newsics.com
ಬೆಂಗಳೂರು: ರಾಜ್ಯ ಸರ್ಕಾರವು ಕಬ್ಬನ್ ಪಾರ್ಕ್ನಲ್ಲಿ ಸಿನಿಮಾ ಮತ್ತು ಮದುವೆ ಶೂಟಿಂಗ್ ನಿಷೇಧಿಸಿದ ಬೆನ್ನಲ್ಲೇ ಬೆಂಗಳೂರಿನ ಪ್ರಸಿದ್ಧ ಲಾಲ್ಬಾಗ್ ಸಸ್ಯೋದ್ಯಾನವೂ ಇದೇ ರೀತಿಯ ಕ್ರಮಕ್ಕೆ ಮುಂದಾಗಿದೆ.
ಲಾಲ್ಬಾಗ್ನಲ್ಲಿ ಎಲ್ಲಾ ರೀತಿಯ ಫೋಟೋ ಮತ್ತು ವಿಡಿಯೋ ಶೂಟಿಂಗ್ಗಳನ್ನು ನಿಷೇಧಿಸುವ ಪ್ರಸ್ತಾವನೆಯನ್ನು ತೋಟಗಾರಿಕೆ ಇಲಾಖೆ ಸಿದ್ಧಪಡಿಸುತ್ತಿದೆ.
ಲಾಲ್ಬಾಗ್ನ ಉಳಿವಿಗಾಗಿ, ಮರಗಳ ಮಧ್ಯೆ ಮತ್ತು ನಂತರದ ಫೋಟೋ ಮತ್ತು ವಿಡಿಯೋ ಚಿತ್ರೀಕರಣ, ಬೇಬಿ ಶವರ್ ಮತ್ತು ಮಾಡೆಲಿಂಗ್ ಪೋರ್ಟ್ಫೋಲಿಯೊಗಳು, ಇನ್ಸ್ಟಾಗ್ರಾಮ್ ರೀಲ್ಸ್ಗಳು ಮತ್ತು ವಾಣಿಜ್ಯ ಚಿತ್ರೀಕರಣ ಸೇರಿದಂತೆ ಎಲ್ಲಾ ರೀತಿಯ ಫೋಟೋ ಮತ್ತು ವಿಡಿಯೋ ಚಿತ್ರೀಕರಣವನ್ನು ನಿಷೇಧಿಸುವ ಪ್ರಸ್ತಾವನೆಯನ್ನು ತೋಟಗಾರಿಕೆ ಇಲಾಖೆ ಸಿದ್ಧಪಡಿಸುವ ಅಂತಿಮ ಹಂತದಲ್ಲಿದೆ.
ಮದುವೆಗೆ ಮುಂಚಿನ ಮತ್ತು ನಂತರದ ಶೂಟ್ಗಳು, ಮಕ್ಕಳ ಮತ್ತು ಮಾಡೆಲಿಂಗ್ ಪೋರ್ಟ್ಫೋಲಿಯೊಗಳು, ಇನ್ಸ್ಟಾಗ್ರಾಮ್ ರೀಲ್ಗಳು ಮತ್ತು ವಾಣಿಜ್ಯ ಚಿತ್ರೀಕರಣ ನಡೆಸದಂತೆ ಸೂಚನೆ ನೀಡಲಾಗಿದೆ.
ಮಾಜಿ ಐಎಫ್ಎಸ್ ಅಧಿಕಾರಿ ಮತ್ತು ಪರಿಸರ ತಜ್ಞ ಎ.ಎನ್. ಯಲ್ಲಪ್ಪ ರೆಡ್ಡಿ ಅವರ ನೇತೃತ್ವದಲ್ಲಿ ತಜ್ಞರ ಸಮಿತಿಯನ್ನು ರಚಿಸಲಾಗಿದೆ. ಮದುವೆ ಮತ್ತು ಮಾಡೆಲಿಂಗ್ ಶೂಟಿಂಗ್ಗಳಲ್ಲಿ ಬಳಸುವ ಲೌಡ್ ಸ್ಪೀಕರ್ ಮತ್ತು ಕೃತಕ ಬೆಳಕಿನಿಂದಾಗಿ ಜೇನುನೊಣಗಳು ಮತ್ತು ಗೂಡು ಕಟ್ಟುವ ಹಕ್ಕಿಗಳಿಗೆ ತೊಂದರೆಯಾಗುತ್ತದೆ. ಫ್ಲ್ಯಾಶ್ ಲೈಟ್ನಿಂದಾಗಿ ಜೇನುಗೂಡುಗಳಿಗೆ ತೊಂದರೆಯಾದಾಗ ಜನರು ಜೇನುನೊಣಗಳಿಂದ ಕಚ್ಚಿಸಿಕೊಂಡ ಉದಾಹರಣೆಗಳಿವೆ ಎಂದು ಅವರು ಹೇಳಿದರು.
