newsics.com
ಬೆಂಗಳೂರು: ಬೆನ್ನು ನೋವಿನಿಂದ ಬಳಲುತ್ತಿರುವ ನಟ ದರ್ಶನ್ ಇದೀಗ ಬೆಂಗಳೂರಿನ ಕೆಂಗೇರೊಯ ಬಿಜಿಎಸ್ ಆಸ್ಪತ್ರೆಗೆ (BGS Hospital) ದಾಖಲಾಗಿದ್ದಾರೆ. ನುರಿತ ವೈದ್ಯರ ತಂಡ ನಟ ದರ್ಶನ್ಗೆ ಚಿಕಿತ್ಸೆ ನೀಡುತ್ತಿದೆ.
ಶುಕ್ರವಾರ ಸಂಜೆ ನಟ ದರ್ಶನ್ ಅವರನ್ನು ಬಿಜಿಎಸ್ ಆಸ್ಪತ್ರೆಗೆ ಕರೆದುಕೊಂಡು ಹೋಗಲಾಯ್ತು. ಪ್ರಾಥಮಿಕ ತಪಾಸಣೆ ಮುಗಿದ ಬಳಿಕ ಆಸ್ಪತ್ರೆ ಕಟ್ಟಡದ ನಾಲ್ಕನೇ ಫ್ಲೋರ್ನಲ್ಲಿರುವ ವಿಐಪಿ ಸೂಟ್ಗೆ ನಟ ದರ್ಶನ್ ಅವರನ್ನು ಶಿಫ್ಟ್ ಮಾಡಲಾಗಿದೆ.
ದರ್ಶನ್ ಇರುವ ಸ್ಪೆಷಲ್ ವಾರ್ಡ್ ಒಂದು ಮನೆಯಂತಿದೆ. ಒಂದು ಹಾಲ್, ವಿಶಾಲವಾದ ರೂಮ್ ಹಾಗೂ ಸಣ್ಣ ಕಿಚನ್ ಕೂಡ ಇದೆ. ಅಂದಾಜು 750 ಚದರ ಅಡಿಯಷ್ಟು ವಿಶಾಲವಾದ ವಿಐಪಿ ಸೂಟ್ ರೂಮ್ ಐಷಾರಾಮಿ ವ್ಯವಸ್ಥೆ ಹೊಂದಿದೆ.
ಇಡೀ ಮಹಡಿಯಲ್ಲಿ ಇದೇ ರೀತಿಯ ಐದು ಸೂಟ್ ರೂಮ್ ಇದೆ. ಈ ಪೈಕಿ ನಟ ದರ್ಶನ್ ಆಯ್ದು ಕೊಂಡಿರುವ ಸೂಟ್ ರೂಮ್ ಬಹಳ ವಿಶೇಷವಾಗಿದ್ದು, ಅನೇಕ ಗಣ್ಯರು ಕೂಡ ಇದೇ ಸೂಟ್ ರೂಮ್ನಲ್ಲೇ ಚಿಕಿತ್ಸೆ ಪಡೆದಿದ್ರು. ಪ್ರೈವೆಸಿ ಸಿಗೋ ಕಾರಣಕ್ಕೆ ನಟ ದರ್ಶನ್ ಇದೇ ರೂಮ್ ಆಯ್ದುಕೊಂಡಿದ್ದಾರೆ ಎನ್ನಲಾಗ್ತಿದೆ.
ಮಾಧ್ಯಮಗಳ ಜತೆ ಮಾತನಾಡಿದ ನ್ಯೂರೋ ಸರ್ಜನ್ ನವೀನ್ ಅಪ್ಪಾಜಿ ಗೌಡ, ಬೆನ್ನು ನೋವು ಹೆಚ್ಚಾಗಿದೆ ಎಂದು ನಟ ದರ್ಶನ್ ಅಡ್ಮಿಟ್ ಆಗಿದ್ದಾರೆ. ಬೆನ್ನು ನೋವಿನ ಜತೆಗೆ ನಟ ದರ್ಶನ್ ಅವರಿಗೆ ಎಡಗಾಲಿನ ನೋವು ತುಸು ಹೆಚ್ಚಾಗಿಯೇ ಇದೆ.
ದರ್ಶನ್ ಅವರಿಗೆ ಎಲ್ಲಾ ರೀತಿಯ ಟೆಸ್ಟ್ ಮಾಡಬೇಕಿದೆ. ಸದ್ಯ ಎಡಗಾಲು ತುಂಬಾ ನೋವು ಅಂತಿದ್ದಾರೆ. ಬೆನ್ನು ನೋವಿನ ಕುರಿತು ಕೆಲ ಟೆಸ್ಟ್ಗಳನ್ನು ಮಾಡಲಾಗಿದೆ. ಟೆಸ್ಟ್ನ ವರದಿ 48 ಗಂಟೆಗಳಲ್ಲಿ ಸಿಗಲಿದೆ ಎಂದು ವೈದ್ಯರು ಹೇಳಿದ್ದಾರೆ. ಅಲ್ಲದೆ, ದರ್ಶನ್ ಎಡಗಾಲಿನ ಸ್ವರ್ಶ ಕಡಿಮೆಯಾಗಿದೆ ಎಂಬ ಶಾಕಿಂಗ್ ಹೇಳಿಕೆ ನೀಡಿದ್ದಾರೆ.
ದರ್ಶನ್ ಕಾಲಿನಲ್ಲಿ ವೀಕ್ನೆನ್ಸ್ ಇದ್ದು, ಎಡಗಡೆ ಕಾಲು ಬಹಳ ವೀಕ್ ಆಗಿದೆ ಎಂದು ವೈದ್ಯರು ಹೇಳಿದ್ದಾರೆ. ಎಕ್ಸ್ ರೇ, ರಕ್ತ ಪರೀಕ್ಷೆ, MRIಗಳನ್ನು ಮಾಡಲಾಗುತ್ತದೆ. ಕಳೆದ ವಾರ ನಡೆದಿರುವ ಯಾವುದೇ ಪರೀಕ್ಷೆಗಳ ರಿಪೋರ್ಟ್ ನಮಗೆ ಸಿಕ್ಕಿಲ್ಲ. ದರ್ಶನ್ಗೆ ಎಡಗಾಲಿನ ಸ್ಪರ್ಷದ ಸೆನ್ಸ್ ಕಡಿಮೆಯಾಗಿದೆ. ಶಸ್ತ್ರಚಿಕಿತ್ಸೆಯ ಅಗತ್ಯವಿದ್ಯಾ ಅಥವಾ ಫಿಜಿಯೋಥೆರಪಿಯಲ್ಲೇ ಗುಣವಾಗತ್ತಾ ಎನ್ನುವುದನ್ನು ವರದಿ ಬಂದ ಬಳಿಕ ತಿಳಿಸುವುದಾಗಿ ವೈದ್ಯರು ಹೇಳಿದ್ದಾರೆ. ದರ್ಶನ್ ಅವರಿಗೆ ನೋವು ಹೆಚ್ಚಿರೋದ್ರಿಂದ ನೋವು ಕಡಿಮೆ ಮಾಡಲು ಔಷಧ ನೀಡಲಾಗಿದೆ.
