Viral video… ಏಯ್, ಕೆಂಪು ಸುಂದರಿ,‌ ನನ್ ಜತೆ ಬರ್ತೀಯಾ… 6 ವರ್ಷದ ಬಾಲಕನ ಮಾತು‌ ಕೇಳಿ ಯುವತಿ ತಬ್ಬಿಬ್ಬು! ಆಮೇಲೇನಾಯ್ತು, ವಿಡಿಯೋ ನೋಡಿ

newsics.com

ಕೆಂಪು ಉಡುಗೆ ತೊಟ್ಟಿದ್ದ 20 ವರ್ಷದ ಯುವತಿಗೆ ಏ ಕೆಂಪು ಸುಂದರಿ, ನಂಜೊತೆ ಬರ್ತೀಯಾ ಎಂದು 6 ವರ್ಷದ ಬಾಲಕ ಕರೆದ ಘಟನೆ ಭಾರೀ ವೈರಲ್ ಆಗಿದೆ.

ಆದರೆ, ಈ ಘಟನೆ ನಡೆದಾಗ ಸುತ್ತಲಿನ ಜನರು ಯುವತಿಯನ್ನು ನೋಡಿ ನಕ್ಕಿದ್ದು, ಇದರಿಂದ ತೀವ್ರ ಕೋಪ ಮಾಡಿಕೊಂಡು, ಬಾಲಕನಿಗೆ ಬುದ್ಧಿವಾದ ಹೇಳಿದ್ದಾಳೆ.

ಸುಮಾರು ಆರೇಳು ವರ್ಷದ ಪುಟ್ಟ ಬಾಲಕ ಸುಂದರವಾಗಿ ಡ್ರೆಸ್ ಮಾಡಿಕೊಂಡು ಹೋಗುತ್ತಿದ್ದ 20 ವರ್ಷದ ಯುವತಿಗೆ, ‘ಓ ಲಾಲ್ ಪರಿ, ಕೋನ್ ಹೈ ತು, ಚಲೇಗಿ ಕ್ಯಾ? (ಯಾರು ನೀನು? ನೀನು ನನ್ನೊಂದಿಗೆ ಬರುತ್ತೀಯಾ?) ಎಂದು ಕೂಗಿದ್ದಾನೆ. (ಏ…, ಕೆಂಪು ದೇವತೇ.., ಯಾರು ನೀನು? ನಂಜೊತೆಗೆ ಬರ್ತೀಯಾ?) ಚಿಕ್ಕ ಬಾಲಕ ಹೀಗೆ ಹೇಳಿದ್ದನ್ನು ಕೇಳಿದ ಯುವತಿ ತಬ್ಬಿಬ್ಬಾಗಿದ್ದಾಳೆ.

ಈ ಘಟನೆ ನಡೆದಾಗ ಅಲ್ಲಿ ಸೆಕ್ಯೂರಿಟಿ ಸಿಬ್ಬಂದಿಯೂ ಇದ್ದು, ಈ ದೃಶ್ಯವನ್ನು ನೋಡಿ ನಕ್ಕಿದ್ದಾರೆ. ಅಷ್ಟಕ್ಕೂ ‘ಓ ಲಾಲ್ ಪರಿ’ ಎಂಬುದು ಹಿಂದಿ ಭಾಷಿಕ ಪದವಾಗಿದ್ದು, ಹಲವು ಸಂದರ್ಭಗಳಲ್ಲಿ ಇದನ್ನು ಬಳಸುತ್ತಾರೆ. ಕೆಂಪು ವೈನ್, ಓ ಕೆಂಪು ದೇವತೆ, ಕೆಂಪು ಸುಂದರಿ ಹಾಗೂ ಜನಪ್ರಿಯ ಮಾದಕ ವಸ್ತುಗಳಿಗೆ ಈ ಪದವನ್ನು ಬಳಸುತ್ತಾರೆ.

ಈ ಬಗ್ಗೆ ಯುವತಿ ಹೇಳಿದಂತೆ, ಆಕೆ ಬಿಳಿ ಬಣ್ಣದ ಉದ್ದನೆಯ ಸ್ಕರ್ಟ್ ಮತ್ತು ಕೆಂಪು ಬಣ್ಣದ ಟಾಪ್ ಧರಿಸಿದ್ದಳು. ನನ್ನನ್ನು ನೋಡಿದಾಕ್ಷಣ ಬಾಲಕ ‘ಓ ಲಾಲ್ ಪರಿ’ ಎಂದು ಕಮೆಂಟ್ ಮಾಡಿದ್ದಾನೆ.

