Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಸೌದಿ ಅರೇಬಿಯಾದ ಅತ್ಯಂತ ಹಿರಿಯ ನಾಗರಿಕ ಶೇಖ್ ನಾಸರ್ ಬಿನ್ ರದ್ದಾನ್ ಅಲ್ ರಶೀದ್ ಅಲ್ ವದೈ ಅವರು 142ನೇ ವಯಸ್ಸಿನಲ್ಲಿ ರಿಯಾದ್ನಲ್ಲಿ ವಯೋಸಹಜ ಕಾರಣಗಳಿಂದ ನಿಧನರಾಗಿದ್ದಾರೆ.
ಶೇಖ್ ನಾಸರ್ ಮಕ್ಕಳು, ಮೊಮ್ಮಕ್ಕಳು ಮತ್ತು ಮರಿಮೊಮ್ಮಕ್ಕಳು ಸೇರಿ 134 ಸದಸ್ಯರ ಅಪಾರ ಕುಟುಂಬದ ಕುಲಪತಿಯಾಗಿದ್ದರು. ಅವರ ಕುಟುಂಬವು ಸೌದಿ ಸಮಾಜದಲ್ಲಿ ಗೌರವಾನ್ವಿತ ಸ್ಥಾನ ಹೊಂದಿದ್ದು, ಪೀಳಿಗೆಗಳ ನಡುವಿನ ಸೇತುವೆಯಾಗಿ ಅವರು ಗುರುತಿಸಲ್ಪಟ್ಟಿದ್ದರು. ಹಿರಿಯರು ಮಾತ್ರವಲ್ಲದೆ ಯುವಪೀಳಿಗೆಯವರಿಗೂ ಅವರು ಜೀವನದ ಮಾರ್ಗದರ್ಶಕರಾಗಿದ್ದರು.
ಶೇಖ್ ನಾಸರ್ ಅವರ 110ನೇ ವಯಸ್ಸಿನ ಕೊನೆಯ ಮದುವೆ ಮತ್ತು ಅದರ ಫಲವಾಗಿ ಹೆಣ್ಣು ಮಗು ಜನಿಸಿದೆ. ವೈದ್ಯಕೀಯ ತಜ್ಞರು ಮತ್ತು ಜೀವನಶೈಲಿ ಅಧ್ಯಯನಕಾರರು ಅವರ ದೈಹಿಕ ಆರೋಗ್ಯ, ಮನಸ್ಸಿನ ಚೈತನ್ಯ ಮತ್ತು ಜೀವನ ಕ್ರಮದ ಬಗ್ಗೆ ಅಧ್ಯಯನ ನಡೆಸುವಂತೆ ಮಾಡಿತು.
ಶೇಖ್ ನಾಸರ್ ಅವರು ಸೌದಿ ಅರೇಬಿಯಾದ ಸ್ಥಾಪಕ ರಾಜ ಅಬ್ದುಲ್ ಅಜೀಜ್ ಅವರ ಕಾಲದಿಂದ ಪ್ರಸ್ತುತ ಆಡಳಿತಗಾರ ರಾಜ ಸಲ್ಮಾನ್ ಬಿನ್ ಅಬ್ದುಲ್ ಅಜೀಜ್ ಅವರ ಆಳ್ವಿಕೆಯವರೆಗೆ ಬದುಕಿದ ಅಪರೂಪದ ವ್ಯಕ್ತಿ. ಮರುಭೂಮಿಯಲ್ಲಿದ್ದ ಸೌದಿ ಅರೇಬಿಯಾ ಆಧುನಿಕ ರಾಷ್ಟ್ರವಾಗಿ ರೂಪಾಂತರಗೊಳ್ಳುವ ಪ್ರತಿ ಹಂತವನ್ನೂ ಅವರು ಕಣ್ಣಾರೆ ಕಂಡಿದ್ದರು.
ಶೇಖ್ ನಾಸರ್ ಸರಳ ಹಾಗೂ ಧರ್ಮನಿಷ್ಠ ಜೀವನಶೈಲಿಗೆ ಹೆಸರಾದವರು. ಅವರು ತಮ್ಮ ಜೀವನದಲ್ಲಿ 40 ಬಾರಿ ಹಜ್ ಯಾತ್ರೆ ನೆರವೇರಿಸಿದ್ದರು. ಆಧ್ಯಾತ್ಮಿಕ ಭಕ್ತಿಯೇ ಅವರ ದೀರ್ಘಾಯುಷ್ಯಕ್ಕೆ ಪ್ರಮುಖ ಕಾರಣ ಎಂಬುದು ಅವರ ಕುಟುಂಬದವರ ಮತ್ತು ಸಮೀಪವರ ಅಭಿಪ್ರಾಯ.
https://www.newsics.com/2026/01/14/husband-strangles-wife-to-death-for-refusing-sex-for-8-years/
