newsics.com/ನ್ಯೂಸಿಕ್ಸ್
ವಾಷಿಂಗ್ಟನ್: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಯುದ್ಧ ಘೋಷಿಸುವ ಅಧಿಕಾರಕ್ಕೆ ಅಲ್ಲಿನ ಸಂಸತ್ತಿನ ಮೇಲ್ಮನೆಯಾದ ಯುಎಸ್ ಸೆನೆಟ್ ಬ್ರೇಕ್ ಹಾಕಿದೆ. ನಿರ್ಣಯವನ್ನು ಸೆನೆಟ್ ಅಂತಿಮವಾಗಿ ಅಂಗೀಕರಿಸಿದೆ.
ಇರಾನ್ ಮೇಲಿನ ಯಾವುದೇ ರೀತಿಯ ಮಿಲಿಟರಿ ದಾಳಿ ಅಥವಾ ಯುದ್ಧದ ನಿರ್ಧಾರಗಳನ್ನು ಅಧ್ಯಕ್ಷರು ಏಕಪಕ್ಷೀಯವಾಗಿ ತೆಗೆದುಕೊಳ್ಳಬಾರದು ಎಂದು ಈ ಬಿಲ್ನಲ್ಲಿ ಸ್ಪಷ್ಟಪಡಿಸಲಾಗಿದೆ.
ಹೊಸ ನಿರ್ಣಯದ ಪ್ರಕಾರ, ಅಮೆರಿಕಾದ ಮೇಲೆ ಇರಾನ್ ನೇರ ಹಾಗೂ ತಕ್ಷಣದ ದಾಳಿ ನಡೆಸದ ಹೊರತು, ಅಧ್ಯಕ್ಷ ಟ್ರಂಪ್ ಅವರು ಇರಾನ್ ವಿರುದ್ಧ ಮಿಲಿಟರಿ ಪಡೆಯನ್ನು ಬಳಸುವ ಮುನ್ನ ಅಮೆರಿಕ ಸಂಸತ್ತಿನ ಅಧಿಕೃತ ಅನುಮತಿ ಅಥವಾ ಯುದ್ಧದ ಮಂಜೂರಾತಿಯನ್ನು ಪಡೆಯುವುದು ಕಡ್ಡಾಯವಾಗಿದೆ.
ವಿರೋಧ ಪಕ್ಷವಾದ ಡೆಮೋಕ್ರಾಟ್ಸ್ ಮಂಡಿಸಿದ ಈ ನಿರ್ಣಯಕ್ಕೆ, ಪ್ರಧಾನಿ ಟ್ರಂಪ್ ಅವರದ್ದೇ ಆದ ರಿಪಬ್ಲಿಕನ್ ಪಕ್ಷದ ಕೆಲವು ಪ್ರಮುಖ ಸೆನೆಟರ್ಗಳು ಬೆಂಬಲ ಸೂಚಿಸಿದ್ದಾರೆ. ಇದು ಟ್ರಂಪ್ ಆಡಳಿತಕ್ಕೆ ತೀವ್ರ ಮುಖಭಂಗ ಉಂಟುಮಾಡಿದೆ.
ಇದಕ್ಕೂ ಮುನ್ನ ಟ್ರಂಪ್ ಅವರ ಕಠಿಣ ವಿದೇಶಾಂಗ ನೀತಿಯನ್ನು ಪ್ರಶ್ನಿಸಿ ಮಂಡಿಸಲಾಗಿದ್ದ ಇಂತಹದೇ ಏಳು ನಿರ್ಣಯಗಳು ಬಹುಮತದ ಕೊರತೆಯಿಂದಾಗಿ ಬಿದ್ದುಹೋಗಿದ್ದವು. ಆದರೆ, ಇರಾನ್ ಹಾಗೂ ಮಧ್ಯಪ್ರಾಚ್ಯದಲ್ಲಿ ಯುದ್ಧದ ತಲ್ಲಣಗಳು ಹೆಚ್ಚಾಗುತ್ತಿರುವುದರಿಂದ ಸೆನೆಟರ್ಗಳು ಈ ಬಾರಿ ಕಠಿಣ ನಿಲುವು ತಳೆದಿದ್ದಾರೆ.
