ಮೆಟ್ರೋ ಪ್ರಯಾಣಿಕರಿಗೆ ಗುಡ್‌ ನ್ಯೂಸ್‌.. ಹೊಸ ಮಾರ್ಗದ ಕಾಮಗಾರಿ ಪೂರ್ಣ

newsics.com
ಸಿಲಿಕಾನ್ ಸಿಟಿಯಲ್ಲಿ ಪ್ರಯಾಣ ಇನ್ನಷ್ಟು ಸುಲಭವಾಗಲೆಂದು ಅತ್ಯಾಧುನಿಕ ತಂತ್ರಜ್ಞಾನ ಬಳಸಿ ನಮ್ಮ ಮೆಟ್ರೋ ಪ್ರಾರಂಭಿಸಲಾಗಿದೆ. ನಮ್ಮ ಮೆಟ್ರೋದಲ್ಲಿ ಪ್ರಯಾಣಿಸುವ ಪ್ರಯಾಣಿಕರಿಗೆ ಮತ್ತೊಂದು ಗುಡ್ ನ್ಯೂಸ್ ಅನ್ನು BMRCL ನೀಡಿದೆ.

ನಾಗಸಂದ್ರ ಹಾಗೂ ಮಾದಾವರದ ನಡುವಿನ ಮೆಟ್ರೋ ಕಾಮಗಾರಿ ಪೂರ್ಣಗೊಂಡಿದ್ದು ಮುಂದಿನ ತಿಂಗಳು ಅಂದರೆ ಸೆಫ್ಟೆಂಬರ್ ಅಥವಾ ಅಕ್ಟೋಬರ್ನಲ್ಲಿ ಸಂಚಾರ ಆರಂಭವಾಗುವ ಸಾಧ್ಯತೆ ಇದೆ. 3.7 ಕಿಮೀ ಅಂತರದ ಈ ಮಾರ್ಗದ ಕೆಲಸಗಳೆಲ್ಲ ಮುಗಿದಿವೆ. ಈಗಾಗಲೇ ಬಿಎಂಆರ್ಸಿಎಲ್ ಈ ಮಾರ್ಗದಲ್ಲಿ ಮೆಟ್ರೋ ಟ್ರೈನ್ನಿಂದ ಮೊದಲ ಟ್ರಯಲ್ ಮಾಡಿದ್ದು ಸಕ್ಸಸ್ ಆಗಿದೆ. ಹೀಗಾಗಿ ಸದ್ಯದಲ್ಲೇ ನಾಗಸಂದ್ರ ಹಾಗೂ ಮಾದಾವರದ ನಡುವಿನ ಮೆಟ್ರೋ ಟ್ರೈನ್ ಆರಂಭ ಆಗಬಹುದು.

ನಾಗಸಂದ್ರ ಹಾಗೂ ಮಾದಾವರದ ನಡುವಿನ ಮೆಟ್ರೋ ಆರಂಭವಾಗುವುದಕ್ಕೆ ಕಳೆದ 5 ವರ್ಷಗಳಿಂದ ಆ ಭಾಗದ ಜನರು ಕಾಯುತ್ತಿದ್ದರು. ಸದ್ಯ ಮೆಟ್ರೋಗಾಗಿ ಕಾಯುತ್ತಿದ್ದ ಇಲ್ಲಿಯ ಜನರ ಕಾಯುವಿಕೆ ಅಂತ್ಯವಾಗುವ ಕಾಲ‌ ಸನ್ನಿಹಿತವಾಗಿದೆ. ಟ್ರಾಫಿಕ್ನ ಯಾವುದೇ ಭಯವಿಲ್ಲದೇ ಮೆಟ್ರೋದಲ್ಲಿ ಜನ ಸಂಚಾರ ಮಾಡಬಹುದು.