Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಡಾ. ಬ್ರೋ ಅವರ ಸ್ಪೆಷಾಲಿಟಿ ಅಂದ್ರೆ ಅವರ ಸಿಂಪಲ್ ಮಾತುಕತೆ. ಈಗಾಗಲೇ 30ಕ್ಕೂ ಹೆಚ್ಚು ದೇಶಗಳನ್ನ ಸುತ್ತಿ, ಅಲ್ಲಿನ ಮೂಲೆ ಮೂಲೆಗಳನ್ನ ನಮಗೆ ಪರಿಚಯಿಸಿದ್ದಾರೆ. ಹಳ್ಳಿಗಳಿಂದ ಸಿಟಿವರೆಗೂ ಇವರಿಗೆ ಫ್ಯಾನ್ಸ್ ಇದ್ದಾರೆ. ಬರೀ ವಿಡಿಯೋ ಮಾಡಿ ವ್ಯೂಸ್ ಗಿಟ್ಟಿಸಿಕೊಳ್ಳೋದ್ರ ಜೊತೆಗೆ, ಅದನ್ನೇ ಒಂದು ದೊಡ್ಡ ಬ್ಯುಸಿನೆಸ್ ಆಗಿ ಪರಿವರ್ತನೆ ಮಾಡಿರೋದು ಇವರ ಬುದ್ಧಿವಂತಿಕೆ.
ಇವರು ಸುಮ್ಮನೆ ವಿಡಿಯೋ ಮಾಡಿ ದುಡ್ಡು ಎಣಿಸ್ತಾ ಕೂರಲಿಲ್ಲ. ತಮ್ಮದೇ ಆದ ‘ಗೋ ಪ್ರವಾಸ’ ಅನ್ನೋ ಟ್ರಾವೆಲ್ ಕಂಪನಿ ಶುರು ಮಾಡಿದ್ರು. ಕಳೆದ ಎರಡು ವರ್ಷದಲ್ಲಿ ಬರೋಬ್ಬರಿ 3,000ಕ್ಕೂ ಹೆಚ್ಚು ಜನರಿಗೆ ದೇಶ-ವಿದೇಶ ಸುತ್ತಿಸಿದ್ದಾರೆ. ಸಿಕ್ಕಿರೋ ಮಾಹಿತಿ ಪ್ರಕಾರ, 2025ರ ಸಾಲಿನಲ್ಲಿ ಈ ಕಂಪನಿಯ ಆದಾಯ ಬರೋಬ್ಬರಿ 10 ಕೋಟಿ ರೂಪಾಯಿ ಎನ್ನಲಾಗಿದೆ.
ಈಗ ಅಸಲಿ ವಿಷ್ಯಕ್ಕೆ ಬರೋಣ. 2025ರಲ್ಲಿ ಡಾ. ಬ್ರೋ ಒಟ್ಟು ಗಳಿಕೆ ಎಷ್ಟಿರಬಹುದು? ಒಂದು ಕಡೆ ಕಂಪನಿಯ 10 ಕೋಟಿ ವಹಿವಾಟು. ಇನ್ನೊಂದೆಡೆ ಯೂಟ್ಯೂಬ್ ಮತ್ತು ಫೇಸ್ಬುಕ್ ವಿಡಿಯೋಗಳಿಂದ ಬರುವ ಜಾಹೀರಾತು ಹಣ. ಜೊತೆಗೆ ಬ್ರ್ಯಾಂಡ್ ಪ್ರಮೋಷನ್ ಬೇರೆ. ಇದೆಲ್ಲಾ ಲೆಕ್ಕ ಹಾಕಿದ್ರೆ, ಅವರ ವಾರ್ಷಿಕ ಗಳಿಕೆ ಆರಾಮಾಗಿ ಹಲವು ಕೋಟಿಗಳನ್ನ ಮೀರುತ್ತೆ. ಯೂಟ್ಯೂಬ್ ಒಂದರಿಂದಲೇ ತಿಂಗಳಿಗೆ ಲಕ್ಷಾಂತರ ರೂಪಾಯಿ ಆದಾಯ ಬರೋದು ಪಕ್ಕಾ. ಇನ್ನೂ ಯೂಟ್ಯೂಬ್ ವಿಡಿಯೋಸ್ನಿಂದ ಎಷ್ಟು ಹಣ ಬಂದಿದೆ ಅಂತ ಎಲ್ಲಿಯೂ ಡಾ ಬ್ರೋ ಹೇಳಿಲ್ಲ.
ಈ ಯಶಸ್ಸಿನ ಹಿಂದಿರೋದು ಡಾ. ಬ್ರೋ ಅವರ ತಮ್ಮ ವಿಘ್ನೇಶ್. ಕೇವಲ 23 ವರ್ಷದ ವಿಘ್ನೇಶ್ ಈ ಕಂಪನಿಯ ಸಿಇಒ ಆಗಿ ಅದ್ಭುತವಾಗಿ ಕೆಲಸ ಮಾಡ್ತಿದ್ದಾರೆ. ಯುವಕರ ಟೀಮ್ ಕಟ್ಕೊಂಡು, ಜನರಿಗೆ ಬೆಸ್ಟ್ ಟ್ರಾವೆಲ್ ಅನುಭವ ನೀಡ್ತಿದ್ದಾರೆ. ಅಣ್ಣನ ಕ್ರೇಜ್ ಮತ್ತು ತಮ್ಮನ ಬ್ಯುಸಿನೆಸ್ ಮೈಂಡ್ ಸೇರಿದ್ರೆ ಏನಾಗುತ್ತೆ ಅನ್ನೋದಕ್ಕೆ ಇದೇ ಸಾಕ್ಷಿ.
