newsics.com
ತಾಯಿಯಾಗುವುದು ಪ್ರತಿ ಮಹಿಳೆಯ ಬಹು ದೊಡ್ಡ ಕನಸಾಗಿರುತ್ತದೆ. ಇದು ಅವರಿಗೆ ಹೆಮ್ಮೆಯ ವಿಷಯವಷ್ಟೇ ಅಲ್ಲ, ಭಾವನಾತ್ಮಕ ಸಂಗತಿಯೂ ಹೌದು.
ಮಕ್ಕಳನ್ನು ಪಡೆಯಲು ಅದೆಷ್ಟೋ ದಂಪತಿ ಇನ್ನಿಲ್ಲದ ಪ್ರಯತ್ನ ಮಾಡುತ್ತಾರೆ. ಈ ವಿಚಾರದಲ್ಲಿ ಮೂಢನಂಬಿಕೆಯ ಹಾದಿ ತುಳಿಯಲೂ ಹಿಂಜರಿಯುವುದಿಲ್ಲ. ಇದರಿಂದಾಗಿಯೇ ಪೋರ್ಚುಗಲ್ನಲ್ಲಿರುವ ಈ ಬಂಡೆ ಭಾರೀ ಫೇಮಸ್ ಆಗಿದೆ.
ಈ ಬಂಡೆಯನ್ನು ಜನ್ಮ ಕಲ್ಲು ಅಥವಾ ಮಗುವನ್ನು ಹೊತ್ತ ಪರ್ವತ ಎಂದೇ ಕರೆಯಲಾಗುತ್ತದೆ. ಮಕ್ಕಳನ್ನು ಪಡೆಯುವ ಕನಸು ಹೊತ್ತು ಜಗತ್ತಿನ ಅದೆಷ್ಟೋ ಮಹಿಳೆಯರು ಇಲ್ಲಿಗೆ ಆಗಮಿಸುತ್ತಾರೆ.
ಮದರ್ – ರಾಕ್ ಎಂಬ ಈ ನಿಗೂಢ ಬಂಡೆಯು ಪೋರ್ಚುಗಲ್ನಲ್ಲಿದೆ. ಈ ಬಂಡೆ ಬಗೆಗಿನ ತೀರಾ ವಿಚಿತ್ರವಾಗಿದೆ. ಇದನ್ನು ನಂಬುವುದೇ ಕಷ್ಟ. ಆದರೂ ಸಾವಿರಾರು ಕಿಲೋ ಮೀಟರ್ ದೂರದಿಂದ ಮಹಿಳೆಯರು ಗರ್ಭ ಧರಿಸುವ ಭರವಸೆಯಿಂದ ಇಲ್ಲಿಗೆ ಬರುತ್ತಾರೆ.
ಇಲ್ಲಿರುವ ಕಲ್ಲು ಬಂಡೆಯ ಚೂರನ್ನು ಮಹಿಳೆಯರು ತಮ್ಮ ತಲೆದಿಂಬಿನ ಕೆಳಗೆ ಇಟ್ಟು ಮಲಗಿದರೆ, ಅವರು ಕೆಲವೇ ದಿನಗಳಲ್ಲಿ ಗರ್ಭಿಣಿಯಾಗುತ್ತಾರೆ ಎಂದು ನಂಬಲಾಗಿದೆ.
ಉತ್ತರ ಪೋರ್ಚುಗಲ್ನಲ್ಲಿ ಪೆಡ್ರಾಸ್ ಪರೆಡೆರಾಸ್ ಎಂದು ಕರೆಯಲಾಗುವ ಪರ್ವತವೊಂದಿದೆ. ಇದೊಂಥರಾ ಅದ್ಭುತ ಪರ್ವತ. ಏಕೆಂದರೆ ಈ ಪರ್ವತದಿಂದ ಕಲ್ಲುಗಳು ಹೊರಬರುತ್ತಲೇ ಇರುತ್ತವೆ. ಒಂದು ಕಿಲೋಮೀಟರ್ ಉದ್ದ ಮತ್ತು 600 ಮೀಟರ್ ಅಗಲವಿರುವ ಈ ಪರ್ವತ ಗ್ರಾನೈಟ್ ಬಂಡೆಗಳಿಂದ ಕೂಡಿದೆ. ಇದರಿಂದ 2 – 12 ಸೆಂ.ಮೀ. ಗಾತ್ರದ ಕಲ್ಲುಗಳು ಸಾಮಾನ್ಯವಾಗಿ ಹೊರಬರುತ್ತಲೇ ಇರುತ್ತವೆ. ಅದಕ್ಕಾಗಿಯೇ ಇದನ್ನು ಮದರ್-ರಾಕ್ ಅಥವಾ ಗರ್ಭಿಣಿ ಕಲ್ಲು ಎಂದೂ ಕರೆಯುತ್ತಾರೆ. ಈ ಬಂಡೆಗಳು ಸುಮಾರು 300 ಮಿಲಿಯನ್ ವರ್ಷಗಳಷ್ಟು ಹಳೆಯವು ಎನ್ನಲಾಗಿದೆ.
ಸ್ಥಳೀಯರ ನಂಬಿಕೆ ಪ್ರಕಾರ, ಈ ಕಲ್ಲುಗಳನ್ನು ಗರ್ಭಿಣಿಯಾಗಬಯಸುವ ಮಹಿಳೆ ತನ್ನ ದಿಂಬಿನ ಕೆಳಗೆ ಇಟ್ಟು ಮಲಗಿದರೆ ಕೆಲವೇ ದಿನಗಳಲ್ಲಿ ಆಕೆಯ ಆಸೆ ಈಡೇರುತ್ತದೆ ಎನ್ನಲಾಗಿದೆ.
ಇದಕ್ಕೆ ಯಾವುದೇ ವೈಜ್ಞಾನಿಕ ಪುರಾವೆಗಳಿಲ್ಲದಿದ್ದರೂ ಜನರು ಇದನ್ನು ಸಮರ್ಥಿಸುತ್ತಾರೆ. ಅಲ್ಲದೆ ಮಹಿಳೆಯರು ಗರ್ಭ ಧರಿಸಲು ದೂರದ ಊರುಗಳಿಂದ ಈ ಕಲ್ಲುಗಳಿಗಾಗಿ ಆಗಮಿಸುತ್ತಾರೆ. ಇವುಗಳ ಮಾರಾಟವನ್ನು ಸರ್ಕಾರ ನಿಷೇಧಿಸಿದ್ದರೂ ಊರಿನಲ್ಲಿ ಕೆಲವರು ಕದ್ದು ಮುಚ್ಚಿ ಮಾರಾಟ ಮಾಡುತ್ತಿದ್ದಾರೆ. ಹೀಗಾಗಿ ಇಲ್ಲಿ ಸಣ್ಣ ಬಂಡೆಗಳ ಸಂಖ್ಯೆ ಗಣನೀಯವಾಗಿ ಕಡಿಮೆಯಾಗಿದೆ.
Relationship ಶೇ.60 ಮಹಿಳೆಯರು, 53% ಪುರುಷರು ಹೆಚ್ಚಿನ ‘Sಕ್ಸ್’ ಬಯಸುತ್ತಾರಂತೆ!
Realbotics ಸಿಂಗಲ್ ಬಾಯ್ಸ್ಗೆ ಖುಷಿ ಸುದ್ದಿ… ಮಾರುಕಟ್ಟೆಗೆ ಬಂದಳು ರೊಮ್ಯಾಂಟಿಕ್ ಎಐ ಪ್ರೇಯಸಿ!
