newsics.com
ಈ ದಿನಗಳಲ್ಲಿ ಕಿಡ್ನಿ ಸಂಬಂಧಿತ ಕಾಯಿಲೆಗಳಲ್ಲಿ ಸಾಕಷ್ಟು ಹೆಚ್ಚಳವಾಗಿದೆ. ಇದು ಭಾರತದಲ್ಲಿ ಮಾತ್ರವಲ್ಲದೆ ಇಡೀ ಜಗತ್ತಿಗೆ ಬಹಳ ಸಾಮಾನ್ಯವಾದ ಕಾಯಿಲೆಯಾಗಿದೆ. ಆದರೆ ಹೃದಯಾಘಾತ ಮತ್ತು ಪಾರ್ಶ್ವವಾಯು ತಡೆಯಲು ವೈದ್ಯರು ಹೆಚ್ಚಾಗಿ ಶಿಫಾರಸು ಮಾಡುವ ಈ ಸ್ಟ್ಯಾಟಿನ್ ಔಷಧಿ ಮೂತ್ರಪಿಂಡಗಳ ಮೇಲೆ ಕೆಟ್ಟ ಪರಿಣಾಮ ಬೀರುತ್ತಿರಬಹುದು ಎಂದು ಈ ಸಂಶೋಧನೆ ಎಚ್ಚರಿಸಿದೆ.
ಅಮೆರಿಕದ ಪ್ರತಿಷ್ಠಿತ ಜಾನ್ಸ್ ಹಾಪ್ಕಿನ್ಸ್ ವಿಶ್ವವಿದ್ಯಾಲಯದ ಸಂಶೋಧಕರು ನಡೆಸಿರುವ ಇತ್ತೀಚಿನ ಅಧ್ಯಯನವು ಈ ಔಷಧಿಯ ಬಗ್ಗೆ ಸ್ಪೋಟಕ ಮಾಹಿತಿ ಹೊರಬಿದ್ದಿದೆ.
ವರ್ಷಗಳ ಹಿಂದೆ ಅಮೆರಿಕದ ಎಫ್ಡಿಎ (FDA) ಈ ಔಷಧಿಗೆ ಅನುಮೋದನೆ ನೀಡಿದಾಗಲೇ, ಕೆಲವು ರೋಗಿಗಳ ಮೂತ್ರದಲ್ಲಿ ರಕ್ತ ಮತ್ತು ಪ್ರೊಟೀನ್ ಅಂಶಗಳು ಕಂಡುಬಂದಿದ್ದವು. ಇದು ಕಿಡ್ನಿ ಸಮಸ್ಯೆಯ ಆರಂಭಿಕ ಲಕ್ಷಣವಾಗಿದೆ. ಈಗ ಸಂಶೋಧಕರು ಸುಮಾರು 9 ಲಕ್ಷ ಜನರ ಆರೋಗ್ಯದ ಅಂಕಿಅಂಶಗಳನ್ನು ವಿಶ್ಲೇಷಿಸಿ ಈ ಸತ್ಯವನ್ನು ಬಯಲಿಗೆಳೆದಿದ್ದಾರೆ.
ಸಂಶೋಧಕರು ‘ರೋಸುವಾಸ್ಟಾಟಿನ್’ ಅನ್ನು ಮತ್ತೊಂದು ಪ್ರಸಿದ್ಧ ಔಷಧಿಯಾದ ‘ಅಟೊರ್ವಾಸ್ಟಾಟಿನ್’ (Atorvastatin) ಜೊತೆಗೆ ಹೋಲಿಸಿ ಅಧ್ಯಯನ ನಡೆಸಿದ್ದಾರೆ. ಸುಮಾರು ಮೂರು ವರ್ಷಗಳ ಕಾಲ ನಡೆದ ಈ ಅಧ್ಯಯನದಲ್ಲಿ ಈ ಕೆಳಗಿನ ಅಂಶಗಳು ಸಾಬೀತಾಗಿವೆ
ಮೂತ್ರದಲ್ಲಿ ರಕ್ತ : ರೋಸುವಾಸ್ಟಾಟಿನ್ ಸೇವಿಸುವವರಲ್ಲಿ ಇದರ ಅಪಾಯ ಶೇ. 8 ರಷ್ಟು ಹೆಚ್ಚಿದೆ.
ಮೂತ್ರದಲ್ಲಿ ಪ್ರೊಟೀನ್ (Proteinuria): ಇದರ ಅಪಾಯ ಶೇ. 17 ರಷ್ಟು ಹೆಚ್ಚಾಗಿ ಕಂಡುಬಂದಿದೆ.
ಈ ಔಷಧಿಯ ಹೆಚ್ಚಿನ ಡೋಸೇಜ್ ತೆಗೆದುಕೊಳ್ಳುವವರಲ್ಲಿ ಕಿಡ್ನಿ ವೈಫಲ್ಯದ ಅಪಾಯ ಶೇ. 15 ರಷ್ಟು ಹೆಚ್ಚಿದೆ. ಅಂತಹ ಸಂದರ್ಭಗಳಲ್ಲಿ ರೋಗಿಗೆ ಡಯಾಲಿಸಿಸ್ ಅಥವಾ ಕಿಡ್ನಿ ಕಸಿ ಮಾಡುವ ಪರಿಸ್ಥಿತಿ ಬರಬಹುದು.
ಹಾಗಾಗಿ ಕಿಡ್ನಿ ಸಮಸ್ಯೆ ಇರುವ ರೋಗಿಗಳಿಗೆ ರೋಸುವಾಸ್ಟಾಟಿನ್ ಹೆಚ್ಚಿನ ಪ್ರಮಾಣದಲ್ಲಿ ನೀಡುವುದು ಅಪಾಯಕಾರಿ ಎಂದು ಸಂಶೋಧನೆ ಹೇಳಿದೆ.
