Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಜನಪ್ರಿಯ ಸಾಮಾಜಿಕ ಜಾಲತಾಣವಾದ ಇನ್ಸ್ಟಾಗ್ರಾಮ್, ಭಾರತೀಯ ಬಳಕೆದಾರರಿಗಾಗಿ ಮಹತ್ವದ ಘೋಷಣೆಯೊಂದನ್ನು ಮಾಡಿದೆ. ಮೆಟಾ ಎಐ ಆಧಾರಿತ ರೀಲ್ಸ್ ಅನುವಾದ ವೈಶಿಷ್ಟ್ಯವನ್ನು ಈಗ ಕನ್ನಡ ಸೇರಿದಂತೆ ಭಾರತದ ಐದು ಪ್ರಾದೇಶಿಕ ಭಾಷೆಗಳಿಗೆ ವಿಸ್ತರಿಸಲಾಗಿದೆ.ಈ ಅಪ್ಡೇಟ್ ಅನ್ನು ಮೊದಲು ನವೆಂಬರ್ 2025ರಲ್ಲಿ ಘೋಷಿಸಲಾಗಿದ್ದರೂ, ಇದು ಈಗ ಎಲ್ಲ ಬಳಕೆದಾರರಿಗೆ ಲಭ್ಯ.
ಕ್ರಿಯೆಟರ್ಸ್ ಈಗ ಮೆಟಾ AI ಬಳಸಿಕೊಂಡು ತಮ್ಮ ರೀಲ್ಗಳನ್ನು 5 ಹೊಸ ಭಾಷೆಗಳಿಗೆ ಅನುವಾದಿಸಬಹುದು, ಡಬ್ ಮಾಡಬಹುದು ಮತ್ತು ಲಿಪ್-ಸಿಂಕ್ ಮಾಡಬಹುದು. ಹೊಸದಾಗಿ ಪರಿಚಯಿಸಲಾದ ಕನ್ನಡ, ತೆಲುಗು, ಬಂಗಾಳಿ, ತಮಿಳು ಮತ್ತು ಮರಾಠಿ ಭಾಷೆಗಳನ್ನು ಹಿಂದಿ, ಇಂಗ್ಲಿಷ್, ಸ್ಪ್ಯಾನಿಷ್ ಮತ್ತು ಪೋರ್ಚುಗೀಸ್ ಭಾಷೆಗಳಲ್ಲಿ ಈಗಾಗಲೇ ಲಭ್ಯವಿರುವ ಭಾಷೆಗಳ ಪಟ್ಟಿಗೆ ಸೇರಿಸಲಾಗಿದೆ.
ರೀಲ್ಗಳನ್ನು ಅಪ್ಲೋಡ್ ಅಥವಾ ಎಡಿಟ್ ಮಾಡುವಾಗ ಕ್ರಿಯೆಟರ್ಸ್ ಮೆಟಾ AI ಟ್ರಾನ್ಸ್ಲೇಷನ್ ಆಯ್ಕೆಯನ್ನು ಆನ್ ಮಾಡಬೇಕು. ಈ ಆಯ್ಕೆಯನ್ನು ಸಕ್ರಿಯಗೊಳಿಸಿದ ನಂತರ ಅದು ಆಟೋಮೆಟಿಕ್ ಆಗಿ ಆಡಿಯೊವನ್ನು ಮತ್ತೊಂದು ಭಾಷೆಗೆ ಅನುವಾದಿಸುತ್ತದೆ. ಈ ವೈಶಿಷ್ಟ್ಯದ ಮತ್ತೊಂದು ವಿಶೇಷತೆಯೆಂದರೆ ಇದು ವಾಯ್ಸ್ ಟ್ರಾನ್ಸ್ಲೇಟ್ ಮಾಡುವುದಕ್ಕೆ ರೋಬೋಟಿಕ್ ಡಬ್ಬಿಂಗ್ ಬಳಸುವುದಿಲ್ಲ. ಬದಲಾಗಿ, ರೀಲ್ ಒರಿಜಿನಲ್ ವಾಯ್ಸ್ನಲ್ಲಿ ಸೌಂಡ್ ಮತ್ತು ಟೋನ್ ಉಳಿಸಿಕೊಳ್ಳುತ್ತದೆ.
ಕೇವಲ ಅನುವಾದ ಮಾತ್ರವಲ್ಲದೆ, ಇನ್ಸ್ಟಾಗ್ರಾಮ್ ಎಡಿಟ್ಸ್ನಲ್ಲಿ ಭಾರತೀಯ ಭಾಷೆಗಳ ಲಿಪಿಗಳಿಗೆ ಹೆಚ್ಚಿನ ಫಾಂಟ್ ಬೆಂಬಲವನ್ನು ನೀಡಲಾಗಿದೆ. ಇದರಿಂದ ಕಂಟೆಂಟ್ ಕ್ರಿಯೇಟರ್ಗಳು ತಮ್ಮ ರೀಲ್ಸ್ಗಳಲ್ಲಿ ಆಕರ್ಷಕವಾದ ಕನ್ನಡ ಅಕ್ಷರಗಳನ್ನು ಬಳಸಿಕೊಂಡು ವಿಡಿಯೋ ಎಡಿಟ್ ಮಾಡಬಹುದಾಗಿದೆ.
