Newsics_Kannada
Subscribe and watch video
ನ್ಯೂಸಿಕ್ಸ್ ಕನ್ನಡ
ಬನ್ನಿ ನಮ್ ಸಂಗಡ
newsics.com
ಅವರ ಸಮಕಾಲೀನ ನಟರಿಗೆ ಹೋಲಿಸಿದರೆ, ಬಿಗ್ ಬಿ ಅಂತಾನೆ ಖ್ಯಾತಿ ಪಡೆದಿರುವ ಬಾಲಿವುಡ್ ನಟ ಅಮಿತಾಭ್ ಬಚ್ಚನ್ ಅವರ ಜನಪ್ರಿಯತೆ ಮತ್ತು ಫಿಟ್ನೆಸ್ ನಿಜವಾಗಿಯೂ ಹೆಚ್ಚು ಖುಷಿ ಕೊಡುವಂತಹ ವಿಷಯಗಳಾಗಿವೆ. ಈ ನಟ ಇನ್ನೂ ಸಹ ಚಿತ್ರೋದ್ಯಮದಲ್ಲಿ ಸಕ್ರಿಯರಾಗಿದ್ದಾರೆ ಮತ್ತು ಅವರ ಅಚಲ ಶಕ್ತಿಯು ಯುವ ಪೀಳಿಗೆಗೆ ಸ್ಫೂರ್ತಿ ನೀಡುತ್ತಲೇ ಇದೆ. 83 ವರ್ಷದಲ್ಲಿ ಸಹ ಬಿಗ್ ಬಿ ತಮ್ಮ ಫಿಟ್ನೆಸ್ ಬಗ್ಗೆ ತಮ್ಮ ಬದ್ಧತೆಯನ್ನು ಸಾಬೀತುಪಡಿಸಿದ್ದಾರೆ.
ಅಮಿತಾಭ್ ಬಚ್ಚನ್ ಅವರು ಸಮತೋಲಿತ ಆಹಾರಕ್ರಮವನ್ನು ಅನುಸರಿಸುತ್ತಾರಂತೆ ಮತ್ತು ಹೆಚ್ಚಾಗಿ ಸೊಪ್ಪಿನ ತರಕಾರಿಗಳು ಮತ್ತು ತಾಜಾ ಹಣ್ಣುಗಳನ್ನು ತಿನ್ನುತ್ತಾರಂತೆ. ಅಮಿತಾಭ್ ಅವರು ಜಂಕ್ ಫುಡ್ ಅನ್ನು ಸ್ವಲ್ಪವೂ ತಿನ್ನುವುದಿಲ್ವಂತೆ, ಬರೀ ದಾಲ್, ಸಬ್ಜಿ ಮತ್ತು ಚಪಾತಿಯನ್ನು ಸೇವಿಸುತ್ತಾರಂತೆ.
ಇದಲ್ಲದೆ, ಸದಾ ಹೈಡ್ರೇಟ್ ಆಗಿರಲು ದಿನವಿಡೀ ಸಾಕಷ್ಟು ನೀರು ಕುಡಿಯುವುದನ್ನು ಇವರು ಅಭ್ಯಾಸ ಮಾಡಿಕೊಂಡಿದ್ದಾರಂತೆ. ಹೀಗೆ ಸದಾ ಕಾಲ ಹೈಡ್ರೇಟ್ ಆಗಿರುವುದು, ದೇಹದ ಒಳಗೆ ಇರುವಂತಹ ವಿಷಕಾರಿ ಪದಾರ್ಥಗಳನ್ನು ಹೊರ ಹಾಕುತ್ತದೆಯಂತೆ.
