newsics.com
ಮಹಾಕುಂಭದ ಸಮಯದಲ್ಲಿ ತನ್ನ ಸೌಂದರ್ಯದಿಂದಲೇ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಸದ್ದು ಮಾಡಿದ್ದ ಮೋನಾಲಿಸಾ ಭೋಂಸ್ಲೆ ಈಗ ನಾಪತ್ತೆಯಾಗಿದ್ದಾರೆ. ತನ್ನ ಪ್ರೀತಿಯ ಪತ್ನಿಗಾಗಿ ಆಕೆಯ ಪತಿ ಈಗ ರಾಜಸ್ಥಾನದ ಅಜ್ಮೀರ್ ಮತ್ತು ಜೋಧ್ಪುರದ ಬೀದಿ ಬೀದಿಗಳಲ್ಲಿ ಅಲೆಯುತ್ತಿದ್ದಾರೆ.
ಮೊನಾಲಿಸಾ ಪತಿ ಫರ್ಮನ್ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋವೊಂದನ್ನು ಹಂಚಿಕೊಂಡಿದ್ದು, ಅದರಲ್ಲಿ ತನ್ನ ಪತ್ನಿ ನಾಪತ್ತೆಯಾಗಿರುವುದಾಗಿ ತಿಳಿಸಿದ್ದಾನೆ.
ನಾನು ಸದ್ಯ ಅಜ್ಮೀರ್ ಮತ್ತು ಪುಷ್ಕರ್ನಲ್ಲಿದ್ದೇನೆ. ಮೊನಾಲಿಸಾ ಓಡಿಹೋಗಿದ್ದಾಳೆ, ಅವಳನ್ನು ಹುಡುಕಲೆಂದೇ ನಾನು ಇಲ್ಲಿಗೆ ಬಂದಿದ್ದೇನೆ. ಆದರೆ ಇಲ್ಲಿ ಅವಳು ಪತ್ತೆಯಾಗಿಲ್ಲ, ಹಾಗಾಗಿ ಜೋಧ್ಪುರಕ್ಕೆ ಹೋಗುತ್ತಿದ್ದೇನೆ. ಯಾರಿಗಾದರೂ ಮಾಹಿತಿ ಸಿಕ್ಕರೆ ದಯವಿಟ್ಟು ತಿಳಿಸಿ” ಎಂದು ಫರ್ಮನ್ ವಿಡಿಯೋದಲ್ಲಿ ಮನವಿ ಮಾಡಿದ್ದಾನೆ.
ಮೊನಾಲಿಸಾ ತಾಯಿ ಲತಾಬಾಯಿ ಮತ್ತು ತಂದೆ ಜೈಸಿಂಗ್ ಬೋಸಲೆ ಅವರು ಫರ್ಮನ್ ಮೇಲೆ ಗಂಭೀರ ಆರೋಪಗಳನ್ನು ಮಾಡಿದ್ದಾರೆ. “ಇದು ಫರ್ಮನ್ ಮಾಡಿದ ಪಿತೂರಿ. ಕಳೆದ 15-20 ದಿನಗಳ ಹಿಂದೆ ಆತ ಮಗಳೊಂದಿಗೆ ಮಾತನಾಡಿಸಿದ್ದನು, ಅದಾದ ನಂತರ ಇಬ್ಬರೂ ಫೋನ್ ಕರೆಗಳಿಗೆ ಸ್ಪಂದಿಸುತ್ತಿಲ್ಲ” ಎಂದು ಅವರು ಆತಂಕ ವ್ಯಕ್ತಪಡಿಸಿದ್ದಾರೆ. ಮಗಳ ನಾಪತ್ತೆಗೆ ಫರ್ಮನ್ ಅವರೇ ನೇರ ಕಾರಣ ಎಂದು ಅವರು ದೂರಿದ್ದಾರೆ.
