newsics.com/ನ್ಯೂಸಿಕ್ಸ್
ಜೆರುಸಲೇಂ: 2023ರ ಅಕ್ಟೋಬರ್ 7ರಂದು ನಡೆದ ದಾಳಿಗಳ ವೇಳೆ ಹಮಾಸ್ ಹಾಗೂ ಇತರೆ ಪ್ಯಾಲೆಸ್ತೀನಿ ಸಶಸ್ತ್ರ ಗುಂಪುಗಳು ಮಹಿಳೆಯರ ಮೇಲೆ “ವ್ಯವಸ್ಥಿತ ಹಾಗೂ ವ್ಯಾಪಕ” ಲೈಂಗಿಕ ಹಿಂಸಾಚಾರ ನಡೆಸಿದ್ದರೆಂದು ಸ್ವತಂತ್ರ ಇಸ್ರೇಲಿ ತನಿಖಾ ವರದಿ ಗಂಭೀರ ಆರೋಪ ಮಾಡಿದೆ.
ಸುಮಾರು 300 ಪುಟಗಳ ಈ ವರದಿಯಲ್ಲಿ ಅತ್ಯಾಚಾರ, ಲೈಂಗಿಕ ಹಿಂಸೆ, ಅವಮಾನಕಾರಿ ಕೃತ್ಯಗಳು ಹಾಗೂ ಮಾನಸಿಕ ಹಿಂಸೆಯನ್ನು ಉದ್ದೇಶಪೂರ್ವಕವಾಗಿ ಬಳಸಲಾಗಿದ್ದು, “ಅತ್ಯಧಿಕ ನೋವು ಮತ್ತು ಮಾನಸಿಕ ಆಘಾತ ಉಂಟುಮಾಡುವುದು” ಇದರ ಉದ್ದೇಶವಾಗಿತ್ತು ಎಂದು ಉಲ್ಲೇಖಿಸಲಾಗಿದೆ. ದಾಳಿಗಳಲ್ಲಿ ವ್ಯಕ್ತಿಗಳಷ್ಟೇ ಅಲ್ಲದೆ ಕುಟುಂಬಗಳು ಮತ್ತು ಸಮುದಾಯಗಳನ್ನೂ ಗುರಿಯಾಗಿಸಲಾಗಿದೆ ಎಂದು ವರದಿ ಹೇಳಿದೆ.
BBC ವರದಿ ಪ್ರಕಾರ, ಬದುಕುಳಿದವರು, ಸಾಕ್ಷಿಟ ಜನನ ಕದಾರರು ಹಾಗೂ ಮಾಜಿ ಒತ್ತೆಯಾಳುಗಳೊಂದಿಗೆ 430ಕ್ಕೂ ಹೆಚ್ಚು ಸಂದರ್ಶನಗಳನ್ನು ನಡೆಸಲಾಗಿದೆ. ಜೊತೆಗೆ, ದಾಳಿ ನಡೆದ ಪ್ರದೇಶಗಳಿಂದ ಸಂಗ್ರಹಿಸಲಾದ 10 ಸಾವಿರಕ್ಕೂ ಹೆಚ್ಚು ಫೋಟೋಗಳು ಹಾಗೂ ವೀಡಿಯೊ ದೃಶ್ಯಾವಳಿಗಳನ್ನು ಪರಿಶೀಲಿಸಲಾಗಿದೆ. ದಾಳಿಕೋರರು ಸ್ವತಃ ಚಿತ್ರೀಕರಿಸಿದ್ದ ದೃಶ್ಯಗಳನ್ನೂ ತನಿಖೆಯಲ್ಲಿ ಬಳಸಲಾಗಿದೆ ಎಂದು ತಿಳಿಸಲಾಗಿದೆ.
ಈ ದಾಳಿಯಲ್ಲಿ ಸುಮಾರು 1,200 ಮಂದಿ ಸಾವನ್ನಪ್ಪಿದ್ದು, 251 ಮಂದಿಯನ್ನು ಒತ್ತೆಯಾಳುಗಳಾಗಿ ಕರೆದೊಯ್ಯಲಾಗಿತ್ತು. ಲೈಂಗಿಕ ಹಿಂಸಾಚಾರ ಕುರಿತ ಆರೋಪಗಳ ಬಗ್ಗೆ ಇದುವರೆಗೆ ನಡೆದಿರುವ ಅತ್ಯಂತ ವಿಸ್ತೃತ ತನಿಖೆಗಳಲ್ಲಿ ಇದೂ ಒಂದಾಗಿದೆ ಎಂದು ವರದಿ ಹೇಳಿದೆ.
ವರದಿ ಪ್ರಕಾರ, ಕೆಲ ಮಹಿಳೆಯರ ಮೇಲೆ ಜೀವಂತವಾಗಿದ್ದಾಗಲೂ ಹಾಗೂ ಸಾವಿನ ಬಳಿಕವೂ ಲೈಂಗಿಕ ದೌರ್ಜನ್ಯ ಎಸಗಲಾಗಿದೆ ಎನ್ನಲಾಗಿದೆ. ಸಾಕ್ಷಿದಾರರ ಹೇಳಿಕೆಗಳಲ್ಲಿ ಅತ್ಯಾಚಾರ, ದೇಹ ವಿಕೃತಗೊಳಿಸುವ ಕೃತ್ಯಗಳು ಹಾಗೂ ಸಾರ್ವಜನಿಕವಾಗಿ ಅವಮಾನಿಸುವ ಘಟನೆಗಳ ವಿವರಗಳಿವೆ. ಕೆಲವು ಪ್ರಕರಣಗಳಲ್ಲಿ ಲೈಂಗಿಕ ದೌರ್ಜನ್ಯ ನಡೆಯುವ ವೇಳೆ ಅಥವಾ ಬಳಿಕ ಬಲಿಯಾದವರನ್ನು ಹತ್ಯೆ ಮಾಡಲಾಗಿದೆ ಎಂಬ ಆರೋಪಗಳೂ ಕೇಳಿಬಂದಿವೆ.
ಸಣ್ಣ ವಿಚಾರಕ್ಕೆ ನಡೆದ ಜಗಳ : ಒಂದು ಪಂಚ್ ಗೆ ಯುವಕ ಸಾವು-ಬದುಕಿನ ನಡುವೆ ಹೋರಾಟ: ವಿಡಿಯೋ ನೋಡಿ
