newsics.com
ಕಾರವಾರ(ಉತ್ತರ ಕನ್ನಡ): ಹಗಲು ಮನೆಗಳ್ಳತನ ಮಾಡಿದ ಮತ್ತು ರಾಜ್ಯ ಹಾಗೂ ಅಂತಾರಾಜ್ಯಗಳ 128 ಪ್ರಕರಣಗಳಲ್ಲಿ ತಲೆ ಮರೆಸಿಕೊಂಡ ಕಳ್ಳನನ್ನು ಕಾರವಾರ ಪೊಲೀಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ನ.7 ರಂದು ಕಾರವಾರ ನಗರದ ಆಶ್ರಮ ರಸ್ತೆಯ ಅಭಿಮಾನಶ್ರೀ ಅಪಾರ್ಟ್ಮೆಂಟಿನ ಫ್ಲ್ಯಾಟ್ನಲ್ಲಿ ಹಗಲು ಕಳ್ಳತನವಾದ ಬಗ್ಗೆ ಮಾಲೀಕ ಪ್ರಿಯಾ ಅಂತೋನಿ ಫರ್ನಾಂಡೀಸ್ ನೀಡಿದ್ದ ದೂರಿನಂತೆ ಪ್ರಕರಣ ದಾಖಲಿಸಿಕೊಂಡು 3 ತಂಡಗಳನ್ನು ರಚಿಸಿ ತನಿಖೆ ನಡೆಸಲಾಗಿತ್ತು.
ಕಾರವಾರ ಶಹರ ಪೊಲೀಸ್ ಠಾಣೆಯ ಪೊಲೀಸ್ ನಿರೀಕ್ಷಕ ರಮೇಶ ಹೂಗಾರ ನೇತೃತ್ವದ ತಂಡವು ಪಂಜಾಬದ ಜಲಂಧರ ಜಿಲ್ಲೆಯ ರಾಮಮಂಡಿ ಗ್ರಾಮದ ಸಮೀರ್ ಶರ್ಮಾ(40) ಎಂಬಾತನನ್ನು ಬಂಧಿಸಿದೆ.
ಈತ ಪ್ರತಿ ಬಾರಿಗುಲ್ಲು ,ಸ್ಯಾಮ್, ಜ್ಯಾಕ್ , ಜಾನ್ , ಸಮೀರ್ ಎಂದು ಹೆಸರು ಬದಲಿಸಿ ತನ್ನ ಕೃತ್ಯ ನಡೆಸುತ್ತಿದ್ದ. ಹೊನ್ನಾವರದ ದುರ್ಗಾಕೇರಿಯಲ್ಲಿ ಬಾಡಿಗೆ ಮನೆ ಮಾಡಿದ್ದ.
ಈತನನ್ನು ನ.11ರಂದು ಸೀನಿಮಯ ರೀತಿಯಲ್ಲಿ ಬೆನ್ನುಹತ್ತಿ ಪಂಜಾಬ್ ರಾಜ್ಯದ ಅಮೃತಸರ ಗೋಲ್ಡನ್ ಟೆಂಪಲ್ ಹತ್ತಿರ ಬಂಧಿಸಿ ಕಳವು ಮಾಡಿದ್ದ 34.026 ಗ್ರಾಂ. ಬಂಗಾರದ ಒಡವೆ, 3 ಲಕ್ಷ ರೂ. ನಗದು ಹಣ ಸೇರಿ ಸುಮಾರು 5 ಲಕ್ಷದಷ್ಟು ಮಾಲನ್ನು ವಶಪಡಿಸಿಕೊಳ್ಳಲಾಗಿದೆ.
ಈತನ ವಿರುದ್ಧ ಬೆಂಗಳೂರು ನಗರದ 11 ಪೊಲೀಸ್ ಠಾಣೆಗಳಲ್ಲಿ 106 ಪ್ರಕರಣಗಳು, ಗೋವಾ ರಾಜ್ಯದ 3 ಪೊಲೀಸ್ ಠಾಣೆಗಳಲ್ಲಿ 7 ಪ್ರಕರಣಗಳು, ಉತ್ತರ ಪ್ರದೇಶದ ನೋಯ್ದಾ ನಗರದಲ್ಲಿ 4 ಪೊಲೀಸ್ ಠಾಣೆಗಳಲ್ಲಿ 11 ಪ್ರಕರಣಗಳು, ಮತ್ತು ಪಂಜಾಬ್ ರಾಜ್ಯದ 2 ಪೊಲೀಸ್ ಠಾಣೆಗಳಲ್ಲಿ 4 ಪ್ರಕರಣಗಳು ಸೇರಿ ಒಟ್ಟು 128 ಪ್ರಕರಣಗಳು ದಾಖಲಾಗಿವೆ.
Health Alert| ಕಾಫಿ, ಟೀ ಪ್ರಿಯರೇ ಎಚ್ಚರ! ICMR ಹೀಗೆ ಹೇಳ್ತಿರೋದೇಕೆ?