ಈ ಪುಟ್ಟ ಬಾಲಕನ ಹೇಳಿಕೆಗೆ ಹೇಗೆ ಪ್ರತಿಕ್ರಿಯಿಸಬೇಕೆಂದು ತಿಳಿಯದೇ ಸುಮ್ಮನಾಗಿದ್ದಾಳೆ. ಇದನ್ನು ನೋಡಿ, ಸೆಕ್ಯೂರಿಟಿ ಗಾರ್ಡ್ ನಕ್ಕಾಗ ಯುವತಿಗೆ ಮತ್ತಷ್ಟು ಕೋಪ ಬಂದಿದೆ. ನಂತರ ಯುವತಿ ಬಾಲಕನ ಬಳಿ ಬಂದಾಗ ‘ಕೋನ್ ಹೈ ತು, ಚಲೇಗಿ ಕ್ಯಾ? (ಯಾರು ನೀನು? ನನ್ನೊಂದಿಗೆ ಬರುತ್ತೀಯಾ?) ಎಂದು ಹೇಳಿದ್ದಾನೆ. ಇದರಿಂದ ಕೋಪಗೊಂಡ ಯುವತಿ ಬಾಲಕನ ಬಳಿ ಹೋಗಿ ತರಾಟೆ ತೆಗೆದುಕೊಂಡು ಕಿವಿ ಹಿಂಡಿದ್ದಾಳೆ. ಆಗ ಸ್ಥಳಕ್ಕೆ ಬಂದ ಸೆಕ್ಯುರಿಟಿ ಗಾರ್ಡ್ ಬಾಲಕನಿಗೆ ಕ್ಷಮೆ ಕೇಳುವಂತೆ ಹೇಳಿದ್ದಾನೆ. ಆಗ ಬಾಲಕ ‘ಕ್ಷಮಿಸಿ’ ಎಂದು ಹೇಳಿ, ಅಲ್ಲಿಂದ ಓಡಿಹೋಗಿದ್ದಾನೆ.

ಈ ಬಗ್ಗೆ ಯುವತಿ ತನಗಾದ ಅನುಭವವನ್ನು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾಳೆ.

‘ನನ್ನದೇ ಅಪಾರ್ಟ್‌ಮೆಂಟ್‌ನಲ್ಲಿ ನಾನು ನಡೆದುಕೊಂಡು ಹೋಗುತ್ತಿದ್ದಾಗ, 6 ರಿಂದ 7 ವರ್ಷದ ಬಾಲಕನೊಬ್ಬ ನನ್ನನ್ನು ಓ ಲಾಲ್ ಪರಿ, ಚಲೇಗಿ ಕ್ಯಾ? ಎಂದು ಕರೆದನು. ಬೀದಿಗಳಲ್ಲಿ ಪೊರ್ಕಿಗಳು ಮಹಿಳೆಯರಿಗೆ ಕಿರುಕುಳ ನೀಡಲು ಬಳಸುವ ಪದವನ್ನು ಬಾಲಕ ಬಳಸಿದ್ದಾನೆ. ಆಗ ಸುತ್ತಲಿನ ಎಲ್ಲರೂ ನಕ್ಕಾಗ ನನಗೆ ತಮಾಷೆಯಾಗಿ ಕಾಣಲಿಲ್ಲ. ಆ ಮಗು ಅಂತಹ ಪದಗಳನ್ನು ಹೇಳುವುದಕ್ಕೂ ಮೊದಲು ಅವನು ಆ ಪದಗಳನ್ನು ಎಲ್ಲೋ‌ ಕೇಳಿರಬೇಕು ಅಥವಾ ನೋಡಿರಬೇಕು. ಈಗ ತಾನೂ ಅನುಕರಣೆ ಮಾಡುತ್ತಿದ್ದಾನೆ. ಈಗಲೇ ಸರಿಪಡಿಸದಿದ್ದರೆ, ಈಗ ತಮಾಷೆಗೆ ಮಾಡಿದ ಪದಬಳಕೆ ಕಿರುಕುಳವಾಗಿ ಪರಿಣಮಿಸುತ್ತದೆ ಎಂದು ಯುವತಿ ಕಿರಣ್ ಗ್ರೆವಾಲ್ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ವಿಡಿಯೋ ಹಂಚಿಕೊಂಡಿದ್ದಾಳೆ.

https://www.instagram.com/reel/DNqc8WiK1jw/?utm_source=ig_web_button_share_sheet

Family of four ready to sacrifice their bodies ಕೈಲಾಸಕ್ಕೆ‌ ಹೋಗುವ ನಂಬಿಕೆ: ದೇಹತ್ಯಾಗಕ್ಕೆ ಸಿದ್ಧವಾಗಿದ್ದ ನಾಲ್ವರ ಕುಟುಂಬ, ಅಧಿಕಾರಿಗಳಿಂದ ತಡೆ