ಇತ್ತೀಚೆಗೆ ಲಾಲ್ಬಾಗ್ನಲ್ಲಿ ಅನುಚಿತವಾಗಿ ವರ್ತಿಸುತ್ತಿರುವವರ ಸಂಖ್ಯೆ ಹೆಚ್ಚಾಗುತ್ತಿದೆ. ಇದು ಕಿರಿಯರು, ಹಿರಿಯ ನಾಗರಿಕರಿಗೆ ಮುಜುಗರವನ್ನುಂಟುಮಾಡುವಂತೆ ಮಾಡಿದೆ. ಸಾರ್ವಜನಿಕವಾಗಿ ಬಟ್ಟೆ ಬದಲಾಯಿಸುವುದು, ಹುಡುಗ-ಹುಡುಗಿಯರ ಲಲ್ಲೆ ಇದು ವಿಶೇಷವಾಗಿ ಮಕ್ಕಳು ಮತ್ತು ಹಿರಿಯ ನಾಗರಿಕರಿಗೆ ಕಸಿವಿಸಿಯುಂಟು ಮಾಡುತ್ತದೆ. ಕೆಲವು ಸಂದರ್ಭಗಳಲ್ಲಿ, ಛಾಯಾಗ್ರಾಹಕರು ಮತ್ತು ದಂಪತಿಗಳು ಉತ್ತಮ ಫೋಟೋ ಮತ್ತು ವಿಡಿಯೋ ಅ್ಯಂಗಲ್ಗಳಿಗಾಗಿ ಮರಗಳನ್ನು ಹತ್ತುತ್ತಿರುವುದು ಅಥವಾ ಹೂವಿನ ಗಿಡಗಳ ಮೇಲೆ ನಿಂತಿರುವುದು ಕಂಡುಬಂದಿದೆ. ಇದರಿಂದ ಸಸ್ಯಗಳು ಮತ್ತು ಮರಗಳಿಗೆ ಹಾನಿಯಾಗುತ್ತದೆ. ಹೀಗಾಗಿ ಲಾಲ್ಬಾಗ್ನಲ್ಲಿ ಕಬ್ಬನ್ ಪಾರ್ಕ್ನಲ್ಲಿ ಕೈಗೊಂಡಂತಹ ನಿಯಮಗಳನ್ನೇ ಜಾರಿ ಮಾಡಲಾಗುತ್ತದೆ ಎಂದು ತೋಟಗಾರಿಕಾ ಇಲಾಖೆ ಹೇಳಿದೆ.
ಕಾಂತಾರ ಚಾಪ್ಟರ್-1 ಚಿತ್ರೀಕರಣಕ್ಕೆ ಮತ್ತೊಂದು ಸಂಕಷ್ಟ : ತಹಸಿಲ್ದಾರ್ ನೋಟಿಸ್, ಉತ್ತರಕ್ಕೆ 3 ದಿನಗಳ ಡೆಡ್ ಲೈನ್
Model Sheetal’s mysterious death ಮಾಡೆಲ್ ಶೀತಲ್ ನಿಗೂಢ ಸಾವು: ಕಾಲುವೆಯಲ್ಲಿ ಶವ ಪತ್ತೆ
Police In Honeytrap: ಕಾನೂನು ಕಾಪಾಡಬೇಕಿದ್ದ ಪೋಲಿಸಪ್ಪನ ಹನಿ ಕಹಾನಿ
Woman attacked by Rapido bike driver ಮಹಿಳೆ ಮೇಲೆ ರ್ಯಾಪಿಡೋ ಬೈಕ್ ಚಾಲಕನಿಂದ ಹಲ್ಲೆ, ವೈರಲ್ ವಿಡಿಯೋ ನೋಡಿ
