newsics.com
ಬೆಂಗಳೂರು:ಆಟೋ ದರ ಹೆಚ್ಚಳ ಇದೀಗ ಬಹುತೇಕ ನಿರ್ಧಾರವಾಗಿದೆ. ಆಟೋ ದರ ಏರಿಕೆಯ ಕುರಿತು ಇಂದು ಜಿಲ್ಲಾಧಿಕಾರಿ ನೇತೃತ್ವದಲ್ಲಿ ವಿಶೇಷ RTA ಸಭೆ ನಡೆಯಿತು. ಈ ಸಭೆಯಲ್ಲಿ ಬೆಂಗಳೂರು RTO ಗಳು, RTA ಅಧಿಕಾರಿಗಳು ಹಾಗೂ ಬೆಂಗಳೂರು ಟ್ರಾಫಿಕ್ ಡಿಸಿಪಿ ಸೇರಿ ಹಲವಾರು ಉನ್ನತಾಧಿಕಾರಿಗಳು ಪಾಲ್ಗೊಂಡಿದ್ದರು.
ಜೂನ್ 12 ರಂದು ಆಟೋ ಚಾಲಕರ ಸಂಘಟನೆಗಳು ರಸ್ತೆಗಿಳಿದು ಪ್ರತಿಭಟನೆ ನಡೆಸಲು ತೀರ್ಮಾನಿಸಿದ್ದ ಹಿನ್ನೆಲೆಯಲ್ಲಿ, ಜಿಲ್ಲಾ ಆಡಳಿತ ತಕ್ಷಣವೇ ಕ್ರಮಕೈಗೊಂಡು ಸಭೆ ಕರೆದಿದೆ.
ಈಗಾಗಲೇ ಹಲವಾರು ಸಲ ಸಭೆಗಳನ್ನು ನಡೆಸಿ ಅಂತಿಮಮಟ್ಟಕ್ಕೆ ತಲುಪಿದ ದರ ಏರಿಕೆಯ ಪ್ರಸ್ತಾಪದಲ್ಲಿ, ಪ್ರಸ್ತುತ ಮೊದಲ 2 ಕಿ.ಮೀ ಪ್ರಯಾಣದ ಮಿನಿಮಮ್ ದರವನ್ನು ₹30 ರಿಂದ ₹35 ಗೆ ಏರಿಸುವ ಸಲಹೆಯನ್ನು RTA ನೀಡಿದ್ದು, ದರ ಏರಿಕೆ ಬಹುತೇಕ ಖಚಿತವಾಗಿದೆ.
ಆಟೋ ಚಾಲಕರ ಲಾಭ-ನಷ್ಟಗಳನ್ನು, ಇಂಧನದ ಬೆಲೆ ಹಾಗೂ ಜೀವನೋಪಾಯದ ಅಂಶಗಳನ್ನು ಗಮನದಲ್ಲಿಟ್ಟುಕೊಂಡು ಈ ನಿರ್ಧಾರ ಕೈಗೊಳ್ಳಲಾಗುತ್ತಿದೆ. ಆದರೆ, 2 ಕಿ.ಮೀ ನಂತರದ ಪ್ರತಿ ಕಿ.ಮೀ ಗೆ ಈಗಿರುವ ₹15 ದರದಲ್ಲಿ ಯಾವುದೇ ಬದಲಾವಣೆ ಮಾಡಬಾರದೆಂದು RTA ಸೂಚನೆ ನೀಡಿದೆ.
Ram temple ಇಂದು ರಾಮಮಂದಿರದ ಸ್ವರ್ಣಗೋಪುರ ಉದ್ಘಾಟನೆ; ವೈರಲ್ ವಿಡಿಯೋ ನೋಡಿ
