newsics.com
ಇತ್ತೀಚೆಗಷ್ಟೆ ರಾಬಿನ್ಹುಡ್ ಸಿನಿಮಾದ ಐಟಂ ಹಾಡನ್ನು ಯೂಟ್ಯೂಬ್ನಲ್ಲಿ ಬಿಡುಗಡೆ ಮಾಡಲಾಯ್ತು. ಈ ಸಿನಿಮಾದ ಐಟಂ ಹಾಡಿನಲ್ಲಿ ನಟಿ ಕೇತಿಕಾ ಶರ್ಮಾ ಡ್ಯಾನ್ಸ್ ಮಾಡಿದ್ದಾರೆ.
ಸಿನಿಮಾದ ಹಾಡು ಮತ್ತು ಕೇತಿಕಾ ಶರ್ಮಾರ ಡ್ಯಾನ್ಸ್ ಸಖತ್ ವೈರಲ್ ಆಗಿದ್ದವು. ಇದೀಗ ಈ ಹಾಡಿನ ವಿರುದ್ಧ ಮಹಿಳಾ ಆಯೋಗವೂ ಸಹ ಗರಂ ಆಗಿದೆ.
ಕೆಲ ದಿನದ ಹಿಂದೆ ಬಿಡುಗಡೆ ಆದ ಹಾಡಿನಲ್ಲಿ ನಟಿ ಕೇತಿಕಾ ಶರ್ಮಾ, ಮೈಗೆಲ್ಲ ಎಣ್ಣೆ ಬಳಿದುಕೊಂಡು ಕೊರಳಿನ ಸುತ್ತ ಹಲವು ಸುತ್ತು ಮಲ್ಲಿಗೆ ಸುತ್ತಿಕೊಂಡು ಲಂಗವೊಂದನ್ನು ಧರಿಸಿ ಡ್ಯಾನ್ಸ್ ಮಾಡುತ್ತಿದ್ದಾರೆ. ಹಾಡಿನಲ್ಲಿ ‘ಅದಿ ದಾ ಸರ್ಪ್ರೈಜು’ ಎಂಬ ಸಾಲು ಬಂದಾಗ ನಟಿ ಕೇತಿಕಾ ಶರ್ಮಾ ಹಾಕಿರುವ ಹುಕ್ ಸ್ಟೆಪ್ಪು ಇದೀಗ ವಿವಾದಕ್ಕೆ ಕಾರಣವಾಗಿದೆ. ಹಾಡಿನ ಸಾಲು ಹಾಗೂ ಅದಕ್ಕೆ ಹಾಕಿರುವ ಸ್ಟೆಪ್ಪು ಒಟ್ಟಿಗೆ ನೋಡಿದಾಗ ಡಬಲ್ ಮೀನಿಂಗ್ ಅರ್ಥ ಬರಲೆಂದೇ ಉದ್ದೇಶಪೂರ್ವಕವಾಗಿ ಕಂಪೋಸ್ ಮಾಡಿರುವ ಡ್ಯಾನ್ಸ್ ಸ್ಟೆಪ್ಪು ಇದೆಂಬುದು ಅರ್ಥವಾಗುತ್ತದೆ. ಡ್ಯಾನ್ಸ್ ಸ್ಟೆಪ್ಪು ಅಶ್ಲೀಲ ಅರ್ಥವನ್ನು ಹೊಮ್ಮಿಸುತ್ತಿದೆ.
‘ಅದಿ ದಾ ಸರ್ಪ್ರೈಜು’ ಹಾಡಿನ ವಿರುದ್ಧ ಸಾಮಾಜಿಕ ಜಾಲತಾಣದಲ್ಲಿ ಹಲವರು ಧ್ವನಿ ಎತ್ತಿದ್ದಾರೆ. ಇದೀಗ ತೆಲಂಗಾಣ ಮಹಿಳಾ ಆಯೋಗವು ಚಿತ್ರತಂಡಕ್ಕೆ ಮತ್ತು ಇಡೀ ತೆಲುಗು ಚಿತ್ರೋದ್ಯಮಕ್ಕೆ ಎಚ್ಚರಿಕೆ ನೀಡಿದ್ದು, ಐಟಂ ಸಾಂಗ್ ಹೆಸರಲ್ಲಿ ಅಶ್ಲೀಲ ನೃತ್ಯ ಮಾಡುವುದು, ಮಹಿಳೆಯನ್ನು ಭೋಗದ ವಸ್ತುವಾಗಿ ತೋರಿಸುವುದು, ಅತಿಯಾದ ಗ್ಲಾಮರ್ ಪ್ರದರ್ಶನ, ಮಹಿಳೆಯನ್ನು ಆಬ್ಜೆಕ್ಟಿಫೈ ಮಾಡುವ ರೀತಿ ತೋರಿಸುವುದು ಮಾಡಿದರೆ ದೂರು ದಾಖಲಿಸಿಕೊಳ್ಳುವುದಾಗಿ ಎಚ್ಚರಿಕೆ ನೀಡಿದೆ.
ಕನ್ನಡತಿ ಶ್ರೀಲೀಲಾ, ನಟ ನಿತಿನ್ ನಟನೆಯ ತೆಲುಗು ಸಿನಿಮಾ ‘ರಾಬಿನ್ಹುಡ್’ ಇದೇ ಮಾರ್ಚ್ 28ಕ್ಕೆ ಬಿಡುಗಡೆ ಆಗಲಿದೆ. ಸಿನಿಮಾದ ಪ್ರಚಾರ ಜೋರಾಗಿ ನಡೆಯುತ್ತಿದೆ.
https://youtu.be/_aZRBcifsWc?si=wtSNcsWX6fTVLOn9
Jacqueline Fernandez ಪಡ್ಡೆ ಹುಡುಗರ ನಿದ್ದೆಗೆಡಿಸಿದ ಬಾಲಿವುಡ್ ನಟಿ ಜಾಕ್ವೆಲಿನ್
