೌರ್ ಹೆಸರು ಈಗ ಸದ್ಯ ಹೆಚ್ಚು ಸುದ್ದಿಯಲ್ಲಿದೆ. ದಾಸ್ವಿ ಚಿತ್ರದ ಸಹ-ನಟ ಅಭಿಷೇಕ್ ಬಚ್ಚನ್ ಜತೆಗಿನ ಡೇಟಿಂಗ್ ವದಂತಿಗಳು ಹೆಚ್ಚುತ್ತಲೇ ಇವೆ. ಅಭಿಷೇಕ್ ಮತ್ತು ಐಶ್ವರ್ಯಾ ದಂಪತಿಯ ವಿಚ್ಛೇದನದ ಸುತ್ತಲಿನ ವದಂತಿಗಳು ಉಲ್ಭಣಗೊಂಡಿವೆ.
ಅಭಿಷೇಕ್ ಬಚ್ಚನ್ ಜತೆಗಿನ ಡೇಟಿಂಗ್ ವದಂತಿಗಳಿಂದ ಬೇಸತ್ತಿರುವ ಬಾಲಿವುಡ್ ನಟಿ ನಿಮ್ರತ್ ಕೌರ್ ಕೊನೆಗೂ ಮೌನ ಮುರಿದಿದ್ದಾರೆ.
ಸೋಷಿಯಲ್ ಕಾಮಿಡಿ ಡ್ರಾಮಾದಲ್ಲಿ ತೆರೆ ಹಂಚಿಕೊಂಡಿರುವ ಈ ಇಬ್ಬರ ನಡುವೆ ಪ್ರೇಮಾಂಕುರವಾಗಿದೆ ಎಂಬ ಬಗ್ಗೆ ಊಹಾಪೋಹಗಳು ಆನ್ಲೈನ್ನಲ್ಲಿ ವ್ಯಾಪಕವಾಗಿ ಹರಡಿದೆ.
ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯಾ ರೈ ಬಚ್ಚನ್ ನಡುವಿನ ವೈವಾಹಿಕ ಭಿನ್ನಾಭಿಪ್ರಾಯದಂತಹ ವರದಿಗಳು ಆನ್ಲೈನ್ನಲ್ಲಿ ಕಾಣಿಸಿಕೊಂಡ ಬೆನ್ನಲ್ಲೇ ಈ ವದಂತಿಗಳು ಹೆಚ್ಚಿವೆ. ಜನಪ್ರಿಯ ತಾರಾ ಜೋಡಿಯ ವಿಚ್ಛೇದನಕ್ಕೆ ನಟಿ ನಿಮ್ರತ್ ಕೌರ್ ಕಾರಣವಾಗಿರಬಹುದಾ ಎಂಬ ಶಂಕೆ ವ್ಯಕ್ತವಾಗಿದೆ.
ನಟಿ ನಿಮ್ರತ್ ಕೌರ್, ವದಂತಿಗಳಿಗೆ ಪ್ರತಿಕ್ರಿಯಿಸಿದ್ದು, “ನಾನು ಏನು ಬೇಕಾದರೂ ಮಾಡಬಲ್ಲೆ. ಜನರು ಇನ್ನೂ ಅವರಿಗೆ ಬೇಕಾದುದನ್ನೇ ಹೇಳುತ್ತಾರೆ. ಅಂತಹ ಗಾಸಿಪ್ಗಳನ್ನು ನಿಲ್ಲಿಸುವುದಿಲ್ಲ. ನಾನು ನನ್ನ ಕೆಲಸದ ಮೇಲೆ ಗಮನ ಕೇಂದ್ರೀಕರಿಸಲು ಬಯಸುತ್ತೇನೆ” ಎಂದಿದ್ದಾರೆ.
ಅಭಿಷೇಕ್ ಬಚ್ಚನ್ ಮತ್ತು ಐಶ್ವರ್ಯಾ ರೈ ವಿಚ್ಛೇದನ ಕುರಿತ ಊಹಾಪೋಹಗಳು, ಅಭಿಷೇಕ್ ಜತೆ ನಿಮ್ರತ್ ಕೌರ್ ಡೇಟಿಂಗ್ನಂತಹ ವದಂತಿಗಳ ನಂತರ ಈ ಪ್ರತಿಕ್ರಿಯೆ ಕೊಟ್ಟಿದ್ದಾರೆ.
ನಿಮ್ರತ್ ಅವರ ನೇರನುಡಿ, ವದಂತಿಗಳು ಮತ್ತು ನೆಟ್ಟಿಗರ ಕುತೂಹಲಗಳ ಹೊರತಾಗಿಯೂ ತಮ್ಮ ಕೆಲಸದೆಡೆಗೆ ಗಮನ ಕೊಡುವ ಅವರ ಬದ್ಧತೆಯನ್ನು ಪ್ರತಿಬಿಂಬಿಸಿದೆ. ದಿ ಲಂಚ್ಬಾಕ್ಸ್ ಮತ್ತು ಏರ್ಲಿಫ್ಟ್ನಂತಹ ಸಿನಿಮಾಗಳಲ್ಲಿನ ಪಾತ್ರಗಳಿಗೆ ಹೆಸರುವಾಸಿಯಾಗಿರುವ ಅವರು ತಮ್ಮ ಅಭಿನಯದಿಂದ ಸಾಕಷ್ಟು ಖ್ಯಾತಿ ಗಳಿಸಿದ್ದಾರೆ.
