newsics.com
ಕೇವಲ 4 ಗಂಟೆಯಲ್ಲಿ ಶೇ.90 ಗಾಯ ವಾಸಿ ಮಾಡುವ ಹೈಡ್ರೋಜೆಲ್ನ್ನು ವಿಜ್ಞಾನಿಗಳು ಅಭಿವೃದ್ಧಿಪಡಿಸಿದ್ದಾರೆ.
ವಿಜ್ಞಾನಿಗಳು ಚರ್ಮದಂತಹ ಹೈಡ್ರೋಜೆಲ್ ರಚಿಸಿದ್ದಾರೆ. ಇದು 4 ಗಂಟೆಗಳಲ್ಲಿ 90% ಗಾಯಗಳನ್ನು ಗುಣಪಡಿಸುತ್ತದೆ. 24 ಗಂಟೆಯಲ್ಲಿ ಸಂಪೂರ್ಣವಾಗಿ ಗಾಯ ಗುಣಪಡಿಸುವ ಜೆಲ್ ಇದಾಗಿದೆ.
ಆಲ್ಟೊ ವಿಶ್ವವಿದ್ಯಾಲಯ ಮತ್ತು ಬೇರೂತ್ ವಿಶ್ವವಿದ್ಯಾಲಯದ ಸಂಶೋಧಕರು ಮಾನವ ಚರ್ಮದ ಗುಣಗಳನ್ನು ಅನುಕರಿಸುವ ಕ್ರಾಂತಿಕಾರಿ ಸ್ವಯಂ-ಗುಣಪಡಿಸುವ ಹೈಡ್ರೋಜೆಲ್ ಅಭಿವೃದ್ಧಿಪಡಿಸಿದ್ದಾರೆ.
ಈ ಹೊಸ ಜೆಲ್ ಕೇವಲ ನಾಲ್ಕು ಗಂಟೆಗಳಲ್ಲಿ 90% ವರೆಗೆ ತನ್ನನ್ನು ತಾನೇ ಸರಿಪಡಿಸಿಕೊಳ್ಳಬಹುದು. 24 ಗಂಟೆಗಳಲ್ಲಿ ಸಂಪೂರ್ಣವಾಗಿ ಗಾಯ ವಾಸಿ ಮಾಡಬಹುದು. ಇದು ಗಾಯದ ಆರೈಕೆ, ಪುನರುತ್ಪಾದಕ ಔಷಧ ಮತ್ತು ಕೃತಕ ಚರ್ಮದ ತಂತ್ರಜ್ಞಾನಗಳಿಗೆ ಹೊಸ ಸಾಮರ್ಥ್ಯವನ್ನು ನೀಡುತ್ತದೆ ಎನ್ನಲಾಗಿದೆ.
ಈ ಕ್ರಾಂತಿಕಾರಕ ಆವಿಷ್ಕಾರದ ಬಗ್ಗೆ ಮಾರ್ಚ್ 7ರಂದು ಪ್ರತಿಷ್ಠಿತ ಜರ್ನಲ್ ನೇಚರ್ ಮೆಟೀರಿಯಲ್ಸ್ ನಲ್ಲಿ ಪ್ರಕಟಿಸಲಾಗಿದೆ. ಸಂಶೋಧಕರು ಅತಿ ತೆಳುವಾದ, ದೊಡ್ಡ ನ್ಯಾನೊಶೀಟ್ಗಳನ್ನು ಸೇರಿಸುವ ಮೂಲಕ ಹೈಡ್ರೋಜೆಲ್ ವರ್ಧಿಸಿದ್ದಾರೆ. ಹೈಡ್ರೋಜೆಲ್ಗಳು ಸಾಮಾನ್ಯವಾಗಿ ಮೃದು ಮತ್ತು ಮೆತ್ತಗಿರುತ್ತವೆ. ಆದರೆ ಈ ಹೊಸ ಜೆಲ್ ನ್ಯಾನೊಶೀಟ್ಗಳ ನಡುವೆ ದಟ್ಟವಾಗಿ ಸಿಕ್ಕಿಹಾಕಿಕೊಂಡ ಪಾಲಿಮರ್ಗಳೊಂದಿಗೆ ಹೆಚ್ಚು ಸಂಘಟಿತ ರಚನೆಯನ್ನು ರೂಪಿಸುತ್ತದೆ. ಇದು ಹೈಡ್ರೋಜೆಲ್ ಅನ್ನು ಬಲಪಡಿಸುವುದಲ್ಲದೆ, ಗಾಯ ಗುಣವಾಗಲು ಅನುವು ಮಾಡಿಕೊಡುತ್ತದೆ.
ಸುಟ್ಟ ಗಾಯಗಳಿಗೆ ಒಳಗಾದವರು, ಶಸ್ತ್ರಚಿಕಿತ್ಸಾ ರೋಗಿಗಳು ಮತ್ತು ದೀರ್ಘಕಾಲದ ಗಾಯಗಳನ್ನು ಹೊಂದಿರುವವರಿಗೆ ವೇಗವಾಗಿ ಚೇತರಿಸಿಕೊಳ್ಳುವ ಭರವಸೆಯನ್ನು ಈ ಜೆಲ್ ನೀಡುತ್ತದೆ ಎಂದು ಹೇಳಲಾಗಿದೆ.
Lexi Love ದುಡ್ಡು ಕೊಟ್ರೆ ನಿಮ್ಮನ್ನು ಖುಷಿಪಡಿಸೋಕೆ ಏನ್ ಬೇಕಾದ್ರೂ ಮಾಡ್ತಾಳೆ ಈ ನೀಲಿ ಕಂಗಳ ಚೆಲುವೆ!
mobile is secret manager! ಮೊಬೈಲ್ ನಿಮ್ಮ ಸೀಕ್ರೆಟ್ ಮ್ಯಾನೇಜರ್! ನಿಮಗೆ ಮೋಸ ಮಾಡೋದನ್ನು ತಡೆಯಲು ಹೀಗೆ ಮಾಡಿ…
