newsics.com
ಮುಂಬೈ: ಮಿಸ್ಟರ್ ಬಚ್ಚನ್ ಸಿನಿಮಾದ ವಿವಾದಗಳು ಮುಗಿಯುತ್ತಿಲ್ಲ. ರೇಖಾ ಫೋಟೋ ಬಳಸಿ ಪೇಚಿಗೆ ಸಿಲುಕಿದ್ದ ಸಿನಿಮಾ ತಂಡ ಈಗ ನಾಯಕಿಯ ಲೆಹಂಗಾ ಒಳಗೆ ಕೈಹಾಕಿರೋ ವಿವಾದಕ್ಕೆ ಸಿಲುಕಿದೆ.
ಸೆನ್ಸಾರ್ ಮಂಡಳಿಯೊಂದು ಆದೇಶ ಹೊರಡಿಸಿ ಇಡೀ ಚಿತ್ರತಂಡವನ್ನೇ ಬೆಚ್ಚಿ ಬೀಳಿಸಿತ್ತು. ಇದರಲ್ಲಿನ ಕೆಲವು ಆಕ್ಷೇಪಾರ್ಹ ದೃಶ್ಯಗಳನ್ನು ಸಿನಿಮಾದಿಂದ ತೆಗೆದುಹಾಕುವಂತೆ ಹೇಳಿದ್ದರಿಂದ ಹಲವು ದೃಶ್ಯಗಳಿಗೆ ಕತ್ತರಿ ಹಾಕಿತ್ತು. ಇದಾದ ಬಳಿಕ ಚಿತ್ರ ಬಿಡುಗಡೆಯಾದ ಮೇಲೆ ಹಾಡೊಂದರ ವಿರುದ್ಧ ಪ್ರೇಕ್ಷಕರು ಗರಂ ಆಗಿದ್ದಾರೆ.
ಅಮಿತಾಭ್ ಅವರಿಗೆ ಸಂಬಂಧಿಸಿದಂತೆ ಹಲವು ದೃಶ್ಯಗಳು, ಸಂಭಾಷಣೆಗಳು, ಹಾಡಿನ ಬಿಟ್ಗಳು ಚಿತ್ರದಲ್ಲಿ ಇವೆ. ಆದರೆ ಕೆಲವೊಂದರಲ್ಲಿ ಅಮಿತಾಭ್ ಮತ್ತು ರೇಖಾ ಚಿತ್ರಗಳನ್ನು ಚಿತ್ರತಂಡ ಬಳಸಿಕೊಂಡಿದ್ದರಿಂದ ಸೆನ್ಸಾರ್ ಮಂಡಳಿ ಈ ದೃಶ್ಯಗಳನ್ನು ಕಿತ್ತುಹಾಕಲು ಆದೇಶಿಸಿತ್ತು. ಅಮಿತಾಭ್ ಮತ್ತು ರೇಖಾ ಅವರ ಲವ್ಸ್ಟೋರಿ ಬಾಲಿವುಡ್ ಪ್ರೇಮಿಗಳಿಗೆ ಹೊಸ ವಿಷಯವೇನಲ್ಲ. ಅಮಿತಾಭ್ ಅವರ ನೆನಪಿನಲ್ಲಿಯೇ ಇಂದಿಗೂ ರೇಖಾ ಅವಿವಾಹಿತರಾಗಿಯೇ ಉಳಿದಿದ್ದರೆ, ಅಮಿತಾಭ್ ಮಕ್ಕಳು, ಮೊಮ್ಮಕ್ಕಳ ಜೊತೆ ಸುಂದರ ಸಂಸಾರ ನಡೆಸುತ್ತಿದ್ದಾರೆ. ವಯಸ್ಸು 80 ಮೀರಿದರೂ ಆ್ಯಕ್ಟೀವ್ ಆಗಿದ್ದಾರೆ. ಇಂದಿಗೂ ಇವರಿಬ್ಬರ ಸಂಬಂಧ ಚರ್ಚಿತ ವಿಷಯವಾಗಿಯೇ ಉಳಿದಿದೆ.
ಹಾಡಿನ ಬಗ್ಗೆ ತೀವ್ರ ಆಕ್ಷೇಪ ವ್ಯಕ್ತವಾಗಿದೆ. ಹರೀಶ್ ಶಂಕರ್ ನಿರ್ದೇಶನದ ಚಿತ್ರದಲ್ಲಿ ರವಿತೇಜ ಮತ್ತು ಯುವ ನಟಿ ಭಾಗ್ಯಶ್ರೀ ಬೋರ್ಸೆ ಜೋಡಿಯಾಗಿದ್ದಾರೆ. ವಿಚಿತ್ರ ಎಂದರೆ ರವಿತೇಜ ಅವರಿಗೆ 56 ವರ್ಷ ವಯಸ್ಸು. ಮಗಳ ವಯಸ್ಸಿನ ನಾಯಕಿ ಭಾಗ್ಯಶ್ರೀಗೆ 25 ವರ್ಷ ವಯಸ್ಸು. ಈ ರೀತಿ ಸ್ಟಾರ್ ನಟರು ತಮ್ಮ ಮಗಳ ವಯಸ್ಸಿನ ನಟಿಯ ಜೊತೆ ರೊಮಾನ್ಸ್ ಮಾಡುವುದು, ರೊಮಾನ್ಸ್ ಮೀರಿ ಹೋಗುವುದು ಬಾಲಿವುಡ್ ಮಾತ್ರವಲ್ಲದೇ, ಬಹುತೇಕ ಎಲ್ಲಾ ಭಾಷೆಗಳಲ್ಲಿಯೂ ಮಾಮೂಲಾಗಿಬಿಟ್ಟಿದೆ ಅನ್ನಿ. ಆದರೆ ಮಿಸ್ಟರ್ ಬಚ್ಚನ್ ಸಿನಿಮಾದಲ್ಲಿ ಈ ವಯಸ್ಸಿನ ಬಗ್ಗೆ ತಕರಾರು ಇಲ್ಲ. ಆದರೆ ನಟ, ಒಂದು ಹಾಡಿನಲ್ಲಿ ನಟಿಯ ಲೆಹಂಗಾದ ಒಳಗೆ ಕೈಹಾಕಿದ್ದು, ಅದೀಗ ಭಾರಿ ವಿವಾದಕ್ಕೆ ಕಾರಣವಾಗಿದೆ.
