Subscribe NewsicsKannada/YouTube
newsics.com
ನವದೆಹಲಿ: ದೇಶದಲ್ಲಿ ಚಿನ್ನ ಹಾಗೂ ಬೆಳ್ಳಿ ಬೆಲೆ ಏರುಗತಿಯಲ್ಲಿಯೇ ಮುಂದುವರಿದಿದ್ದು, ಮತ್ತೊಂದು ಸಾರ್ವಕಾಲಿಕ ದಾಖಲೆ ನಿರ್ಮಿಸಿವೆ.
ದೆಹಲಿಯಲ್ಲಿ 99.9 ಶುದ್ಧತೆಯ ಚಿನ್ನದ ಬೆಲೆಯು 10 ಗ್ರಾಂಗೆ 9700 ರೂ. ಏರಿ ದಾಖಲೆಯ 1.30 ಲಕ್ಷ ರೂ.ಗೆ ತಲುಪಿದೆ.
ಇದೇ ವೇಳೆ 10 ಗ್ರಾಂ 99.5 ಶುದ್ಧತೆ ಚಿನ್ನ 2700 ರೂ.ಗೆ ಜಿಗಿದು, 1.22 ಲಕ್ಷ ರೂ.ಗೆ ಏರಿದೆ.
ಮತ್ತೊಂದೆಡೆ ಬೆಳ್ಳಿ ಬೆಲೆಯು 7400 ರೂ. ಏರಿಕೆ ಕಂಡು, ಜೀವಮಾನದ ಗರಿಷ್ಠವಾದ ಕೇಜಿಗೆ 1.57 ಲಕ್ಷ ರೂ.ಗೆ ತಲುಪಿದೆ.
ಜಾಗತಿಕ ಚಿನ್ನದ ಬೇಡಿಕೆ ಮತ್ತು ರೂಪಾಯಿ ಸಾರ್ವಕಾಲಿಕ ಕನಿಷ್ಠಕ್ಕೆ ತಲುಪಿರುವುದು ಚಿನ್ನದ ಬೆಲೆ ಏರಿಕೆಗೆ ಕಾರಣವಾಗಿದೆ.
ವಿದೇಶಿ ಮಾರುಕಟ್ಟೆಗಳಲ್ಲಿ ಸುರಕ್ಷಿತ ಖರೀದಿಗೆ ಆದ್ಯತೆ ನೀಡಿರುವುದು ಹಾಗೂ ರೂಪಾಯಿ ಮೌಲ್ಯ ಕುಸಿತದಿಂದಾಗಿ ಚಿನ್ನದ ಬೆಲೆಯಲ್ಲಿ ಭಾರೀ ಏರಿಕೆ ಆಗಿದೆ.
ಅಖಿಲ ಭಾರತ ಸರಾಫಾ ಅಸೋಸಿಯೇಷನ್ ಪ್ರಕಾರ, 99.9 ಪ್ರತಿಶತ ಶುದ್ಧತೆಯ ಹಳದಿ ಲೋಹವು ಶುಕ್ರವಾರ 10 ಗ್ರಾಂಗೆ 1,20,600 ರೂ. ನಲ್ಲಿ ಮುಕ್ತಾಯಗೊಂಡಿತ್ತು.
ಸ್ಥಳೀಯ ಮಾರುಕಟ್ಟೆಯಲ್ಲಿ, 99.5 ಪ್ರತಿಶತ ಶುದ್ಧತೆಯ ಚಿನ್ನವು ಸೋಮವಾರ 2,700 ರೂ. ಏರಿಕೆಯಾಗಿ 10 ಗ್ರಾಂಗೆ 1,22,700 ರೂ. ತಲುಪಿ ದಾಖಲೆಯ ಗರಿಷ್ಠ ಮಟ್ಟವನ್ನು ತಲುಪಿದೆ.
ಬೆಳ್ಳಿ ಬೆಲೆಯೂ ಸಹ ಭಾರೀ ಏರಿಕೆ ಕಂಡಿದೆ. ಬಿಳಿ ಲೋಹವು ಪ್ರತಿ ಕಿಲೋಗ್ರಾಂಗೆ 7,400 ರೂ.ಗಳಷ್ಟು ಏರಿಕೆಯಾಗಿ 1,57,400 ರೂ.ಗಳಷ್ಟು ಹೊಸ ಗರಿಷ್ಠ ಮಟ್ಟ ತಲುಪಿದೆ.
ಶುಕ್ರವಾರ ಅದು ಪ್ರತಿ ಕಿಲೋಗ್ರಾಂಗೆ 1,50,000 ರೂ.ಗಳಲ್ಲಿ ಕೊನೆಗೊಂಡಿತ್ತು.
ಮೊದಲ ಬಾರಿಗೆ ಲಾಟರಿ ಖರೀದಿಸಿದ್ದ ಕೇರಳದ ವ್ಯಕ್ತಿಗೆ 25 ಕೋಟಿ ರೂ. ಬಹುಮಾನ
ಜಾತಿ ಗಣತಿಅವಧಿ ವಿಸ್ತರಣೆ – ಶಿಕ್ಷಕರಿಗೆ ಬೆಳಗ್ಗೆ 8 ರಿಂದ ಮಧ್ಯಾಹ್ನ 1ರವರೆಗೆ ಶಾಲೆ, ಬಳಿಕ ಸಮೀಕ್ಷೆ ಕಾರ್ಯ
