newsics.com
ನವದೆಹಲಿ: ದೆಹಲಿಯಲ್ಲಿ ಏಕಾಏಕಿ ನಿಮಗೆ ತುರಿಕೆ ಅನುಭವವಾಗುತ್ತಿದೆ ಎಂದೆನಿಸಿದರೆ ಅದು ಕಳ್ಳರ ಕೈಚಳಕವೂ ಕಾರಣವಾಗಿರಬಹುದು.
ರಾಷ್ಟ್ರ ರಾಜಧಾನಿಯಲ್ಲಿ ಕಳ್ಳರ ವಿಚಿತ್ರ ಗ್ಯಾಂಗ್ ಒಂದು ಸಕ್ರಿಯವಾಗಿದೆ. ಈ ಗ್ಯಾಂಗ್ನ ಹೆಸರು ಖುಜ್ಲಿ ಗ್ಯಾಂಗ್ ಅಂದರೆ ತುರಿಕೆ ಗ್ಯಾಂಗ್(Khujli Gang). ಇಚ್ಚ್ ಗ್ಯಾಂಗ್, ಖುಜ್ಲಿ ಗ್ಯಾಂಗ್ ಎಂದೇ ಕುಖ್ಯಾತಿ ಪಡೆದಿರುವ ಈ ಗ್ಯಾಂಗ್ ದೆಹಲಿಯ ಸದರ್ ಬಜಾರ್ ಪ್ರದೇಶದಲ್ಲಿ ಸಕ್ರಿಯವಾಗಿದೆ.
ಜನನಿಬಿಡ ಪ್ರದೇಶದಲ್ಲಿ ಇದ್ದಕ್ಕಿದ್ದಂತೆ ನಿಮಗೆ ತುರಿಕೆ ಶುರುವಾಗುತ್ತದೆ. ತುರಿಕೆ ಶುರುವಾಯಿತೆಂದು ಕೈಯಲ್ಲಿದ್ದ ವಸ್ತುಗಳನ್ನು ಬದಿಯಲ್ಲಿಟ್ಟು ತುರಿಸಲು ಶುರುಮಾಡಿದರೆ ಈ ಕಳ್ಳರ ತಂಡ ಕಣ್ಣು ಮಿಟುಕಿಸುವುದರೊಳಗೆ ನಿಮ್ಮ ವಸ್ತುಗಳನ್ನು ಕಣ್ಮರೆಯಾಗುವಂತೆ ಮಾಡುತ್ತದೆ.
ಈ ಗ್ಯಾಂಗ್ ಜನರ ಹಿಂದಿನಿಂದ ತುರಿಕೆ ಪುಡಿ ಎರಚುತ್ತದೆ ಎಂದು ಹೇಳಲಾಗುತ್ತಿದೆ. ಖುಜ್ಲಿ ಗ್ಯಾಂಗ್’ ಈ ಪುಡಿ ವ್ಯಕ್ತಿಯ ಮೈಗೆ ಬೀಳುತ್ತಿದ್ದಂತೆ ವ್ಯಕ್ತಿಗೆ ಇದ್ದಕ್ಕಿದ್ದಂತೆ ಬಹಳಷ್ಟು ಸಮಸ್ಯೆಗಳು ಪ್ರಾರಂಭವಾಗುತ್ತವೆ. ಅವನ ಇಡೀ ದೇಹದಲ್ಲಿ ತುರಿಕೆ ಪ್ರಾರಂಭವಾಗುತ್ತದೆ. ಕೆಲವೊಮ್ಮೆ ತುರಿಕೆ ತುಂಬಾ ತೀವ್ರವಾಗಿರುತ್ತದೆ, ಕೆಲವೊಮ್ಮೆ ಬಟ್ಟೆಯನ್ನೂ ತೆಗೆಯಬೇಕಾಗುತ್ತದೆ. ಈ ಸಮಯದಲ್ಲಿ, ತನ್ನಲ್ಲಿರುವ ವಸ್ತುಗಳನ್ನು ಪಕ್ಕಕ್ಕೆ ಇಡುತ್ತಾನೆ. ಆಗ ತಕ್ಷಣ ಈ ಗ್ಯಾಂಗ್ನಲ್ಲಿ ಭಾಗಿಯಾಗಿರುವ ಅಪರಾಧಿಗಳು ಇದರ ಲಾಭವನ್ನು ಪಡೆದುಕೊಂಡು ಬೆಲೆಬಾಳುವ ವಸ್ತುಗಳನ್ನು ಎಗರಿಸಿ ಪರಾರಿಯಾಗುತ್ತಾರೆ.
ಈ ಗ್ಯಾಂಗ್ನಲ್ಲಿ ಭಾಗಿಯಾಗಿರುವ ದುಷ್ಕರ್ಮಿಗಳ ದುಷ್ಕೃತ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ವೈರಲ್ ಆಗುತ್ತಿವೆ. ಅದೇ ಸಮಯದಲ್ಲಿ, ಅನೇಕರು ಇದನ್ನು ಹಂಚಿಕೊಂಡಿದ್ದಾರೆ ಮತ್ತು ಪೊಲೀಸರಿಂದ ಕ್ರಮಕ್ಕೆ ಒತ್ತಾಯಿಸಿದ್ದಾರೆ.
सदर बाजार में एक्टिव हुआ खुजली गैंग.
मार्केट आने वालों की कमर में पाउडर डाल कर करते हैं वारदात.
पीड़ित ने खुजलाने के लिए शर्ट उतारी, तभी बदमाश बैग ले गए.
CCTV में रेकॉर्ड हुई घटना.@SandhyaTimes4u @NBTDilli @DelhiPolice pic.twitter.com/Lrq0EnpThH
— सूरज सिंह/Suraj Singh 🇮🇳 (@SurajSolanki) July 12, 2024
ಲವ್ ದೋಖಾ… ನಟ ರಾಜ್ ತರುಣ್ ಪ್ರೇಯಸಿ ಲಾವಣ್ಯ ಆತ್ಮಹತ್ಯೆ ಹೈಡ್ರಾಮಾ, ನಟನ ವಿರುದ್ಧ ವಂಚನೆ ದೂರು
ಮಾರುಕಟ್ಟೆಯಲ್ಲಿ ಧೂಳೆಬ್ಬಿಸಿದ ‘ನಥಿಂಗ್’… ಮೂರೇ ಗಂಟೆಯಲ್ಲಿ ಒಂದು ಲಕ್ಷ ಮೊಬೈಲ್ ಮಾರಾಟ!
