newsics.com/ನ್ಯೂಸಿಕ್ಸ್
ಮಧ್ಯಪ್ರಾಚ್ಯದಲ್ಲಿ ಸಂಭವಿಸಿದ ಯುದ್ಧದ ಹಿನ್ನೆಲೆಯಲ್ಲಿ ದಿನಕ್ಕೊಂದು ಉತ್ಪನ್ನಗಳ ಬೆಲೆಯಲ್ಲಿ ಏರಿಕೆ ಕಂಡುಬರುತ್ತಲೇ ಇದೆ.ಮುಂಬರುವ ದಿನಗಳಲ್ಲಿ ಹೋಟೆಲ್ ತಿಂಡಿ ತಿನಿಸುಗಳು ಮತ್ತು ಕಾಫಿ-ಟೀ ದರಗಳು ದುಬಾರಿಯಾಗುವುದು ಬಹುತೇಕ ಅನಿವಾರ್ಯವಾಗಿದೆ ಎಂದು ಹೋಟೆಲ್ ಮಾಲೀಕರ ಸಂಘದ ಅಧ್ಯಕ್ಷರು ಆತಂಕ ವ್ಯಕ್ತಪಡಿಸಿದ್ದಾರೆ.
ಹೋಟೆಲ್ಗಳಲ್ಲಿ ಬಳಸಲಾಗುವ ಕಮರ್ಷಿಯಲ್ ಸಿಲಿಂಡರ್ ಬೆಲೆಗಳು ನಿರಂತರವಾಗಿ ಹೆಚ್ಚುತ್ತಿರುವುದರಿಂದ, ಹೋಟೆಲ್ ನಿರ್ವಹಣಾ ವೆಚ್ಚದಲ್ಲಿ ಶೇ. 60 ರಷ್ಟು ಭಾರೀ ಏರಿಕೆಯಾಗಿದೆ. ಇದರಿಂದಾಗಿ ಹೋಟೆಲ್ ಉದ್ಯಮ ನಡೆಸುವುದೇ ಕಷ್ಟಕರವಾಗುತ್ತಿದೆ ಎಂದು ಮಾಲೀಕರು ಅಳಲು ತೋಡಿಕೊಂಡಿದ್ದಾರೆ.
ಮೂಲಗಳ ಪ್ರಕಾರ, ಸದ್ಯದಲ್ಲೇ ನಿತ್ಯದ ತಿಂಡಿಗಳ ಬೆಲೆ 60 ರೂ. ನಿಂದ 90 ರೂ. ವರೆಗೂ, ಹಾಗೂ ಊಟದ ದರಗಳು 150 ರೂ. ವರೆಗೂ ಹೆಚ್ಚಾಗುವ ಅಂದಾಜಿದೆ.ಒಂದು ಸಾಮಾನ್ಯ ಹೋಟೆಲ್ಗೆ ತಿಂಗಳಿಗೆ ಸರಾಸರಿ 23,000 ರೂ. ನಷ್ಟು ಗ್ಯಾಸ್ ಬಿಲ್ ಬರುತ್ತಿದ್ದರೆ, ಪ್ರಸ್ತುತ ಜಿಎಸ್ಟಿ ಮತ್ತು ಇತರೆ ಹೆಚ್ಚುವರಿ ಶುಲ್ಕಗಳು ಸೇರಿ ಅದು ಬರೋಬ್ಬರಿ 35,000 ರೂ. ದಾಟುತ್ತಿದೆ.ಕೇವಲ ಗ್ಯಾಸ್ ಮಾತ್ರವಲ್ಲದೆ, ದಿನಸಿ ಸಾಮಗ್ರಿಗಳಾದ ಬೇಳೆಕಾಳುಗಳು, ಅಡುಗೆ ಎಣ್ಣೆ, ತರಕಾರಿ ಮತ್ತು ಹಾಲಿನ ದರಗಳೂ ಸಹ ಗಗನಕ್ಕೇರಿವೆ.
ಮಾತ್ರವಲ್ಲದೇ ಪೆಟ್ರೋಲ್, ಡೀಸೆಲ್ಗಳ ದರ ಏರಿಕೆಯಿಂದಾಗಿ ನಿರ್ವಹಣಾ ವೆಚ್ಚ ಕೂಡ ಅಧಿಕವಾಗಿದೆ. ಇತ್ತ ತರಕಾರಿ,ಅಡುಗೆ ಎಣ್ಣೆ , ಹಾಲಿನ ದರಗಳೂ ಗಗನಕ್ಕೇರಿದ್ದು, ಇಂತಹ ಪರಿಸ್ಥಿತಿಯಲ್ಲಿ ಬೆಲೆ ಏರಿಕೆ ಮಾಡದೇ ನಮಗೆ ಬೇರೆ ವಿಧಿಯಿಲ್ಲ ಎಂದು ಹೋಟೆಲ್ ಮಾಲೀಕರ ಸಂಘ ಹೇಳಿದೆ.
Electricity Distribution ಕರ್ನಾಟಕ ವಿದ್ಯುತ್ ವಿತರಣೆ ಖಾಸಗಿ ಪಾಲಾಗುತ್ತಾ? ನೌಕರರ ವಿರೋಧವೇಕೆ?