ವೃದ್ಧಾಪ್ಯಕ್ಕೆ ಕಾಲಿಡುತ್ತಿದ್ದಂತೆ, ಅಮಿತಾಭ್ ಬಚ್ಚನ್ ಆರೋಗ್ಯದ ಬಗ್ಗೆ ಹೆಚ್ಚು ಕಾಳಜಿವಹಿಸುತ್ತಿದ್ದಾರೆ. ಅವರು ಕೆಲವು ಅಭ್ಯಾಸಗಳು ಮತ್ತು ವಿಷಯಗಳಿಂದ ದೂರ ಉಳಿದರು. ಅದು ಎಷ್ಟೇ ಪ್ರೀತಿಯದ್ದಾದರೂ ಆರೋಗ್ಯಕ್ಕೆ ಗಮನ ನೀಡುತ್ತಾರೆ. ಅಮಿತಾಭ್ ಯಾವ ವಿಷಯಗಳಿಂದ ದೂರವಿದ್ದಾರೆ ಎಂಬುದನ್ನು ತಿಳಿದುಕೊಳ್ಳಿ.
ಅಮಿತಾಭ್ ಬಚ್ಚನ್ ಅವರಿಗೆ ಆಹಾರದ ಬಗ್ಗೆ ವಿಶೇಷ ಪ್ರೀತಿ ಇತ್ತು. ಅದರಲ್ಲೂ ಮಾಂಸಾಹಾರ ಇಷ್ಟವಾಗಿತ್ತು. ಆದರೆ ಅವರು ಮಾಂಸಾಹಾರ ತಿನ್ನುವುದನ್ನು ಸಂಪೂರ್ಣವಾಗಿ ಬಿಟ್ಟುಬಿಟ್ಟರು. ಇದಲ್ಲದೆ ಅನ್ನ ಊಟ ಮಾಡುವುದರಿಂದ ದೂರವಿದ್ದಾರೆ. ಮಧ್ಯಾಹ್ನ ಅಥವಾ ರಾತ್ರಿ ಊಟ ಇರಲಿ, ಅವರು ಅನ್ನ ತಿನ್ನುವುದೇ ಇಲ್ಲ.
ಅಮಿತಾಬ್ ಬಚ್ಚನ್ ಮದ್ಯಪಾನ ಅಥವಾ ಯಾವುದೇ ರೀತಿಯ ಜಂಕ್ ಫುಡ್ ಸೇವಿಸುವುದಿಲ್ಲ. ಅವರು ತಮ್ಮ ಕುಟುಂಬದಲ್ಲಿ ಯಾರಿಗೂ ಜಂಕ್ ಫುಡ್ ತಿನ್ನಲು ಬಿಡುವುದಿಲ್ಲ. ಅದು ದೇಹಕ್ಕೆ ತುಂಬಾನೇ ಹಾನಿ ಮಾಡುತ್ತದೆ ಎಂಬುದನ್ನು ಅವರು ಅರಿತಿದ್ದಾರೆ. ಈ ಕಾರಣದಿಂದಲೇ ಅವರು ಇದನ್ನು ತೊರೆಯುವ ನಿರ್ಧಾರ ಮಾಡಿದ್ದಾರೆ.
ಅಮಿತಾಭ್ ಅವರು ಯಾವಾಗಲೂ ಮನೆಯಲ್ಲಿ ಮಾಡಿದ ಆಹಾರವನ್ನು ತಿನ್ನುತ್ತಾರೆ. ಅವರ ಆಹಾರದಲ್ಲಿ ಯಾವುದೇ ಸಿಹಿತಿಂಡಿಗಳಿಲ್ಲ. ಅವರು ಹಲವು ವರ್ಷಗಳ ಹಿಂದೆಯೇ ಸಿಹಿ ತಿನ್ನುವುದನ್ನು ನಿಲ್ಲಿಸಿದ್ದರು. ಅವರಿಗೆ ಸಕ್ಕರೆ ಕಾಯಿಲೆ ಇದೆ. ಈ ಕಾರಣದಿಂದ ಸ್ವೀಟ್ ತಿನ್ನುವುದೇ ಇಲ್ಲ.
