newsics.com/ನ್ಯೂಸಿಕ್ಸ್
ಮಧ್ಯಪ್ರದೇಶ: ಶಿಯೋಪುರ್ ಜಿಲ್ಲೆಯಲ್ಲಿರುವ ಕುನೋ ರಾಷ್ಟ್ರೀಯ ಉದ್ಯಾನವನದಲ್ಲಿ ತಿಂಗಳ ಹಿಂದೆ ಅಂದರೆ, ಏಪ್ರಿಲ್ 11 ರಂದು ಕೆಜಿಪಿ 12 ಎಂಬ ಹೆಣ್ಣು ಚೀತಾ 4 ಮರಿಗಳಿಗೆ ಜನ್ಮ ನೀಡಿತ್ತು. ಮಂಗಳವಾರ ಆ ಮರಿಗಳು ಸಾವಿಗೀಡಾಗಿವೆ. ಅವುಗಳ ದೇಹ ಅರೆಬರೆ ತಿಂದು ಹಾಕಿದ ಸ್ಥಿತಿಯಲ್ಲಿ ಪತ್ತೆಯಾಗಿವೆ.
https://youtube.com/shorts/wvfyhGYwVVw?si=koK0hviI-H0dDOsr
ಕೆಜಿಪಿ 12 ಹೆಣ್ಣು ಚೀತಾಗೆ ಜನಿಸಿದ ನಾಲ್ಕು ಮರಿಗಳು ಶಿಯೋಪುರ್ ಪ್ರಾದೇಶಿಕ ವಿಭಾಗದ ಗುಹೆಯ ಬಳಿ ಇಂದು ಬೆಳಿಗ್ಗೆ 6.30ರ ಸುಮಾರಿಗೆ ಶವವಾಗಿ ಪತ್ತೆಯಾಗಿದ್ದನ್ನು ಮೇಲ್ವಿಚಾರಣಾ ತಂಡವು ಗಮನಿಸಿದೆ. ಅವುಗಳ ದೇಹವು ಭಾಗಶಃ ತಿಂದು ಹಾಕಲ್ಪಟ್ಟ ಸ್ಥಿತಿಯಲ್ಲಿ ಸಿಕ್ಕಿವೆ ಎಂದು ಅರಣ್ಯಾಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಮೇಲ್ವಿಚಾರಣಾ ತಂಡವು ಈ ಮರಿಗಳನ್ನು ಕೊನೆಯದಾಗಿ ಮೇ 11 ರ ಸಂಜೆ ಜೀವಂತವಾಗಿ ನೋಡಿದ್ದವು. ಇವುಗಳ ಸಾವು ಬೇರೊಂದು ಪ್ರಾಣಿಯ ಬೇಟೆಯಿಂದಾಗಿ ಸಂಭವಿಸಿದೆ. ಮರಣೋತ್ತರ ಪರೀಕ್ಷೆ ಮತ್ತು ವಿವರವಾದ ತನಿಖೆಯ ನಂತರ ಹೆಚ್ಚಿನ ಮಾಹಿತಿ ಸಿಗಲಿದೆ ಎಂದು ಅವರು ಹೇಳಿದ್ದಾರೆ.
https://www.newsics.com/2026/05/13/vijays-ordeal-today-motion-of-confidence-sought-in-session/
