newsics.com
ಸಂಬಂಧಗಳ ಟ್ರೆಂಡ್ ಆಗಾಗ ಬದಲಾಗುತ್ತಿರುತ್ತದೆ. ಅದಕ್ಕೆ ಹೊಸ ಹೊಸ ಹೆಸರನ್ನು ಇಟ್ಟು ಕರೆಯುತ್ತಾರೆ. ಯಾವುದೇ ಸಂಬಂಧಗಳಲ್ಲಿ ಪ್ಲಸ್ ಎಷ್ಟು ಇರುತ್ತದೋ ಮೈನಸ್ ಕೂಡ ಅಷ್ಟೇ ಇರುತ್ತದೆ. ಅಂಥ ರಿಲೇಷನ್ಶಿಪ್ ಎಂದರೆ ಅದು ಸಿಚುವೇಷನ್ಶಿಪ್. ಸಂದರ್ಭ,ಪರಿಸ್ಥಿತಿಗೆ ತಕ್ಕಂತೆ ಈ ಸಂಬಂಧ ಬದಲಾಗುತ್ತದೆ.
ಇದು ಅತ್ತ ಫ್ರೆಂಡ್ಶಿಪ್ ಅಲ್ಲ, ಇತ್ತ ಪ್ರೀತಿಯೂ ಅಲ್ಲ. ಇವೆರಡರ ನಡುವೆ ಇರುವ ಗ್ರೇ ಏರಿಯಾ. ಇಬ್ಬರು ತಮ್ಮ ಎಮೋಷನ್ ಶೇರ್ ಮಾಡ್ತಾರೆ, ದೈಹಿಕ ಸಂಪರ್ಕ ಮಾಡ್ತಾರೆ. ಆದರೆ ಆ ಸಂಬಂಧದಲ್ಲಿ ಯಾವುದೇ ಬದ್ಧತೆ ಇರಲ್ಲ, ಇದು ಲಿವ್ ಇನ್ ರಿಲೇಷನ್ಶಿಪ್ ಕೂಡ ಅಲ್ಲ, ಆದರೆ ಅದರಂತೆ ಇರುವ ಒಂದು ಸಂಬಂಧ, ಇನ್ನು ಲಿವ್ ಇನ್ ರಿಲೇಷನ್ಶಿಪ್ನಲ್ಲಿರುವ ಬದ್ಧತೆಯೂ ಇದರಲ್ಲಿ ಇರಬೇಕೆಂದಿಲ್ಲ.
ಈ ಸಿಚುವೇಷನ್ ರಿಲೇಷನ್ಶಿಪ್ ಹೇಗಿರುತ್ತದೆ ಅನ್ನೊದನ್ನು ನೋಡುವುದಾದ್ರೆ, ಇವರಿಬ್ಬರ ನಡುವೆ ಸಂವಹನ ಒಂದೇ ರೀತಿ ಇರುವುದಿಲ್ಲ. ಒಮ್ಮೊಮ್ಮೆ ಪ್ರೇಮಿಗಳಂತೆ ಗಂಟೆಗಟ್ಟಲೆ ಮಾತನಾಡುತ್ತಾರೆ, ಇನ್ನು ಕೆಲವೊಮ್ಮೆ ಇಬ್ಬರ ನಡುವೆ ಯಾವುದೇ ಮಾತುಕತೆಯೇ ಇರಲ್ಲ, ಆದರೂ ಈ ವಿಷಯದ ಬಗ್ಗೆ ಬೇಸರ ಇರಲ್ಲ, ಸಿಕ್ಕಾಗ ಖುಷಿಯಾಗಿರುತ್ತಾರೆ.
ಭವಿಷ್ಯದ ಬಗ್ಗೆ ಯಾವುದೇ ಪ್ಲ್ಯಾನ್ ಇರಲ್ಲ. ಇಬ್ಬರೂ ಭವಿಷ್ಯದ ಬಗ್ಗೆ ಯಾವುದೇ ನಿರ್ಧಾರ ತೆಗೆದುಕೊಳ್ಳುವುದಿಲ್ಲ, ಇಬ್ಬರೂ ಜೊತೆಯಾಗಿ ಹೂಡಿಕೆ ಮಾಡುವುದಿಲ್ಲ, ಯಾವುದೇ ನಿರ್ಧಾರವನ್ನು ಜೊತೆಯಾಗಿ ತೆಗೆದುಕೊಳ್ಳುವುದಿಲ್ಲ.
ಕುಟುಂಬದವರಿಗೆ ಅಥವಾ ಸ್ನೇಹಿತರಿಗೆ ಪರಿಚಯಿಸಲ್ಲ. ಅವರು ಕುಟುಂಬದವರನ್ನು ಭೇಟಿ ಮಾಡಿಸಲು ಅಥವಾ ಸ್ನೇಹಿತರಿಗೆ ಪರಿಚಯಿಸಲು ಇಷ್ಟಪಡಲ್ಲ. ಒಂದು ವೇಳೆ ನಿಮ್ಮ ಸ್ನೇಹಿತರಿಗೆ ಪರಿಚಯಿಸಿದರೂ ನಿಮ್ಮನ್ನು ಫ್ರೆಂಡ್ ಅಂತಾರೆ.
ವೀಕೆಂಡ್ ಅಥವಾ ಫ್ರೀ ಸಮಯದಲ್ಲಿ ಮಾತ್ರ ಇರುವ ಕನೆಕ್ಷನ್. ಇವರ ಪ್ಲ್ಯಾನ್ಗಳು ವೀಕೆಂಡ್ಗೆ, ಹಾಲಿಡೇ ಟ್ರಿಪ್ಗೆ ಅಷ್ಟೇ ಸೀಮಿತವಾಗಿರುತ್ತದೆ.
ಈ ಸಿಚುವೇಷನ್ಶಿಪ್ ಅಪಾಯ ನೋಡುವುದಾದ್ರೆ, ನಾವು ಬಯಸಿದ ಸಂಪೂರ್ಣ ಪ್ರೀತಿ ಇಂಥ ಸಂಬಂಧದಲ್ಲಿ ಸಿಗಲ್ಲ. ಹಾಗಾಗಿ ಈ ಸಿಚುವೇಷನ್ಶಿಪ್ ಬದುಕಿಗೆ ಭದ್ರತೆ ನೀಡುವುದಿಲ್ಲ. ಹೀಗಾಗಿ ಈ ಸಂಬಂಧವನ್ನು ಒಳ್ಳೆಯದು ಎಂದು ಹೇಳಲು ಸಾಧ್ಯವಿಲ್ಲ.
Relationship Tips: ಜಸ್ಟ್ 20 ಸೆಕೆಂಡ್ ಗಟ್ಟಿಯಾಗಿ ತಬ್ಬಿ ಮುದ್ದಾಡಿದ್ರೆ ಈ ಎಲ್ಲಾ ಲಾಭಗಳಿವೆ
