newsics.com
ಫ್ಯಾಷನ್ ಲೋಕವೇ ಹಾಗೆ. ಈಗ ಇದ್ದ ಫ್ಯಾಷನ್ ಸ್ವಲ್ಪ ಹೊತ್ತಿಗೆ ಮಾಯ. ಇಲ್ಲಿ ಯಾವುದೂ ದೀರ್ಘಕಾಲಿಕವಲ್ಲ.
ಈಗ ಸಿಂಪಲ್ಲಾಗಿರುವ ಪಿನ್ ಟಕ್ ಶೆರ್ವಾನಿ ಮೆನ್ಸ್ ಫ್ಯಾಷನ್ಗೆ ಲಗ್ಗೆ ಇಟ್ಟಿದ್ದು, ಈ ಜನರೇಷನ್ ಹುಡುಗರನ್ನು ಆಕರ್ಷಿಸಿದೆ. ಇತ್ತೀಚೆಗೆ ಈವೆಂಟ್ವೊಂದರಲ್ಲಿ ನಟ ಆದಿತ್ಯಾ ರಾಯ್ ಕಪೂರ್ ಧರಿಸಿದ್ದ, ಡಿಸೈನರ್ ಕುನಾಲ್ ರಾವಲ್ ಅವರು ಡಿಸೈನ್ ಮಾಡಿದ, ಸಾಲಿಡ್ ನೆವಿ ಬ್ಲ್ಯೂ ಕಲರ್ನ ಸಿಂಪಲ್ ಲುಕ್ ನೀಡುವ ಪಿನ್ ಟಕ್ ಶೆರ್ವಾನಿ, ಮೆನ್ಸ್ ಫ್ಯಾಷನ್ನಲ್ಲಿ ಸಖತ್ ಟ್ರೆಂಡಿಯಾಗಿದೆ. ಸೆಮಿ ಎಥ್ನಿಕ್ ಮೆನ್ಸ್ ಫ್ಯಾಷನ್ ಕೆಟಗರಿಗೆ ಸೇರಿದೆ.
ಅತಿ ಚಿಕ್ಕದಾಗಿ ಮಾಡಿದ ಪ್ಲೀಟಿಂಗ್ ಅಥವಾ ಕಣ್ಣಿಗೆ ಕಾಣಿಸದಂಥ ಮಿನಿ ಟಕ್ ಹಿಡಿದ ಡಿಸೈನೇ ಪಿನ್ ಟಕ್. ಪುಟ್ಟ ಪುಟ್ಟ ಪ್ಲೀಟ್ಸ್ ಇರುವ ಪಿನ್ ಟಕ್ ಮಾಡಿದ ಫ್ಯಾಬ್ರಿಕ್ನಲ್ಲಿ ಶೆರ್ವಾನಿ ಡಿಸೈನ್ ಮಾಡಿದಾಗ ಅದನ್ನು ಪಿನ್ ಟಕ್ ಶೆರ್ವಾನಿ ಎಂದು ಕರೆಯಲಾಗುತ್ತದೆ. ಇದು ನೋಡಲು ಸಾದಾ ಸಿಂಪಲ್ ಡಿಸೈನ್ನಂತೆ ಬಿಂಬಿಸುತ್ತದೆ. ಹೆಚ್ಚು ಗ್ರ್ಯಾಂಡ್ ಆಗಿ ಕಾಣಿಸುವುದಿಲ್ಲ. ಮಿರಮಿರ ಮಿನುಗುವ ಶೆರ್ವಾನಿಗಳನ್ನು ಇಷ್ಟಪಡದ ಪುರುಷರಿಗೆ ಇಂತಹ ಡಿಸೈನ್ ಹೆಚ್ಚು ಇಷ್ಟವಾಗಬಹುದು.
ನಟ ಆದಿತ್ಯಾ ರಾಯ್ ಕಪೂರ್ ಸಿಂಪಲ್ ಡಿಸೈನ್ ಇರುವಂತಹ ನೆವಿ ಬ್ಲ್ಯೂ ಸಾಲಿಡ್ ಶೇಡ್ನ ಪಿನ್ ಟಕ್ ಶೆರ್ವಾನಿಯಲ್ಲಿ ಕಾಣಿಸಿಕೊಂಡದ್ದೇ ತಡ, ಮೆನ್ಸ್ ಫ್ಯಾಷನ್ನಲ್ಲಿ ಅದರಲ್ಲೂ ಸೆಮಿ ಎಥ್ನಿಕ್ ಅಥವಾ ಎಥ್ನಿಕ್ ಫ್ಯಾಷನ್ವೇರ್ ಆದ ಶೆರ್ವಾನಿ ಕೆಟಗರಿಯಲ್ಲಿ ಇದು ಟಾಪ್ ಲಿಸ್ಟ್ನಲ್ಲಿದೆ.
ಯಾರಿಗೆ ಸೂಕ್ತ?:
– ಸ್ಲಿಮ್ ಹುಡುಗರಿಗೆ ಇದು ಹೇಳಿ ಮಾಡಿಸಿದ ಶೆರ್ವಾನಿ ಎನ್ನಬಹುದು. ಸ್ಕಿನ್ ಟೋನ್ಗೆ ಹೊಂದುವ ಕಲರ್ ಆಯ್ಕೆ ಮಾಡುವುದು ಉತ್ತಮ.
– ಹೆಚ್ಚು ಜ್ಯುವೆಲರಿ ಧರಿಸುವ ಅಗತ್ಯ ಇಲ್ಲ.
– ಆದಷ್ಟೂ ಸಾದಾ ಕಲರ್ಗಳು ಈ ಡಿಸೈನ್ನಲ್ಲಿ ಹೆಚ್ಚು ಆಕರ್ಷಕ. ಸಿಂಪಲ್ ಸ್ಟೈಲಿಂಗ್ ಸಾಕು.
– ಫಾರ್ಮಲ್ ಶೂಗಳು ಶೆರ್ವಾನಿಗೆ ಮ್ಯಾಚ್ ಆಗುತ್ತವೆ.
– ಇದಕ್ಕೆ ಧರಿಸುವ ಪ್ಯಾಂಟ್ ಕೂಡ ಫಿಟ್ ಆಗಿದ್ದರೆ ಚೆನ್ನ.
ಪುರುಷರನ್ನು ಬೈದು, ಅವಮಾನಿಸಿ ತಿಂಗಳಿಗೆ ಕೋಟಿ ಕೋಟಿ ಸಂಪಾದಿಸ್ತಾಳೆ ಈ ಮಹಿಳೆ!
