newsics.com
ಪಂಜಾಬ್: ಪಂಜಾಬ್ ಪೊಲೀಸರು ಆಮ್ ಆದ್ಮಿ ಪಕ್ಷದ ನಾಯಕ ಹಾಗೂ ಉದ್ಯಮಿ ಅನೋಖ್ ಮಿತ್ತಲ್ ಮತ್ತು ಆತನ ಪ್ರೇಯಸಿ ಹಾಗೂ ನಾಲ್ವರು ಸುಪಾರಿ ಹಂತಕರನ್ನು ಬಂಧಿಸಿದ್ದಾರೆ. ಕಳೆದವಾರ ಕೊಲೆಯಾಗಿದ್ದ ಮಿತ್ತಲ್ ಅವರ ಪತ್ನಿಯ ಹತ್ಯೆಯ ಆರೋಪದ ಮೇಲೆ ಈ ಐದು ಜನರನ್ನು ಬಂಧಿಸಲಾಗಿದೆ.
ಮಾರಕಾಸ್ತ್ರಗಳೊಂದಿಗೆ ಬಂದ ದರೋಡೆಕೋರರು ಕಳೆದ ಶನಿವಾರ ರಾತ್ರಿ ಲಿಪ್ಸಿಯವರನ್ನು ಹತ್ಯೆ ಮಾಡಿದ್ದರು. ಪತಿ ಪತ್ನಿ ಇಬ್ಬರು ರಾತ್ರಿ ಊಟ ಮುಗಿಸಿ ಮನೆಗೆ ಬರುವಾಗ ಪಂಜಾಬ್ನ ದೆಹ್ಲೊದಲ್ಲಿ ಈ ಘಟನೆ ನಡೆದಿತ್ತು.
ಹಿರಿಯ ಪೊಲೀಸ್ ಅಧಿಕಾರಿಗಳು ಹೇಳುವ ಪ್ರಕಾರ ಅನೋಖ್ ಹೇಳಿಕೆ ದಿನದಿಂದ ದಿನಕ್ಕೆ ಬದಲಾಗುತ್ತಾ ಹೋಯ್ತು. ಈ ಕಾರಣದಿಂದ ಸಂಶಯ ಬಂದು ಈ ರಾಬರಿ ಕಥೆ ಇವನೇ ಕಟ್ಟಿದ ಕಾಲ್ಪನಿಕ ಘಟನೆ ಎಂಬ ನಂಬಿಕೆ ಬಲವಾಗುತ್ತಾ ಹೋಯ್ತು. ನಂತರ ವಿಚಾರಣೆಯನ್ನು ತೀವ್ರಗೊಳಿಸಿದಾಗ ಅಸಲಿ ವಿಷಯ ಬಹಿರಂಗವಾಯ್ತು. ಪತ್ನಿಯ ಹತ್ಯೆಯ ಸೂತ್ರದಾರ ಗಂಡನೇ ಎಂಬುದು ಗೊತ್ತಾಯಿತು ಎಂದು ಪೊಲೀಸ್ ಕಮಿಷನರ್ ಕುಲದೀಪ್ ಸಿಂಗ್ ಚಾಹಲ್ ಹೇಳಿದ್ದಾರೆ.
