newsics.com | ನ್ಯೂಸಿಕ್ಸ್
ಸಿಹಿತಿಂಡಿ ಅಥವಾ ಆಹಾರ ಪದಾರ್ಥಗಳ ಸುಳಿವು ಸಿಕ್ಕರೆ ಸಾಕು, ಎಲ್ಲಿಂದಲೋ ಬಂದು ಶಿಸ್ತಿನ ಸಿಪಾಯಿಗಳಂತೆ ಸಾಲಾಗಿ ಸಾಗುವ ಇರುವೆಗಳನ್ನು ನಾವೆಲ್ಲರೂ ಪ್ರತಿದಿನ ನೋಡುತ್ತೇವೆ. ಕತ್ತಲಿರಲಿ ಅಥವಾ ಎಷ್ಟೇ ಅಡೆತಡೆಗಳಿರಲಿ, ಹಾದಿ ತಪ್ಪದೆ ಇವು ಒಂದರ ಬೆನ್ನಿಗೆ ಮತ್ತೊಂದರಂತೆ ಸಾಗುವ ಹಿಂದಿರುವ ವೈಜ್ಞಾನಿಕ ರಹಸ್ಯ ಇಲ್ಲಿದೆ.
ವಾಸ್ತವದಲ್ಲಿ ಈ ಜೀವಿಗಳಿಗೆ ಕಣ್ಣಿನ ದೃಷ್ಟಿ ಕನಿಷ್ಠ ಮಟ್ಟದಲ್ಲಿರುತ್ತದೆ. ಹೀಗಾಗಿ ಇವು ತಮ್ಮ ಸಂಚಾರಕ್ಕೆ ‘ಫೆರೋಮೋನ್ಸ್’ ಎನ್ನುವ ವಿಶಿಷ್ಟ ರಾಸಾಯನಿಕ ಸ್ರಾವವನ್ನು ಅವಲಂಬಿಸಿವೆ. ಮುಂಚೂಣಿಯಲ್ಲಿರುವ ಇರುವೆ ಗೂಡಿನಿಂದ ಹೊರಟಾಗ ನೆಲದ ಮೇಲೆ ಒಂದು ರೀತಿಯ ವಿಶಿಷ್ಟ ವಾಸನೆಯನ್ನು ಬಿಡುತ್ತಾ ಸಾಗುತ್ತದೆ.
ಹಿಂದಿರುವ ಇತರ ಇರುವೆಗಳು ತಮ್ಮ ಸ್ಪರ್ಶಕಗಳ (ಆಂಟೆನಾ) ಮೂಲಕ ಈ ವಾಸನೆಯ ಸಾಗುವಿಕೆಯನ್ನು ಗುರುತಿಸುತ್ತಾ, ಒಂದಕ್ಕೊಂದು ಸಂಪರ್ಕದಲ್ಲಿದ್ದುಕೊಂಡು ಒಂದೇ ಮಾರ್ಗದಲ್ಲಿ ಪ್ರಯಾಣಿಸುತ್ತವೆ. ತಂಡಕ್ಕೆ ಯಾವುದೇ ಅಪಾಯದ ಮುನ್ಸೂಚನೆ ಸಿಕ್ಕರೂ ಸಹ ಇದೇ ರಾಸಾಯನಿಕ ಸಂಕೇತಗಳ ಮೂಲಕ ಇಡೀ ಬಳಗವನ್ನು ಎಚ್ಚರಿಸುತ್ತವೆ.
