Subscribe ನ್ಯೂಸಿಕ್ಸ್ ಕನ್ನಡ NewsicsKannada/YouTube
newsics.com
ಚಳಿಗಾಲದಲ್ಲಿ ಮೊಟ್ಟೆ ತಿಂದರೆ ದೇಹ ಬೆಚ್ಚಗಿರುತ್ತದೆ ಎಂಬ ನಂಬಿಕೆ ಇದೆ. ಈ ಹಿನ್ನೆಲೆಯಲ್ಲಿ ಪ್ರತಿಯೊಬ್ಬರು ಮೊಟ್ಟೆ ಸೇವಿಸುತ್ತಿದ್ದಾರೆ. ಇದು ಬೆಲೆ ಏರಿಕೆಗೆ ಕಾರಣವಾಗಿದೆ. ಕಳೆದ ಸಾಲಿಗಿಂತ ಈ ಬಾರಿ ದುಪ್ಪಟ್ಟು ಪ್ರಮಾಣದಲ್ಲಿ ಬೆಲೆ ಏರಿಕೆಯಾಗಿದ್ದು,ಗ್ರಾಹಕರು ಚಿಂತಿಸುವಂತಾಗಿದೆ.
ಕಳೆದ ತಿಂಗಳಲ್ಲಿ ಒಂದು ಮೊಟ್ಟೆಯ ದರ 5 ರೂಪಾಯಿ ಇತ್ತು. ಇದೀಗ ಅದರ ಬೆಲೆ 8 ರೂಪಾಯಿಯಿಂದ 9 ರೂಪಾಯಿಗೆ ತಲುಪಿದೆ. ಇದರಲ್ಲಿ ನಾಟಿ ಕೋಳಿ ಮೊಟ್ಟೆ ದರದಲ್ಲಂತೂ ಇನ್ನಷ್ಟು ಏರಿಕೆಯಾಗಿದೆ. ಶೇಕಡಾ 70 ರಷ್ಟು ನಾಟಿ ಕೋಳಿ ಮೊಟ್ಟೆ ದುಬಾರಿಯಾಗಿದೆ.
ಬೆಂಗಳೂರು ಸಗಟು ಮಾರುಕಟ್ಟೆಯಲ್ಲಿ ಸದ್ಯ ನೂರು ಮೊಟ್ಟೆಗಳಿಗೆ 725 ರೂಪಾಯಿ ದರವಿದೆ. ಇದು ಮುಂಬರುವ ದಿನಗಳಲ್ಲಿ ಇನ್ನಷ್ಟು ಏರಿಕೆ ಕಾಣುವ ಸಾಧ್ಯತೆಗಳು ಹೆಚ್ಚಾಗಿದೆ. ಏಕೆಂದರೆ ಗ್ರಾಹಕರ ಬೇಡಿಕೆ ಏರಿಕೆಯಾಗಿರುವುದೇ ಇದಕ್ಕೆ ಕಾರಣವಾಗಿದೆ. ಜನವರಿ ತಿಂಗಳಲ್ಲಿ ಸುಮಾರು 800 ರೂಪಾಯಿಯಾಗುವ ಸಾಧ್ಯತೆಗಳಿವೆ.
ಇದನ್ನೇ ರಿಟೇಲ್ ಮಾರುಕಟ್ಟೆಯಲ್ಲಿ ಒಂದು ಮೊಟ್ಟೆಗೆ 8 ರೂಪಾಯಿ, ಅಥವಾ 8 ರೂಪಾಯಿ 50 ಪೈಸೆಗೆ ಮಾರಾಟವಾಗುತ್ತಿವೆ. ಅದೇ ರೀತಿಯಲ್ಲಿ ಜನವರಿ ತಿಂಗಳಲ್ಲಿ 800 ರೂಪಾಯಿ ದಾಟಿದರೆ, ಒಂದು ಮೊಟ್ಟೆ 10 ರೂಪಾಯಿಯಾಗುವುದರಲ್ಲಿ ಯಾವುದೇ ಸಂಶಯವಿಲ್ಲ ಎನ್ನುತ್ತಿದ್ದಾರೆ ವ್ಯಾಪಾರಿಗಳು.
ಮೊಟ್ಟೆಯ ದರ ಏರಿಕೆಗೆ ತಾಪಮಾನ ಕುಸಿತ, ಶೀತಗಾಳಿಯೇ ಕಾರಣವಾಗಿದೆ. ಮಾಂಸ ಪ್ರಿಯರು ಮತ್ತು ಮಾಂಸ ಪ್ರಿಯರಲ್ಲದವರು ಕೂಡ ಮೊಟ್ಟೆ ಸೇವಿಸುತ್ತಿದ್ದಾರೆ. ಆದ್ದರಿಂದ ಮೊಟ್ಟೆ ಬೆಲೆ ಮಾತ್ರವಲ್ಲ ಮೊಟ್ಟೆಯಿಂದ ಮಾಡುವ ಎಲ್ಲಾ ಖಾದ್ಯಗಳ ಬೆಲೆಯೂ ಗಣನೀಯ ಪ್ರಮಾಣದಲ್ಲಿ ಏರಿಕೆ ಕಂಡಿದೆ.
ಕುದಿಸಿದ ಮೊಟ್ಟೆ, ಮೊಟ್ಟೆ ಕರಿ, ಎಗ್ ರೈಸ್, ಮೊಟ್ಟೆ ಬರ್ಜಿ, ಮೊಟ್ಟೆ ಪಕೋಡಾ ಸೇರಿದಂತೆ ಎಲ್ಲಾ ಖಾದ್ಯಗಳ ಬೆಲೆಯಲ್ಲಿಯೂ ಗಣನೀಯ ಪ್ರಮಾಣದಲ್ಲಿ ಏರಿಕೆಯಾಗಿದೆ. ಅನೇಕ ಕಡೆಗಳಲ್ಲಿ ಚಿಕನ್ ಬಿರಿಯಾನಿ, ಮಟನ್ ಬಿರಿಯಾನಿ ಜೊತೆ ಮೊಟ್ಟೆ ನೀಡುತ್ತಿದ್ದರು. ಇದೀಗ ಇದು ಕಾಣೆಯಾಗುತ್ತಿದೆ ಎಂದು ಗ್ರಾಹಕರು ತಮ್ಮ ಅಳಲನ್ನು ತೋಡಿಕೊಂಡಿದ್ದಾರೆ.
ಹೆಲ್ಮೆಟ್ ಇಲ್ಲದ ಬೈಕ್ ಸವಾರನ ಹಿಡಿದ ಪೊಲೀಸ್, ಒಂದೇ ಮಾತಿಗೆ ದಂಡ ವಿಧಿಸದೆ ಬಿಟ್ಟು ಕಳುಹಿಸಿದ್ದೇಕೆ? ವಿಡಿಯೋ ನೋಡಿ
