https://youtube.com/shorts/tAQS6h_SZWA?si=f1t_2CedcPuoHdto
Subscribe ನ್ಯೂಸಿಕ್ಸ್ ಕನ್ನಡ
newsics.com
ಮಹಿಳೆಯೊಬ್ಬರಿಗೆ ಮೃತ ಮಹಿಳೆಯ ಗರ್ಭಕೋಶವನ್ನು ಟ್ರಾನ್ಸ್ಪ್ಲಾಂಟ್ ಮಾಡಲಾಗಿದ್ದು, ಆ ಗರ್ಭಕೋಶದ ಮೂಲಕ ಅವರು ಗಂಡು ಮಗುವಿನ ತಾಯಿಯಾಗಿದ್ದಾರೆ. ಈ ವಿಚಾರ ಈಗ ಅಂಗಾಂಗ ದಾನದ ಬಗ್ಗೆ ಹೊಸ ಚರ್ಚೆ ಹುಟ್ಟುಹಾಕಿದೆ.
ಬ್ರಿಟನ್ನಲ್ಲಿ ವೈದ್ಯಕೀಯ ಪವಾಡ ಎಂಬಂತೆ ಕಸಿ ಮಾಡಿದ ಗರ್ಭಕೋಶದಿಂದ ಮಗುವೊಂದು ಜನಿಸಿದೆ. ಹೀಗೆ ಮೃತ ಮಹಿಳೆಯ ಗರ್ಭಕೋಶದ ಕಸಿಯಿಂದಾಗಿ ಜನಿಸಿದ ಮೊದಲ ಮಗು ಇದಾಗಿದೆ. ಹುಗೋ ಎಂಬ ಆ ಮಗುವಿಗೆ 10 ವಾರಗಳಾಗಿದ್ದು, ಆರೋಗ್ಯವಾಗಿದೆ. ಆ ಮಗುವನ್ನು ಒಂದು ಪವಾಡವೇ ಸರಿ ಎಂದು ಕರೆದಿದ್ದಾರೆ. ಆ ಮಗುವಿನ ತಾಯಿ ಗ್ರೇಸ್ ಬೆಲ್, ಈ ಗ್ರೇಸ್ ಬೆಲ್ ಅವರಿಗೆ ಮಗುವನ್ನು ಹೆರುವುದಕ್ಕೆ ಅಗತ್ಯವಾದ ಸಧೃಡವಾದ ಗರ್ಭಕೋಶ ಇರಲಿಲ್ಲ. ಹೀಗಾಗಿ ಮೃತ ಮಹಿಳೆಯೊಬ್ಬರ ಗರ್ಭಕೋಶವನ್ನು ಅವರಿಗೆ ಕಸಿ ಮಾಡಲಾಗಿತ್ತು. ಇದಾದ ನಂತರ ಮಗು ಹುಗೋ ಆರೋಗ್ಯವಾಗಿ ಜನಿಸಿದ್ದಾನೆ.
ಯುನೈಟೆಡ್ ಕಿಂಗ್ಡಮ್(UK) ಕೆಂಟ್ ನಿವಾಸಿಗಳಾದ ಗ್ರೇಸ್ ಬೆಲ್ ಹಾಗೂ ಅವರ ಪತಿ ಸ್ಟೀವ್ ಪಾವೆಲ್ ಅವರು ತಮ್ಮನ್ನು ಪೋಷಕರಾಗುವುದಕ್ಕೆ ಅಗತ್ಯವಾಗಿದ್ದ ಗರ್ಭಕೋಶ ದಾನ ಮಾಡಿದ ದಾನಿ ಮಹಿಳೆ ಹಾಗೂ ಅವರ ಕುಟುಂಬದ ಅದ್ಭುತವಾದ ಉಡುಗೊರೆಗೆ ಧನ್ಯವಾದ ಹೇಳಿದ್ದಾರೆ. ಹಾಗೆಯೇ ಇದನ್ನು ಸಾಧ್ಯವವಾಗಿಸಿದ ಆಕ್ಸ್ಫರ್ಡ್ ಹಾಗೂ ಲಂಡನ್ನ ವೈದ್ಯಕೀಯ ತಂಡಕ್ಕೂ ಆ ದಂಪತಿ ಧನ್ಯವಾದ ಹೇಳಿದ್ದಾರೆ. ನನಗೆ ಗರ್ಭಕೋಶ ದಾನ ನೀಡಿದ ಮಹಿಳೆಯನ್ನು ನಾನು ಸದಾ ಸ್ಮರಿಸುತ್ತೇನೆ. ಅವರಿಂದಲೇ ನಾನು ತಾಯ್ತನದ ಖುಷಿ ಅನುಭವಿಸುವುದಕ್ಕೆ ಸಾಧ್ಯವಾಯ್ತು ಎಂದು ಮಹಿಳೆ ಹೇಳಿದ್ದಾರೆ.
ಬೆಳಿಗ್ಗೆ ಎದ್ದಾಗ ಅವನ ಪುಟ್ಟ ಮುಖವನ್ನು, ಅವನ ಪುಟ್ಟ ಗೊಂಬೆಯನ್ನು ನೋಡಿದ್ದು ನನಗೆ ನೆನಪಿದೆ, ಮತ್ತು ನಾನು ಕನಸಿನಿಂದ ಎಚ್ಚರಗೊಳ್ಳಬೇಕೆಂದು ಅನಿಸಿತು ಎಂದು ಗ್ರೇಸ್ ಹೇಳಿದ್ದಾರೆ. ಈ ಹೆರಿಗೆ ಒಂದು ಕ್ರಾಂತಿಕಾರಿ ಕ್ಷಣ ಎಂದು ಈ ಅಂಗಾಂಗ ಕಸಿ ಹಾಗೂ ನಂತರ ಹೆರಿಗೆಯಲ್ಲಿ ಭಾಗಿಯಾದ ವೈದ್ಯರು ಹೇಳಿದ್ದಾರೆ. ಇದು ಇದೇ ರೀತಿಯ ಸಮಸ್ಯೆಗಳನ್ನು ಹೊಂದಿರುವ ಇನ್ನೂ ಅನೇಕ ಮಹಿಳೆಯರಿಗೆ ಭರವಸೆಯನ್ನು ನೀಡುತ್ತದೆ ಎಂದು ಅವರು ಹೇಳಿದರು.
