newsics.com
ಇಸ್ಲಾಮಾಬಾದ್: ಪತ್ನಿಯ ಕನಸು ಈಡೇರಿಸಲು ಪತಿ ಬರೋಬ್ಬರಿ 76 ಲಕ್ಷ ರೂಪಾಯಿ ಖರ್ಚು ಮಾಡಿದ ಕತೆಯಿದು. ಆಕೆಯನ್ನು ಕೆನಡಾಗೆ ವಿದ್ಯಾರ್ಥಿ ವೀಸಾದಲ್ಲಿ ಕಳುಹಿಸಿದ್ದಾನೆ. ಆದರೆ ಆಕೆ ಕೆನಡಾ ತಲಪುತ್ತಿದ್ದಂತೆ ಪತಿಯ ಫೋನ್ ನಂಬರನ್ನೇ ಬ್ಲಾಕ್ ಮಾಡಿ ಸಂಪರ್ಕಕ್ಕೆ ಸಿಗುತ್ತಿಲ್ಲ. ಇದರಿಂದ ಪಾಕಿಸ್ತಾನದ ಪತಿ ಅಸ್ವಸ್ಥನಾಗಿದ್ದಾನೆ.
ಪಾಕಿಸ್ತಾನ ವ್ಯಕ್ತಿ ಇತ್ತೀಚೆಗೆ ಮದುವೆಯಾಗಿದ್ದಾನೆ. ಮದುವೆ ಮುನ್ನ ಮಾತುಕತೆಯಲ್ಲಿ ಆಕೆ ವಿದ್ಯಾಭ್ಯಾಸ ಮುಂದುವರಿಸುವ ಹಂಬಲ ವ್ಯಕ್ತಪಡಿಸಿದ್ದಾಳೆ. ಆದರೆ ಅಷ್ಟೊಂದು ಆರ್ಥಿಕ ಶಕ್ತಿ ತನ್ನ ಪೋಷಕರಿಗಿಲ್ಲ. ಹೀಗಾಗಿ ವಿದ್ಯಾಭ್ಯಾಸಕ್ಕೆ ಬ್ರೇಕ್ ಬಿದ್ದಿದೆ ಎಂದು ಹೇಳಿದ್ದಳು. ಈ ವೇಳೆ ಆಕೆಗೆ ಭರವಸೆ ನೀಡಿದ್ದ ವ್ಯಕ್ತಿ, ಮದುವೆಯಾದ ಬಳಿಕ ನಿನ್ನ ಕೆನಡಾ ವಿದ್ಯಾಭ್ಯಾಸ ಕನಸು ನನಸಾಗಿಸಲು ನೆರವಾಗುತ್ತೇನೆ ಎಂದು ಭರವಸೆ ನೀಡಿದ್ದ.
ಮದುವೆಯಾದ ಕೆಲ ತಿಂಗಳು ಕಳೆಯುತ್ತಿದ್ದಂತೆ ಪತ್ನಿ ವಿದ್ಯಾಭ್ಯಾಸದ ಕುರಿತು ಪ್ರಶ್ನಿಸಿದ್ದಾಳೆ. ಈ ಕುರಿತು ವಿಚಾರಿಸಿದಾಗ ಶುಲ್ಕ, ಖರ್ಚು ವೆಚ್ಚ, ವೀಸಾ ಸೇರಿದಂತೆ ಇತರ ಖರ್ಚುಗಳು ಸೇರಿ ಒಟ್ಟು 76 ಲಕ್ಷ ರೂಪಾಯಿ ಒಟ್ಟುಗೂಡಿಸಬೇಕಿತ್ತು.
ಈ ಕುರಿತು ಪತ್ನಿಗೆ ವಿವರಣೆ ನೀಡಿ ಕೆಲ ದಿನಗಳ ಸಮಯಾವಕಾಶ ಬೇಕಿದೆ. ದೊಡ್ಡ ಮೊತ್ತ ಸಂಗ್ರಹಿಸಬೇಕಿದೆ. ಶೀಘ್ರದಲ್ಲೇ ಹಣ ಸಂಗ್ರಹಿಸುತ್ತೇನೆ. ಸ್ವಲ್ಪ ಮೊತ್ತ ಸಾಲ ಪಡೆಯಬೇಕು ಎಂದು ತಿಳಿಸಿದ್ದಾನೆ.
ಸಾಲದ ಮೊತ್ತವೂ ಸಿಕ್ಕಿದೆ. ತನ್ನ ಎಲ್ಲಾ ಉಳಿತಾಯ ಹಣ ಒಗ್ಗೂಡಿಸಿ ಪತ್ನಿಗೆ ವಿದ್ಯಾರ್ಥಿ ವೀಸಾ ಅರ್ಜಿ ಹಾಕಿದ್ದಾನೆ. ವಿದ್ಯಾಬ್ಯಾಸದ ಶುಲ್ಕ ಸೇರಿದಂತೆ ಇತರ ಖರ್ಚು ವೆಚ್ಚಗಳನ್ನು ನೀಡಿದ್ದಾನೆ. ಭಾರವಾಸ ಮನಸ್ಸಿನಿಂದ ಪತ್ನಿಯನ್ನು ವಿಮಾನ ನಿಲ್ದಾಣದ ಮೂಲಕ ಕೆನಡಾಗೆ ಕಳುಹಿಸಿಕೊಟ್ಟಿದ್ದಾನೆ.
ಪತ್ನಿ ಕೆನಡಾ ವಿಮಾನ ನಿಲ್ದಾಣದಲ್ಲಿ ಇಳಿಯುತ್ತಿದ್ದಂತೆ ಪತಿಯ ನಂಬರನ್ನೇ ಬ್ಲಾಕ್ ಮಾಡಿದ್ದಾಳೆ. ಪತಿ ಕುಟುಂಬಸ್ಥರ ನಂಬರ್ ಕೂಡ ಬ್ಲಾಕ್ ಮಾಡಿದ್ದಾಳೆ. ಯಾರ ಸಂಪರ್ಕಕ್ಕೂ ಸಿಗುತ್ತಿಲ್ಲ. ಪತ್ನಿಯಿಂದ ಮೋಸ ಹೋದ ಪತಿ ಅಸ್ವಸ್ಥನಾಗಿದ್ದಾನೆ.
ಮುತ್ತತ್ತಿ ಬಳಿ ಕಾವೇರಿ ನದಿಯಲ್ಲಿ ಕೊಚ್ಚಿಹೋದ ಯುವಕ, ಪ್ರವಾಸಿಗರ ವಿಡಿಯೋದಲ್ಲಿ ಸೆರೆ
ಬಿಹಾರಿಗಳು ಇಷ್ಟು ಮುಂದುವರಿದಿದ್ದರೂ, ಬಿಹಾರವೇಕೆ ಹಿಂದುಳಿದಿದೆ? : ಚಿರಾಗ್ ಪಾಸ್ವಾನ್ ಪ್ರಶ್ನೆ
ಕೊರೋನಾದಿಂದ ಭಾರತೀಯರ ಆಯಸ್ಸು ಕಡಿತ ವರದಿಗೆ ಆರೋಗ್ಯ ಇಲಾಖೆ ಹೇಳಿದ್ದೇನು..?
