newsics.com
ನವದೆಹಲಿ: ಕಳೆದ ಕೆಲ ತಿಂಗಳಿನಿಂದ ಕಾರು ಮಾರಾಟದಲ್ಲಿ ಭಾರೀ ಇಳಿಕೆಯಾಗಿದೆ.
ಇದರ ಪರಿಣಾಮ ದೇಶಾದ್ಯಂತ ಕಾರು ಮಾರಾಟಗಾರರ ಬಳಿ 60,000 ಕೋಟಿ ರೂಪಾಯಿಗೂ ಹೆಚ್ಚಿನ ಮೌಲ್ಯದ ಕಾರು ಸಂಗ್ರಹ ಉಳಿದುಕೊಂಡಿದೆ ಎಂದು ವರದಿಗಳು ತಿಳಿಸಿವೆ.
ಕೋವಿಡ್-19ರ ನಂತರ ಕಾರು ಮತ್ತು ಎಸ್ಯುವಿ ವಾಹನಗಳ ಬೇಡಿಕೆ ವಿಪರೀತ ಏರಿಕೆ ಕಂಡಿತ್ತು. ಈ ಹಿನ್ನೆಲೆಯಲ್ಲಿ ಕಂಪನಿಗಳು ಕಾರುಗಳ ಉತ್ಪಾದನೆ ಹೆಚ್ಚಳ ಮಾಡಿದ್ದವು. ಕೆಲ ಕಾಲ ಬೇಡಿಕೆಯೂ ಉತ್ತಮವಾಗಿಯೇ ಇತ್ತು.
ಲೋಕಸಭಾ ಚುನಾವಣೆ ವೇಳೆ ಸ್ವಲ್ಪ ಇಳಿದಿದ್ದ ಮಾರಾಟ, ಫಲಿತಾಂಶದ ಬಳಿಕ ಏರಿಕೆಯಾಗುವ ನಿರೀಕ್ಷೆಯನ್ನು ಕಂಪನಿಗಳು ಹೊಂದಿದ್ದವು. ಆದರೆ ನಿರೀಕ್ಷಿತ ಪ್ರಮಾಣದಲ್ಲಿ ಮಾರಾಟವಾಗದ ಕಾರಣ ಇದೀಗ ಭಾರೀ ಪ್ರಮಾಣದ ಕಾರು ಹಾಗೆಯೇ ಉಳಿದುಕೊಂಡಿದೆ. ಈ ಸಂಗ್ರಹ 62 ರಿಂದ 67 ದಿನಗಳ ಮಾರಾಟದ ಬೇಡಿಕೆ ಪೂರೈಸುವಷ್ಟು ಇದೆ.
ಸಾಮಾನ್ಯವಾಗಿ ಮಾರುಕಟ್ಟೆಯಲ್ಲಿ ಮಾರಾಟಕ್ಕೆ ಸರಾಸರಿ 6 ರಿಂದ 6.5 ಲಕ್ಷ ವಾಹನಗಳ ಸಂಗ್ರಹ ಇರುತ್ತದೆ. ಹಾಲಿ ಈ ಸಂಗ್ರಹ ಮತ್ತಷ್ಟು ಹೆಚ್ಚಿದೆ. ಇವುಗಳ ಸರಾಸರಿ ಮೌಲ್ಯ 9.5 ಲಕ್ಷ ಎಂದಿಟ್ಟು ಕೊಂಡರೆ ಮಾರಾಟಕ್ಕೆ ಇರುವ ಕಾರುಗಳ ಮೌಲ್ಯ 60,000 ಕೋಟಿ ರೂ. ತಲುಪುತ್ತದೆ.
ಮಾರಾಟ ಹೆಚ್ಚಳಕ್ಕೆ ಕಂಪನಿಗಳು ದಾಖಲೆ ಪ್ರಮಾಣದ ಆಫರ್ ನೀಡಿದರೂ ಗ್ರಾಹಕರು ಬರುತ್ತಿಲ್ಲ ಎಂದು ಉತ್ಪಾದಕ ಕಂಪನಿಗಳು ಕಳವಳಗೊಂಡಿವೆ. ಜೂನ್ ತಿಂಗಳಲ್ಲಿ ಸಗಟು ಮಾರಾಟಗಾರರಿಗೆ 3.41 ಲಕ್ಷ ಕಾರುಗಳು ಪೂರೈಕೆಯಾಗಿದ್ದರೆ, ಮಾರಾಟವಾಗಿರುವುದು 2.81 ಲಕ್ಷ ಮಾತ್ರ.
ಮುಂಗಾರಿನ ಸಮಯವಲ್ಲದೆ ಮಾರುಕಟ್ಟೆಗೆ ಹೊಸ ಹೊಸ ಮಾದರಿ ಕಾರುಗಳ ಪ್ರವೇಶ, ಬ್ಯಾಂಕ್ಗಳು ಉತ್ತಮ ಸಿಬಿಲ್ ಅಂಕ ಹೊಂದಿರುವವರಿಗೆ ಮಾತ್ರವೇ ಸಾಲ ನೀಡುತ್ತಿರುವುದು, ಪ್ರಖರ ಬಿಸಿಲು ಕಾರು ಖರೀದಿ ಇಳಿಕೆಗೆ ಕಾರಣ ಎನ್ನಲಾಗಿದೆ.
ವಾಲ್ಮೀಕಿ ಅಭಿವೃದ್ಧಿ ನಿಗಮ ಹಗರಣ: ಶಾಸಕ ದದ್ದಲ್, ಮಾಜಿ ಸಚಿವ ನಾಗೇಂದ್ರ ಮನೆ ಸೇರಿ 18 ಕಡೆ ಇಡಿ ದಾಳಿ
ಡಬಲ್ ಡೆಕ್ಕರ್ ಬಸ್ಗೆ ಹಾಲಿನ ಟ್ಯಾಂಕರ್ ಡಿಕ್ಕಿ: 18 ಪ್ರಯಾಣಿಕರ ಸಾವು, 19 ಮಂದಿಗೆ ಗಾಯ
ಸಮ್ಮತ ಲೈಂಗಿಕ ಸಂಪರ್ಕಕ್ಕೆ ವಯಸ್ಸಿನ ಮಿತಿ ಏರಿಕೆ: ಜನರಿಗಿಲ್ಲ ಮಾಹಿತಿ- ಸುಪ್ರೀಂ ಕೋರ್ಟ್ ಹೇಳಿಕೆ
ಕುಶಾಲನಗರ ಹುಡುಗಿ ಹೆಸರಲ್ಲಿ ಸೆಕ್ಸ್ ಮಸಾಜ್ ವಂಚನೆ: ಸಕಲೇಶಪುರದ ಎಂಟು ಮಂದಿ ಬಂಧನ
NBK 109 ಶೂಟಿಂಗ್ ವೇಳೆ ನಟಿ ಊರ್ವಶಿ ರೌಟೇಲಾಗೆ ಗಾಯ, ಆಸ್ಪತ್ರೆಗೆ ದಾಖಲು
ಕ್ರೀಡೆ ಕಲಿಸುವ ನೆಪದಲ್ಲಿ ಹತ್ತಾರು ವಿದ್ಯಾರ್ಥಿನಿಯರಿಗೆ ಲೈಂಗಿಕ ದೌರ್ಜನ್ಯ: ಆರೋಪಿ ಯುವಕನ ಬಂಧನ
